5
1 Pero pa ruvi' ri achique juna' y achique k'ij nipe ri Ajaf, rix ri junan kaniman iviq'uin, man nic'atzin ta chi c'o nitz'ibes-e chive. 2 Roma rix jabel iveteman chi ri nimalaj k'ij tok ri Ajaf xtu'on ri ru'in can, xtipe achel nipe jun elek'on*Mt. 25:13; Ap. 3:3; 16:15. chak'a'. 3 Ja tok ri vinak xtiqui'ij: Vacami xa utz rojc'o, man jun ntoc chike, xquecha', xa jari' c'ate xtiquina', xtiq'uis quik'ij, achel ri k'axomal c'ate retal nitiquer-pe chirij jun ixok ri ja nalex ac'ual chuk'a', y manak che'el xtiquicol-qui' chuvech ri xtipe chiquij. 4 Jac'a rix ri junan kaniman ri Jesucristo iviq'uin, man pa k'eku'n*Ro. 13:12, 13. ta rixc'o-vi, richin chi roma ta ri' man ta ina'en ri k'ij tok xtipe ri Ajaf. Man ta nipe chivij achel jun elek'on ri man jun nina'en tok ntoc pa jun jay. 5 Roma rix chi'ivonojel rix richin ri sakil*Ef. 5:8. y rix richin ri pak'ij. Junan iviq'uin, man roj richin ta ri ak'a' ni man roj richin ta ri k'eku'n. 6 Roma c'a ri', man tika'an achel niqui'en ri ch'aka' chic ri xa achel yever. Kuc'ase'*1 P. 5:8. pa ruvi' ri kac'aslen y tikana' ri achique nkutajin riq'uin. 7 Roma ri yever, chak'a' yever; y ri yek'aber, chak'a' yek'aber.*Ro. 13:13, 14. 8 Jac'a roj ri roj richin ri sakil, tikana' ri achique nkutajin riq'uin. Jumul ticuke' kac'u'x riq'uin ri Jesucristo y jumul tikajo-ki', roma riq'uin ri quiri' nikavik ri kánima, nikato-ki'*Ef. 6:14-17. achel nuto' roruc'u'x jun soldado riq'uin jun ch'ich' ri nucusaj-ka chirij ri rutziak. Y jumul tikoyo'ej-apu ri k'ij tok tz'akat xkucolotaj-e, achel xa ta jun casco kacusan richin nikato' ri (kajolon, kavi'). 9 Roma ri Dios man roj rucha'on ta richin nuya' castigo pa kavi'; rija' roj rucha'on*2 Ts. 2:13. richin nkucolotaj roma ri Kajaf Jesucristo 10 ri xuya-ri' pa camic koma, richin quiri' si c'a roj q'ues na, c'o kac'aslen riq'uin rija', y si roj caminak chic e, mismo c'o kac'aslen riq'uin rija'. 11 Roma c'a ri', tiyala' ruchuk'a' ri ivánima chivech y titola-ivi', richin yixq'uiy riq'uin ri ic'aslen, achel ri yixtajin riq'uin.
Ri Pablo yerupaxa'aj ri quiniman ri Jesucristo pa tinamit Tesalónica
12 Riq'uin quemelal nikac'utuj favor chive rix aj-Tesalónica ri junan kaniman ri Jesucristo iviq'uin, chi tibana' chi can c'o cakale'n chivech ri yesamaj chi'icojol pa rusamaj ri Dios, ri quic'uan bey chivech pa rubi' ri Ajaf y yixquipaxa'aj. 13 Tibana' chique chi can c'o quik'ij, y que'ijo' roma ri samaj ri yetajin riq'uin. Chuvi' uxlanen*Stg. 3:18. tic'uaj-vi-ivi' chivech. 14 Jun chic quemelal nikajo' nikac'utuj chive rix ri junan kaniman ri Jesucristo iviq'uin, ja chi que'ipaxa'aj ri c'o quik'oral, que'ibochi'ij ri manak más ruchuk'a' cánima, que'itemej*Ro. 15:1. ri manak ruchuk'a' ri quic'aslen riq'uin ri Jesucristo, y que'icoch'o' conojel.*1 Co. 13:4-6. 15 Titz'etela-ivi' chivech chi nis-ta jun chive nutzolij ruq'uexel*Lv. 19:18; Pr. 20:22. ri man utz ta ni'an che. Ja ri c'o utz nuq'uen-pe chive rix y chique conojel ri jumul titija' ik'ij chi ni'en.*Gá. 6:10. 16 Jumul tiquicot ri ivánima.*Fil. 4:4. 17 Man tiya' can chi ni'en orar.*Lc. 18:1; Col. 4:2. 18 Tiya' matiox*Ef. 5:20. chupan ronojel ri nibanataj, roma ri Dios quiri' nrojo' chi ni'en roma xa jun ibanon riq'uin ri Cristo Jesús.
19 Man tichup-ka*Ef. 4:30. rusamaj ri Lok'olaj Espíritu pan ivánima. 20 Tok jun nuya' rubixic ri nu'ij-pe ri Dios pa ránima, man itzel tivac'axaj. 21 Tichayuj rij*1 Jn. 4:1. ronojel ri nu'ij-pe, y ri utz tiyaca-ka pan ivánima. 22 Tik'ila-ivi' chuvech ronojel ruvech man utz ta.
23 Y ri Dios mismo ri niyo'on uxlanen pan ivánima tz'akat ta c'a xtuch'ajch'ojij-apu ri ic'aslen, ri i-espíritu, ri ivánima y ri i-cuerpo, richin quiri' manak roma ni'an tzij chivij, y can ta quiri' ichajixic xtu'on, c'a tuka na ri k'ij tok xtipe chic jun bey ri Kajaf Jesucristo.*1 Co. 1:7, 8. 24 Ri Dios ri noyon ivichin, can quiri' na vi xtu'on, roma rija' can nu'on-vi ri ru'in.
Ri ruq'uisbel tak saludo ri nutak-e ri Pablo chique ri aj-Tesalónica
25 Kojiya' pan oración*2 Ts. 3:1. rix ri junan kaniman ri Jesucristo iviq'uin.
26 Que'ibana' saludar conojel ri quiniman ri Jesucristo, y tic'utu' chiquivech chi kitzij ye'ijo'.
27 Y pa rubi' ri Ajaf yixintakchi'ij chi tibana' leer ri vuj re' chiquivech conojel ri quiniman ri Jesucristo.
28 Ri ru-favor ri Kajaf Jesucristo can ta xtic'uje' iviq'uin chi'ivonojel. Amén.
*5:2 Mt. 25:13; Ap. 3:3; 16:15.
*5:4 Ro. 13:12, 13.
*5:5 Ef. 5:8.
*5:6 1 P. 5:8.
*5:7 Ro. 13:13, 14.
*5:8 Ef. 6:14-17.
*5:9 2 Ts. 2:13.
*5:13 Stg. 3:18.
*5:14 Ro. 15:1.
*5:14 1 Co. 13:4-6.
*5:15 Lv. 19:18; Pr. 20:22.
*5:15 Gá. 6:10.
*5:16 Fil. 4:4.
*5:17 Lc. 18:1; Col. 4:2.
*5:18 Ef. 5:20.
*5:19 Ef. 4:30.
*5:21 1 Jn. 4:1.
*5:23 1 Co. 1:7, 8.
*5:25 2 Ts. 3:1.