1 Vacami c'a, tinojij na pe ajani nkurojo' ri Katata' Dios, roma nu'ij ralc'ua'l*Jn. 1:12. chike. Romari', ri c'a benak na cánima pa ruvi' ri roch'ulef man queteman ta chi roj, roj ralc'ua'l ri Dios, roma rije' man queteman ta ri utzulaj runo'oj rija'. 2 Rix ri can yixinjo', vacami roj, roj ralc'ua'l chic ri Dios, y man jani k'alajrisan achique kabanic xtekabana' ri más chikavech apu, pero keteman chi tok xtik'alajrises, xkujoc achel rija',*Sal. 17:15. roma riq'uin kavech xtikatz'et*Job 19:26; Mt. 5:8. tzak achique rubanic rija'. 3 Y conojel ri coyo'en pa cánima chi xque'oc achel rija', niquich'ajch'ojij-apu-qui',*2 Co. 7:1. achel rija' ch'ajch'oj.

4 Conojel ri jumul yec'uje' pa mac, niquik'aj ri ley ri xuya' ri Dios. Roma ri na'an mac,*1 Jn. 5:17. junan riq'uin nak'aj ru-ley ri Dios. 5 Rix iveteman chi ri Jesucristo xuk'alajin richin xrelesaj ri kamac.*Is. 53:5; Mt. 1:21; 2 Co. 5:21; He. 1:3. Y rija' man jun rumac. 6 Conojel ri jumul jun cánima quibanon riq'uin rija', man niqui'en ta mac. Conojel ri jumul yec'uje' pa mac,*3 Jn. 11. man (k'axnak, novinak) ta chiquivech achique ri' rija', nis-ta queteman ri utzulaj runo'oj. 7 Rix ri rix achel ch'utik valc'ua'l, man jun tisatzo ino'oj. Ri nibano ri choj pa ruc'aslen, can choj vi, achel ri Jesucristo choj. 8 Ri jumul nic'uje' pa mac, can richin vi ri itzel.*Mt. 13:38; Jn. 8:44. Roma ri itzel can rubanon-vi-pe mac xe pa na'ey. Y ri Ruc'ajol ri Dios xuk'alajin richin xuyoj rusamaj ri itzel.*Gn. 3:15.

9 Conojel ri eralc'ua'l chic ri Dios, can man quichin ta vi chi yec'uje' jumul pa mac,*1 Jn. 5:18. roma ruc'aslen ri Dios tiquil chiri' pa cánima jumul, y manak che'el chi jumul yec'uje' pa mac, roma eralc'ua'l chic ri Dios. 10 Vacami c'a, nin-ij chive achique quicojol ri eralc'ua'l ri Dios quiq'uin ri eralc'ua'l ri itzel. Xa achique na jun ri man ruc'uan ta jun chojmilaj c'aslen y man yerojo' ta ri quiniman ri Jesucristo, man richin ta ri Dios.

11 Roma ri ch'abel ri ivac'axan-pe xe tok xinimaj ri Jesucristo quire' nu'ij: can tikajo-ki' chikavech.*Jn. 13:34, 35; 15:12; Ef. 5:2. 12 Man xa tika'an achel xu'on ri Caín ojer. Rija' can richin vi ri itzel y xucamisaj ri ruchak'.*Gn. 4:8. ¿Y achique roma xucamisaj? Roma ri xerubanala' ri Caín, xa itzel, jac'a ri ruchak' xeru'on ri can choj vi.

13 Rix ri junan kaniman ri Jesucristo iviq'uin, man jun vi tina' si ri vinak ri c'a benak na cánima riq'uin ri roch'ulef xa itzel yixquitz'et.*Jn. 15:18, 19. 14 Roma riq'uin ri yekajo' ri junan kaniman ri Jesucristo quiq'uin, keteman chi roj elenak chic pe chupan ri c'aslen ri nuc'uan pa camic, richin xojk'ax-apu*Jn. 5:24. chupan ri c'aslen ri nuya' ri Dios. Jac'a ri man nrojo' ta jun ri junan quiniman ri Jesucristo riq'uin, c'a man jani tel-pe chupan ri c'aslen ri nuc'uan pa camic. 15 Xa achique na jun ri xa itzel nutz'et*1 Jn. 4:20. jun ri junan quiniman ri Jesucristo riq'uin, junan nu'ij chi rija' jun camisanel.*Mt. 5:21, 22; Gá. 5:21; Ap. 21:8. Y rix iveteman, chi jun camisanel manak ri c'aslen ri richin jumul pa ránima. 16 Ri Jesucristo man xupokonaj ta xuya-ri' pa camic koma roj, y riq'uin ri' niketemaj achique ri' ri yatojo'on*Jn. 3:16; Ro. 5:8; Ef. 5:2, 25. pan avánima. Quiri' mismo roj, jun c'as chikij chi nikaya-ki' pa camic coma ri junan kaniman ri Jesucristo quiq'uin. 17 Jac'a ri ruchajin ronojel ri nic'atzin che choch'ulef, y xa nucovij ránima richin nuto' jun ri runiman ri Jesucristo ri manak nuq'uen-vi ri nic'atzin che,*Dt. 15:7; Lc. 3:11. ri nicovin ránima, nik'alajin chi xa manak (rajovabel, ru-amor) ri Dios pa ránima. 18 Rix ri rix achel ch'utik valc'ua'l, man xaxe riq'uin kachi' y kach'abel tika'ij chi can nkujo'on pa kánima. Xa riq'uin ri yekabanala' tik'alajin chi can kitzij nikajo-ki' chikavech.*Ro. 12:9.

19 Y riq'uin ri nikajo-ki', keteman chi ja ri kitzij*Jn. 18:37. uc'uayon kichin, y nikana' chi nuxlan kánima chuvech ri Dios roma 20 masque ri kánima nuna' chi c'o man utz ta kabanon, pero rija' más reteman que chuvech ri kánima, roma rija' reteman ronojel. 21 Rix ri can yixinjo', si ri kánima nuna' chi man jun ri man utz ta kabanon*Job 22:26; He. 10:22. chuvech ri Dios, cukul kac'u'x riq'uin rija', 22 y xa achique na ri nikac'utuj che rija', can xtikac'ul na vi riq'uin.*Mt. 21:22; Mr. 11:24; Jn. 14:13. Roma nika'an ri ruchila'en can, y ri nika chuvech. 23 Y ri ruchila'en can ri Dios, jare': Tikaya' kánima*Jn. 6:29. riq'uin ri Jesucristo ri Ruc'ajol, y tikajo-ki' chikavech, achel ri ru'in can chi tikabana'. 24 Ri nibano ri ruchila'en can ri Dios, man nuya' ta can chi xa jun ránima rubanon riq'uin,*Jn. 17:21. y pa ránima jumul c'o ri Dios. Keteman chi ri Dios jumul c'o pa kánima roma ri Lok'olaj Espíritu ri ruyo'on chike.*Ro. 8:9.