13
Ri na'ey (mul, paj) ye'el ri Bernabé y ri Saulo chutzijosic ruch'abel ri Dios
Chiquicojol ri niquimol-qui' pa rubi' ri Ajaf pa tinamit Antioquía, ec'o yeyo'on rubixic ri nu'ij-pe ri Dios pa cánima, y ec'o yetijon pa ruvi' ri ruch'abel ri Dios, achel ri Bernabé, ri Simón ri ni'ix Niger che, ri Lucio aj pa tinamit Cirene, ri Manaén ri junan xeq'uiy riq'uin ri Herodes ri nibano gobernar pa Galilea, y ri Saulo. C'o jun k'ij quimolon-qui' richin niquiya' ruk'ij ri Ajaf, y quibanon coch'on vayijal, jari' tok ri Lok'olaj Espíritu xu'ij chique: Ri Bernabé y ri Saulo xenvoyoj richin jun samaj, romari' que'icha'* Nm. 8:14. can richin ri', xcha'. Tok xetane' riq'uin ri coch'on vayijal, y riq'uin ri oración, jari' xquiya' quik'a' pa quivi' ri Bernabé y ri Saulo, y xequitak c'a richin nequibana' ri samaj.
Ri Bernabé y ri Saulo niquitzijoj ruch'abel ri Dios pa roch'ulef Chipre
Tok ri Lok'olaj Espíritu erutakon chic e ri Bernabé y ri Saulo, rije' xebe-ka pa tinamit Seleucia. Chiri' xe'oc-e pa jun barco richin xebe-apu pa roch'ulef Chipre.* Hch. 4:36. Tok ec'o chic chiri', xebe pa tinamit Salamina, y pa tak sinagogas niquitzijoj-vi ruch'abel ri Dios chique ri israelitas. Ja jun ri Juan ri ni'ix Marcos che benak chiquij* Hch. 12:25. richin yeruto'. Jac'a tok ri Bernabé, ri Saulo y ri Juan xek'ax yan chupan ronojel ri roch'ulef Chipre ri c'o pa mar, xbequila' jun tinamit rubinan Pafos. Chiri' xquil-vi jun achi israelita rubinan Barjesús, jun banoy magia* Ex. 22:18; Lv. 20:6; Dt. 18:10. ri ruk'eban-ri' chi ri nu'ij, ja ri Dios ni'in-pe pa ránima. Rija' nisamaj riq'uin ri gobernador rubinan Sergio Paulo, jun achi ri jabel ninojin. Ri Sergio Paulo re' xutak coyoxic ri Bernabé y ri Saulo, roma nrojo' nrac'axaj ruch'abel ri Dios. Pero ri Barjesús nutij ruk'ij yeruk'at* 2 Ti. 3:8. ri Bernabé y ri Saulo, richin chi ri gobernador Sergio Paulo man ta nuya' ránima riq'uin ri Jesucristo. Ri Barjesús banoy magia ni'ix che, roma jari' nu'ij tzij ri rubi'. Jac'a ri Saulo, ri ni'ix Pablo che, nojnak ri Lok'olaj Espíritu* Hch. 4:8. pa ránima xutz'et-apu utz-utz ri achi banoy magia, 10 y xu'ij che: Rat pan avánima nojnak-vi chi nasetz quino'oj vinak y chi ye'abanala' itzel tak no'oj. Rat jun ralc'ua'l ri itzel,* Jn. 8:44; 1 Jn. 3:8. y itzel natz'et ronojel ri choj. ¿Man xcatane' ta cami chi na'an xotoxic che ri chojmilaj rubey ri Ajaf Dios? 11 Vacami c'a, ri Ajaf Dios xtuya-pe castigo pan avi'. Man xcatzu'un ta y man xtatz'et ta rusakil ri k'ij jun tiempo, xcha' ri Pablo. Jac'ari' xmake-ka pa k'eku'n* 2 R. 6:18. ri Barjesús, man jun achique nutz'et, xe nimakak nibin, nucanoj jun richin niyuken chuk'a'. 12 Tok ri gobernador Sergio Paulo xutz'et ri xbanataj, xsatz ruc'u'x pa ruvi' ri ruchuk'a' ri (tijonic, enseñanza) richin ri ruch'abel ri Ajaf, y ja xunimaj.
Pa tinamit Antioquía pa roch'ulef Pisidia niquitzijoj-vi ruch'abel ri Dios ri Pablo y ri Bernabé
