7
Ri 144 mil israelitas ri xyo'ox quetal
1 Tok nutz'eton chic ronojel re', jari' xentz'et (caji', yaquiji') ángeles y jujun chique rije' epa'el pa tak ruchi' ri roch'ulef quik'aton ri (caji', quiji') ruvech cak'ik', richin man jun cak'ik'* Ex. 15:10; Sal. 147:18; Is. 27:8; Dn. 7:2; Jon. 1:4. tik'ax pa ruvi' ri roch'ulef, pa ruvi' ri mar, nis-ta pa quivi' ri che'. 2 Jac'ari' xintz'et chi jotol-pe jun chic ángel ri achique lugar ntel-vi-pe ri k'ij, ri ruc'amon-pe ri sello richin ri c'aslic Dios. Ri ángel ri' riq'uin ruchuk'a' xch'o-apu chique ri (ecaji', yaquiji') ángeles ri jachon uchuk'a' pa quik'a' richin niquiya' k'axomal pa ruvi' ri roch'ulef y pa ruvi' ri mar, 3 y quire' c'a xu'ij-apu chique: Man tiya' yan k'axomal pa ruvi' ri roch'ulef, nis-ta pa ruvi' ri mar nis-ta pa quivi' ri che', c'a tikaya' na quetal* Ez. 9:4; Ap. 9:4; 13:16; 14:1; 22:4. nic'aj-quivech ri erusamajela' ri ka-Dios. 4 Jac'ari' xinvac'axaj ri ajani chikakan ri xyo'ox quetal. Ciento cuarenta y cuatro mil ri xyo'ox quetal, y conojel re' equiy-quimam can ri eruc'ajol ri Israel. 5 Chique riy-rumam can ri Judá, doce mil. Chique riy-rumam can ri Rubén, doce mil. Chique riy-rumam can ri Gad, doce mil. 6 Chique riy-rumam can ri Aser, doce mil. Chique riy-rumam can ri Neftalí, doce mil. Chique riy-rumam can ri Manasés, doce mil. 7 Chique riy-rumam can ri Simeón, doce mil. Chique riy-rumam can ri Leví, doce mil. Chique riy-rumam can ri Isacar, doce mil. 8 Chique riy-rumam can ri Zabulón, doce mil. Chique riy-rumam can ri José, doce mil, y chique riy-rumam can ri Benjamín, doce mil. Ja conojel re' ri xyo'ox quetal nic'aj-quivech.
Ri man juba' ta oc chi vinak quicusalo'n sakilaj tak tziek
9 Tok nutz'eton chic ronojel re', yin Juan xintz'et chi man juba' ta oc chi vinak quimolon-qui' ri man jun nitiquer najlan quichin, ri jalajoj tak quivech, jalajoj cati't-quimama', jalajoj quitinamit, y jalajoj quich'abel;* Ap. 5:9. quicusalo'n sakilaj tak tziek,* Ap. 3:5. y quic'ualo'n ruk'a' tak palmas pa quik'a', ec'o-apu chuvech ri nimalaj tz'uyubel y chuvech ri Alaj Oveja. 10 Riq'uin c'a cuchuk'a' quire' niqui'ij-apu:
Ri xebano chi xojcolotaj,* Sal. 3:8; Is. 43:11; Jer. 3:23; Os. 13:4. ja ri ka-Dios
Ri tz'uyul* Ap. 5:13. pa nimalaj tz'uyubel,
Y ri Alaj Oveja,
yecha'.
11 Y conojel ri ángeles quisiriren-qui' epa'el-apu chiquij ri nimalaj tz'uyubel, ri nima'k quijuna' achi'a', y ri (caji', quiji') c'o quic'aslen,* Ap. 4:6. y re' xexuque-ka, xquiya-ka nic'aj quivech pan ulef chuvech ri nimalaj tz'uyubel y quire' niqui'ij richin niquiya' ruk'ij ri Dios:
12 ¡Amén!
Jumul-jumul* Ap. 5:13. ja ri rubi' ri ka-Dios tinimirises, y tiyo'ox ruk'ij;
Pa ruk'a' rija' c'o-vi utzulaj no'oj, y che rija' timatioxix-vi ronojel.
Ja rija' ri ti'an xuculen chuvech;
Ja rija' c'o pa ruvi' ronojel,
Y pa ruk'a' rija' c'o-vi ronojel uchuk'a'.
¡Amén!
yecha'.
13 Jac'ari' jun chique ri nima'k quijuna' achi'a' xuc'utuj chuve: Re quicusalo'n sakilaj tak tziek, ¿rat aveteman quivech? y, ¿aveteman achique lugar quepe-vi? xcha' chuve. 14 Yin Juan xin-ij-apu che: Vajaf, rat etemayon, xicha'. Y rija' xu'ij-pe chuve: Jare' ri ek'axnak chic pe chupan ri nimalaj k'axomal, rije' quich'ajon ri quitziak y ch'ajch'oj* Is. 1:18; Zac. 3:3-5; He. 9:14; Ap. 1:5. quibanon che chupan ruquiq'uel* 1 Jn. 1:7. ri Alaj Oveja. 15 Romari', ec'o-apu chuvech ri nimalaj rutz'uyubal ri Dios, y chi chak'a' chi pak'ij niqui'en ri rusamaj chupan ri racho. Y ri tz'uyul pa nimalaj rutz'uyubal, can xquerumujaj* Is. 4:5, 6. riq'uin ri ruxic'. 16 Rije' man chic xtiquicoch' ta vayijal, nis-ta chakij-chi', man chic xquec'at ta chuvech ri k'ij, nis-ta manak chic c'atan* Sal. 121:6; Is. 49:10. xtiquina'. 17 Roma ri Alaj Oveja, ri c'o-apu pa nic'aj chuvech ri nimalaj tz'uyubel, xqueruyuk'uj* Sal. 23:1. y xqueruc'uaj chuchi' alaxbel tak ya' richin c'aslen, y ri Dios xtusu' ronojel ruya'al tak quivech.* Is. 25:8.
*7:1 Ex. 15:10; Sal. 147:18; Is. 27:8; Dn. 7:2; Jon. 1:4.
*7:3 Ez. 9:4; Ap. 9:4; 13:16; 14:1; 22:4.
*7:9 Ap. 5:9.
*7:9 Ap. 3:5.
*7:10 Sal. 3:8; Is. 43:11; Jer. 3:23; Os. 13:4.
*7:10 Ap. 5:13.
*7:11 Ap. 4:6.
*7:12 Ap. 5:13.
*7:14 Is. 1:18; Zac. 3:3-5; He. 9:14; Ap. 1:5.
*7:14 1 Jn. 1:7.
*7:15 Is. 4:5, 6.
*7:16 Sal. 121:6; Is. 49:10.
*7:17 Sal. 23:1.
*7:17 Is. 25:8.