1 Jac'a pa ruvi' ri to'onic*Hch. 11:29. ri nic'atzin chique ri erichin ri rutinamit ri Dios,*Ro. 15:26; 1 Co. 16:1; Gá. 2:10. man nic'atzin ta chi c'a ninc'utuj-e chive. 2 Roma yin veteman chi rix nirayij yixto'on-e, y romari' ninya' juba' ik'ij chiquivech ri quiniman ri Jesucristo vave' pa roch'ulef Macedonia. Yin nu'in chique chi ri rixc'o chila' pa roch'ulef Acaya, xe juna'ir*2 Co. 8:10. can inojin yixto'on-e, y riq'uin ri quiri' xiya' pan ivánima, jari' xbano chique eq'uiy chiquicojol rije' chi xalex-pe pa cánima chi xeto'on-e. 3 Pero nintak-e chila' iviq'uin*2 Co. 8:6, 17. ri Tito y ri ca'i' chic ri junan kaniman ri Jesucristo quiq'uin, richin quiri' can ta imolon chic ri ofrenda richin nijach chike, achel ri xin-ij tok xinya' juba' ik'ij rix pa ruvi' ri ofrenda ri nijo' niya', y man ta xe cha' ri utzulaj itzijol nubanon. 4 Roma xa ta ec'o jujun vave' pa roch'ulef Macedonia ri yebe chuvij,*Hch. 20:4. y si yixquil chi xa man imolon ta ri ofrenda, xa jun q'uix chike roj roma can cukul kac'u'x iviq'uin, pero yin ninna' chi más q'uix chive rix. 5 Xa romari', yin xinnojij chi más utz xinc'utuj favor chique ri Tito y ri ca'i' chic chi quenabeyaj chinuvech chila' iviq'uin, richin quiri' nequitz'akatisaj rumolic ri man juba' ta oc chi ofrenda ri alaxnak-pe pan ivánima chi niya'. Richin quiri' nik'alajin chi pan ivánima ntel-vi-pe chi q'uiy niya', y man xa tik'alajin chi rix kanimimen chuc'utuxic.

6 Pero tivelesaj ejemplo chirij ri ticonel. Ri man q'uiy ta tico'n nu'on, man q'uiy ta nrelesaj chuvech, jac'a ri q'uiy nutic, q'uiy*Pr. 11:24; 19:17; 22:9; Gá. 6:7, 9. nrelesaj. 7 Roma c'a ri', chi'ijununal tiya' ri ajani nalex-pe pan ivánima,*Ex. 25:2; 35:5; Dt. 15:7; 2 Co. 8:12. man xa riq'uin bis, ni man roma rix nimimen chuc'utuxic. Roma ri Dios can yerojo' ri yequicot niquiya' qui-ofrenda. 8 Y rija' c'o uchuk'a' pa ruk'a' richin nuya-pe*Fil. 4:19. chive ronojel ruvech beyomal richin yixtiquer ye'ito' ri nic'atzin quito'ic,*Pr. 28:27. roma jumul c'o ronojel iviq'uin ri achok pa ruvi' ni'e-vi ri ik'a'. 9 Achel nu'ij ri tz'iban can:

10 Y ri Dios ri niyo'on semilla*Gn. 1:11. che ri ticonel,*Is. 55:10. y niyo'on ri nic'atzin che ri nivayijan, rija' xtuya' y xtu'on chi xtiq'uiyer ruvech ri achok che yixto'on-vi, y xtu'on chi xtiq'uiyer ri utz xtuq'uen-pe ri chojmilaj to'onic ri yixtajin riq'uin. 11 Quiri' xtu'on ri Dios chive richin xtic'uje' q'uiy iviq'uin achel jun beyon, richin quiri' man jun roma nijec' ri ik'a' richin yixto'on. Y ri ofrenda ri xtiya-e pa kak'a' roj xtuq'uen-pe matioxinic*2 Co. 4:15. che ri Dios coma ri xquec'ulu. 12 Roma riq'uin ri ofrenda ri nitak-e chique ri nic'atzin quito'ic, man xe ta ye'ito' chupan ri c'ayef ri ec'o-vi vacami,*2 Co. 8:14. xa can xtu'on chi q'uiy matioxinic niyo'ox che ri Dios. 13 Y riq'uin ri ye'ito-e, rije' xtiquiya' ruk'ij*Mt. 5:16. ri Dios roma nik'alajin chiquivech chi rix kitzij ri ni'ij chi iniman ri utzulaj ch'abel ri nu'ij achique ruchojmil yecolotaj ri vinak, y roma man nijec' ta ri ik'a' chiquito'ic rije' y chiquito'ic conojel. 14 Y man xe ta ri', xa xtiquic'utuj ru-favor ri Dios pan ivi', y can xtel cánima chivij roma ri nimalaj samaj rubanon ru-favor*2 Co. 8:1. ri Dios pan ivánima. 15 ¡Matiox c'a che ri Dios roma ri nimalaj sipanic*Stg. 1:17. ruyo'on chike ri man nilitaj ta rubixic choch'ulef!