13 Pa tinamit Pafos ri Pablo y ri ebenak riq'uin xe'oc-e pa jun barco y xebe pa tinamit Perge ri c'o pa roch'ulef Panfilia. Jac'a ri Juan ri ni'ix Marcos che,* Hch. 12:12. xa xeruya' can, y xtzolij pa tinamit Jerusalem. 14 Jac'a tok quiyo'on chic can ri tinamit Perge, ri Pablo y ri Bernabé xebe pa jun chic tinamit rubinan Antioquía ri c'o pa roch'ulef Pisidia. Y pa jun sábado ri k'ij richin uxlanen, rije' xe'oc pa sinagoga* Hch. 9:20; 17:1, 2. y xetz'uye'. 15 Jac'a tok banon chic leer ri ajani che ri ley ri xyo'ox che ri Moisés* Hch. 15:21. y ri ajani che ri quitz'iban can ri profetas* Lc. 4:17. ri ruk'ijul chi ni'an leer chupan ri k'ij ri', jari' tok ri c'o quik'ij chiri' quire' rubixic xquitak chique ri Pablo y ri Bernabé: Rix tata'aj, ri kachak'-kanimal ki' iviq'uin, si c'o ca'i-oxi' itzij ni'ij chique ri quimolon-qui' vave' richin ye'ipaxa'aj, tibana', xecha' chique. 16 Jac'ari' xpa'e' ri Pablo y xu'on retal* Hch. 12:17. riq'uin ruk'a' richin man jun tich'o, y xu'ij chique:
Nuvinak israelitas ri rix tata'aj, y rix man israelitas ta ri ichajin ic'aslen chuvech ri Dios, tivac'axaj c'a ri xtin-ij chive: 17 Ri ka-Dios roj israelitas xerucha' ri kati't-kamama' y xu'on nimalaj tinamit chique pa roch'ulef Egipto,* Ex. 1:1, 7, 12. ri mana-ta quiroch'ulef. Jac'a tok ruk'ijul chic chi ye'el-pe pa quik'a' ri aj-Egipto, riq'uin ruchuk'a' xerelesaj-pe chiri'.* Ex. 13:14, 16; Dt. 7:6-8. 18 Jun cami cuarenta juna'* Ex. 16:35. xerucoch' ri pa chakijlaj tz'iran ulef. 19 Y tok eruq'uison chic vuku' tinamit* Dt. 7:1. pa roch'ulef Canaán, xuya' ri quiroch'ulef chique ri kati't-kamama'.* Jos. 14:1, 2. 20 C'ajari' xeruya' jueces* Jue. 2:16. pa quivi' richin yec'ojon jun cami (caji', quiji') ciento juna' riq'uin nic'aj, y ri ruq'uisbel xc'ojon pa quivi' ja ri profeta Samuel. 21 Jari' c'a tok xquic'utuj jun rey richin yeru'on gobernar.* 1 S. 8:5. Y ri Dios jun riy-rumam can ri Benjamín ri xuya' pa quivi' chi rey cuarenta juna', jun achi rubinan Saúl ruc'ajol jun achi rubinan Cis. 22 Jac'a tok ri Dios xrelesaj-e ri Saúl chi rey,* 1 S. 13:13, 14; Os. 13:10, 11. ja ri David xuya' richin xoc rey, y can c'o ru'in pa ruvi' ruc'aslen tok xu'ij: Vacami xinvil jun achi ri can ja achel ri vánima yin, quiri' ránima rija', y ri' ja ri David ri ruc'ajol ri Isaí ri can xtu'on-vi ri ninrayij yin. Quiri' xu'ij ri Dios. 23 Y ja chiquicojol riy-rumam can ri rey David xalex-vi ri Jesús,* Ro. 1:3. achel ri rusujun-pe ri Dios chi nipe na jun Kacolonel roj israelitas. 24 Pero na'ey chi xuka ri Jesús, ri Juan ri Bautista xu'ij chique ri kavinak israelitas chi tiquijala' quino'oj, tiquiya' can ri quimac, y tiquibana' bautizar qui'. 25 Jac'a ri Juan na'ey chi nuq'uis ri samaj, quire' xu'ij: ¿(Yin achique, ayincu'x) yin ninojij rix? Yin man yin ta ri Jun ri oyo'en chi nitak-pe roma ri Dios, pero chuvij yin petenak Jun ri man nuc'ul ta chi ja yin yisolo ri ximibel ruxajab,* Jn. 1:27. xcha'.
