1 Rix ri rix ajaf, choj y tz'akat tibana'*Lv. 19:13; Mal. 3:5; Ef. 6:9. pa quivi' ri samajela' ri ec'o chuxe' itzij. Tuka pan ivi' chi ja jun rix c'o jun Ivajaf chila' chicaj.

2 Man quixmestaj riq'uin ri oración,*Lc. 18:1; Ro. 12:12; Ef. 6:18; 1 Ts. 5:17. can ta rix q'ues utz-utz pa ruvi', riq'uin matioxinic che ri Dios. 3 Y tok rix ni'en orar, ja jun koma roj*Ef. 6:19; 2 Ts. 3:1. tibana' orar, richin chi ri Ajaf nujak jun puerta*1 Co. 16:9; 2 Co. 2:12. más chikavech richin nikatzijoj ri ch'abel ri nich'o pa ruvi' ri Jesucristo, ri ch'abel ri man can ta ojer ri' k'alajrisan can,*Mt. 13:11; 1 Co. 4:1. ri achok roma yin yo'on pa cárcel.*Ef. 6:20; Fil. 1:7. 4 Tic'utuj c'a che ri Dios chi yin k'alaj-k'alaj rubixic nin-en che ri ruk'alajrisan can ri Dios, achel ri nic'atzin chi nin-en.

5 Ja ri no'oj ri petenak riq'uin ri Dios ri ticusaj chuc'uaxic ri ic'aslen chiquicojol ri man quiniman ta*1 Ts. 4:12. ri Jesucristo. Utz rucusasic tibana' ri tiempo.*Ef. 5:16. 6 Can ta jumul qui-qui' ri ich'abel*Ec. 10:12. chiquivech ri ye'ac'axan ivichin. Si quiri' ni'en, iveteman nitzolij ruvech quitzij*1 P. 3:15. chiquijununal ri c'o niquic'utuj chive.

7 Ronojel ri achique enuk'asan,*Ef. 6:21, 22. ja ri Tíquico xteyo'on rutzijol chive. Rija' junan kaniman ri Jesucristo riq'uin, y can ninjo'. Rija' ronojel ránima ruyo'on-ri' chupan rusamaj ri Ajaf ri achok chupan junan nkusamaj-vi riq'uin. 8 Ja c'a roma re' tok ja rija' ri nintak-e iviq'uin, richin nerac'axaj achique ibanon y richin neruya' ruchuk'a' ri ivánima. 9 Junan yebe riq'uin ri Onésimo*Flm. 10. ri junan kaniman ri Jesucristo riq'uin, y can ninjo'. Rija' ronojel ránima c'o chirakan ri Jesucristo, y xa mismo aj chila' iviq'uin. Ja c'a ri ca'i' re' xque'eyo'on rutzijol chive ronojel ri banatajnak vave'.

10 Ri Aristarco*Hch. 19:29; 20:4; 27:2. ri c'o viq'uin vave' pa cárcel, y ri Marcos*Hch. 15:37; 2 Ti. 4:11. ri ru-primo ri Bernabé niquitak-e i-saludo. Y achel ri nu'in-e chive; si ri Marcos xquixerutz'eta', rix utz tic'ulu' ruvech. 11 (Chuka', ka) nutak-e i-saludo ri a Jesús. Rija' c'o chic jun rubi'; Justo ni'ix che. Chiquicojol ri nuvinak israelitas, xaxe ri oxi' re' ri yeto'on vichin chutzijosic chi naj chi nakaj ru-gobierno ri Dios, y quiyo'on ruchuk'a' ri vánima. 12 Ri Epafras*Col. 1:7. ri jun aj chila' iviq'uin nutak-e i-saludo. Rija' jun rusamajinel ri Jesucristo, y can nutij ruk'ij pan oración ivoma. Jumul nuc'utuj che ri Dios chi can ta cof rixc'o chirakan ri Jesucristo, chi tz'akat ri ic'aslen y chi jumul cukul ic'u'x ni'en ri nrojo' ri Dios. 13 Quiri' nutz'eton chi nu'on ri Epafras ivoma, can nutij ruk'ij pan i-cuenta y pa qui-cuenta ri quiniman ri Jesucristo pa tinamit Laodicea*Col. 2:1. y pa tinamit Hierápolis. 14 Ri Lucas ri aj-k'omanel ri can ninjo', nutak-e i-saludo, quiri' mismo ri Demas.*Flm. 24. 15 Que'ibana' saludar ri quiniman ri Jesucristo ri ec'o pa tinamit Laodicea, y tibana' saludar ri Ninfas y conojel ri niquimol-qui' pa rubi' ri Dios chiracho.*Ro. 16:5. 16 Tok re nutz'iban-e chive ibanon chic leer, tibana' chi ja jun chiquivech*1 Ts. 5:27. ri niquimol-qui' pa rubi' ri Dios pa tinamit Laodicea ni'an-vi leer. Y ri jun chic vuj ri takon-e quiq'uin rije', tiquitaka-pe iviq'uin rix, richin ni'an leer chivech. 17 Ti'ij che ri Arquipo*Flm. 2. chi tutz'eta' chi tz'akat tubana' che ri samaj*1 Co. 4:1; 2 Ti. 1:6. ri yo'on che roma ri Ajaf.

18 Ri saludo re', ja yin Pablo yitz'iban-e riq'uin nuk'a'. Man timestaj chi pa cárcel yinc'o-vi.*2 Ti. 1:8; He. 13:3. Ri ru-favor ri Dios xtic'uje' ta c'a iviq'uin. Amén.