26 Rix tata'aj, ri kachak'-kanimal ki' iviq'uin roma junan roj riy-rumam can ri katata' Abraham, y rix man israelitas ta ri ichajin ic'aslen chuvech ri Dios ri rixc'o chikacojol, yin nin-ij chive chi ri utzulaj ch'abel ri nu'ij achique ruchojmil nkucolotaj, ja chive rix takon-vi-pe. 27 Roma ri vinak pa tinamit Jerusalem y ri yebano gobernar chiquicojol, man xquetemaj ta* Jn. 8:28; 16:3; Hch. 3:17. chi ja ri Jesús ri Colonel takon-pe roma ri Dios, nis-ta xquetemaj chi nitzakon ri quitz'iban can ri profetas ojer, masque c'o che ri tz'iban can ni'an leer chiquivech pa ronojel tak sábado ri k'ij richin uxlanen. Y roma man xquetemaj ta, jari' xbano chi xquic'utuj chi tika ri camic pa ruvi' ri Jesús,* 1 Co. 2:8. y riq'uin ri' xtzakon ri quitz'iban can ri profetas. 28 Y masque man jun mac xquil chirij ri Jesús richin can ta utz nika ri camic pa ruvi', xa xquic'utuj che ri Pilato chi ticamises.* Lc. 23:22, 23. 29 Jac'a tok xtzakon yan ronojel ri tz'iban can chupan ruch'abel ri Dios chirij ri Jesús,* Jn. 19:28, 30, 36, 37. xquikasaj-pe chuvech che', c'ajari' xbequimuku'.* Lc. 23:53. 30 Pero ri Dios xu'on chi xc'astaj-pe chiquicojol ri anima'i'.* Hch. 2:24, 32; He. 13:20. 31 Y chiquivech ri xetzekle'en-pe richin tok xel-pe pa departamento Galilea richin xjote-e pa Jerusalem, ri Jesús c'a q'uiy na k'ij xuc'ut-ri',* Hch. 1:3; 1 Co. 15:5-7. y ja mismo rije' yek'alajrisan richin chique ri vinak vacami. 32 Y ja jun roj nkutzijon chive ri utzulaj ch'abel ri nu'ij achique ruchojmil yecolotaj ri vinak, ri sujun can chique ri kati't-kamama' ojer,* Gn. 12:3. 33 ri c'a ja chikavech roj ri quiy-quimam can xu'on ri Dios chi xtzakon-vi, roma xuc'asoj-pe ri Jesús chiquicojol ri anima'i', achel tz'iban can chupan ri ruca'n salmo ri quire' nu'ij: Rat, rat Nuc'ajol, vacami xatinc'ut chiquivech chi ja yin ri yin yayon ac'aslen,* Sal. 2:7. nicha'. 34 Ri Dios xuc'asoj ri Jesús chiquicojol ri anima'i' richin xuya' chic ruc'aslen ri man jun bey xtiq'uis, achel rusujun chique ri kati't-kamama', ri quire' nuij: Ri nusujun che ri rey David chi can ninpokonaj ruvech,* Is. 55:3. can quiri' vi xtin-en iviq'uin, nicha'.
35 Romari' jun chic salmo quire' nu'ij: Man c'a xtaya' ta lugar chi nik'ey-ka ru-cuerpo ri Lok'olaj Ac'ajol,* Sal. 16:10. nicha'. 36 Pero ri ch'abel ri', man pa ruvi' ta ri David nich'o-vi, roma ri David tok xc'ase' choch'ulef, xu'on ri xrojo' ri Dios che richin xeruto' ri vinak ri xec'uje' pa ru-tiempo. Jac'a rija' xa (xcom, xquen), y xmuk ri achique lugar emukul-vi ri rati't-rumama' y chiri' xk'ey-vi. 37 Jac'a ri Jesús man xk'ey ta ri ru-cuerpo, roma ri Dios xu'on chi xc'astaj-pe chiquicojol ri anima'i'. 38 Roma c'a ri', rix ri kachak'-kanimal ki' chikavech, tivetemaj c'a chi roma ri Jesús tok nitzijos chive chi ni'an perdonar ri mac.* Jer. 31:34. 39 Ri ley ri xyo'ox che ri Moisés man xtiquer ta xu'on chi man jun ta chic imac xivakalej chuvech ri Dios. Pero conojel ri niquiya' cánima riq'uin ri Jesús, man jun quimac nicakalej chuvech ri Dios.* Is. 53:11; Gá. 2:16. 40 Roma c'a ri', tibana' cuenta ivi', man xa pan ivi' tika-vi ri nu'ij ri quitz'iban can ri profetas, roma chiri' ri Dios nu'ij:
41 Titz'eta' rix ri itzel nitz'et ri nuch'abel, tina' ralal ri nika pan ivi', y quixq'uis.
Roma yin chupan tak ri k'ij ri yixc'ase-e choch'ulef, xtin-en jun nimalaj samaj chivech,
Y masque c'o jun niyo'on rutzijol chive ri xtin-en, rix man xtinimaj ta chi quiri' xtebanataj.* Hab. 1:5.
Quiri' ru'in can ri Dios, xcha' ri Pablo.
42 Jac'a tok ri Pablo y ri Bernabé xe'el-pe pa qui-sinagoga ri israelitas, ri man israelitas ta xquic'utuj quemelal chique chi can ta yepe chic vukubix quiq'uin, richin nuquitzijoj chic jun bey chiquivech achel ri ch'abel ri c'a ja xquic'axaj-ka. 43 Y tok xquiquiraj-qui' ri xquimol-qui' pa sinagoga ri k'ij ri', eq'uiy israelitas y eq'uiy yo'ol ruk'ij ri Dios ri man israelitas ta xetzekle'en-e quichin. Jac'a ri Pablo y ri Bernabé xequipaxa'aj y xqui'ij chique chi jumul cof quec'uje' chupan ri favor ri rubanon ri Dios chique.* He. 12:15; 1 P. 5:12.
44 Jac'a tok xquimol chic qui' chi vuku' k'ij chupan ri sábado ri k'ij richin uxlanen, xa juba' ma chi jun tinamit xquimol-apu-qui' richin niquic'axaj ruch'abel ri Dios. 45 Pero ri israelitas ri man niquinimaj ta ri Jesús, tok xquitz'et chi xa juba' ma ronojel ri tinamit xquimol-apu-qui', nikukut-apu cánima chirij ri Pablo, y itzel yech'o-apu chirij, niqui'ij chi xa man kitzij ta ri nu'ij y yeyok'on-apu.* Hch. 18:6; 1 P. 4:4; Jud. 10. 46 Jac'a ri Pablo y ri Bernabé man xquixi'ij ta qui' richin xqui'ij chique: Ri ruch'abel ri Dios xc'atzin chi na'ey chivech rix kavinak xka'ij-vi, pero roma rix xa itzel nivac'axaj ri ch'abel re', rix mismo nik'alajrisaj-ivi' chi can man utz ta chi niyo'ox ri c'aslen ri richin jumul chive; romari' xa quiq'uin ri man israelitas ta* Dt. 32:21; Is. 55:5; Ro. 10:19, 20. nku'e-vi. 47 Roma ri Ajaf quire' ru'in can chike:
Rat nuyo'on richin sakil quichin ri man israelitas ta,
Richin yatoc tzijoy richin ri achique ruchojmil yecolotaj ri ec'o c'a pa ruq'uisbel ruchi' ri roch'ulef.* Is. 42:6; 49:6.
Quiri' ri tz'iban can, xcha' ri Pablo.
48 Tok ri man israelitas ta xquic'axaj quiri', xquicot cánima, y xquiya' ruk'ij ruch'abel ri Ajaf, y conojel ri can richin vi chi niquil ri c'aslen ri richin jumul, xquiya' cánima riq'uin ri Jesucristo. 49 Y ri ruch'abel ri Ajaf xtzijos chi naj chi nakaj chupan ri roch'ulef ri'. 50 Pero chiri' pa tinamit Antioquía ec'o ixoki' eyo'ol ruk'ij ri Dios y can c'o quik'ij, y quiri' mismo ec'o achi'a' ri can c'o quik'ij chiquicojol ri quivinak. Conojel re' xyo'ox quino'oj coma ri israelitas ri man quiniman ta ri Jesús y xetakchi'ix richin xequi'en pokon chique ri Pablo y ri Bernabé y richin xecokotaj-pe* 1 Ts. 2:15, 16. ri chiri' pa roch'ulef Pisidia. 51 Jac'a ri Pablo y ri Bernabé (xquitota', xquiquiraj) can ri pokolaj chicakan richin tik'alajin chiquivech ri aj-Antioquía chi can man utz ta xqui'en* Lc. 9:5. chi xquixutuj ruch'abel ri Dios, c'ajari' xebe pa tinamit Iconio. 52 Y ri quiniman ri Jesús, jani na yequicot* 1 P. 1:8. y nojnak ri Lok'olaj Espíritu pa cánima.

*13:2 Nm. 8:14.

*13:4 Hch. 4:36.

*13:5 Hch. 12:25.

*13:6 Ex. 22:18; Lv. 20:6; Dt. 18:10.

*13:8 2 Ti. 3:8.

*13:9 Hch. 4:8.

*13:10 Jn. 8:44; 1 Jn. 3:8.

*13:11 2 R. 6:18.

*13:13 Hch. 12:12.

*13:14 Hch. 9:20; 17:1, 2.

*13:15 Hch. 15:21.

*13:15 Lc. 4:17.

*13:16 Hch. 12:17.

*13:17 Ex. 1:1, 7, 12.

*13:17 Ex. 13:14, 16; Dt. 7:6-8.

*13:18 Ex. 16:35.

*13:19 Dt. 7:1.

*13:19 Jos. 14:1, 2.

*13:20 Jue. 2:16.

*13:21 1 S. 8:5.

*13:22 1 S. 13:13, 14; Os. 13:10, 11.

*13:23 Ro. 1:3.

*13:25 Jn. 1:27.

*13:27 Jn. 8:28; 16:3; Hch. 3:17.

*13:27 1 Co. 2:8.

*13:28 Lc. 23:22, 23.

*13:29 Jn. 19:28, 30, 36, 37.

*13:29 Lc. 23:53.

*13:30 Hch. 2:24, 32; He. 13:20.

*13:31 Hch. 1:3; 1 Co. 15:5-7.

*13:32 Gn. 12:3.

*13:33 Sal. 2:7.

*13:34 Is. 55:3.

*13:35 Sal. 16:10.

*13:38 Jer. 31:34.

*13:39 Is. 53:11; Gá. 2:16.

*13:41 Hab. 1:5.

*13:43 He. 12:15; 1 P. 5:12.

*13:45 Hch. 18:6; 1 P. 4:4; Jud. 10.

*13:46 Dt. 32:21; Is. 55:5; Ro. 10:19, 20.

*13:47 Is. 42:6; 49:6.

*13:50 1 Ts. 2:15, 16.

*13:51 Lc. 9:5.

*13:52 1 P. 1:8.