5
C'o rakale'n chi man jun kamac kakalen chuvech ri Dios
Vacami c'a, roj ri man jun kamac kakalen chuvech ri Dios roma cukul kac'u'x riq'uin ri rusujun chike, junan chic kánima riq'uin ri Dios roma ri Kajaf Jesucristo,* Is. 32:17. ri nkucusan-apu chupan ru-favor ri Dios ri achok chupan cof roj pa'el-vi.* 1 Co. 15:1; He. 3:6. Quiri' nu'on chike roma cukul kac'u'x riq'uin. Y can c'o rakale'n chikavech chi koyo'en ri k'ij tok junan xkuc'uje' riq'uin ri Dios ri c'o nimalaj ruk'ij. Y man xe ta ri', ja jun tok nikak'asaj k'axomal* Mt. 5:11, 12. pa kac'aslen, can c'o rakale'n chikavech, roma keteman chi ri k'axomal nu'on chike chi más nkucoch'on. Y ri coch'on k'axomal, más nutz'akatisaj ri kac'aslen chirakan ri Dios.* Stg. 1:3, 12. Y tok más tz'akat chic ri kac'aslen, más nikoyo'ej-apu ri favor ri sujun chike. Y man nkuyo'ox ta can chi q'uix riq'uin ri koyo'en roma ri Dios can nkurojo'. Y jabel keteman chi nkurojo' roma ri Lok'olaj Espíritu ri ruyo'on pa tak kánima.* 2 Co. 1:22; Gá. 4:6.
Roma tok c'a man jun nito'on kichin chuvech ri kamac chiri', jari' xril ruk'ijul* Gá. 4:4. ri runojin-pe ri Dios chi (xcom, xquen) ri Jesucristo pa quiq'uexel* He. 9:26; Ef. 5:2. conojel ri manak Dios pa quivech. Kitzij na vi chi c'ayef nilitaj jun vinak ri nrojo' nuya-ri' pa camic pa ruq'uexel jun ri choj ruc'aslen, o riq'uin juba' c'o jun man nupokonaj ta ri' nicamises pa ruq'uexel jun ri utz ruc'aslen. Pero ri Dios nuc'ut chikavech chi kitzij nkurojo',* Jn. 15:13. roma ri Jesucristo xuya-ri' pa camic pa kaq'uexel* 1 P. 3:18; Ef. 5:2. tok c'a quiri' na rojc'o chupan ri kamac. Vacami riq'uin chi xbin ruquiq'uel* 1 Jn. 1:7. ri Jesucristo koma, man jun kamac kakalen chuvech ri Dios, y romari' más na k'alaj chi can nkucolotaj-vi chuvech ri royoval.* 1 Ts. 1:10. 10 Roma tok roj c'a itzel na nikatz'et ri Dios chiri', rija' riq'uin ri rucamic ri Ruc'ajol xuc'ut chi xuc'ul kavech. Y vacami riq'uin ri ruc'ulun chic kavech,* 2 Co. 5:18. más na k'alaj chi xkucolotaj chuvech ri royoval riq'uin ruc'aslen ri Ruc'ajol.* Jn. 14:19. 11 Y man xe ta ri', ri Dios nu'on chike chi nkuquicot roma ri Kajaf Jesucristo, ri achok roma vacami c'ulun chic kavech roma ri Dios.* Col. 1:20.
Ri nuq'uen-pe ri xu'on ri Adán y ri nuq'uen-pe ri xu'on ri Jesucristo
12 Ri nuq'uen-pe ri nu'in chic ka chive jare': Ri mac xoc choch'ulef roma jun achi, y ri mac xa xuq'uen-pe camic.* Gn. 3:1-24; 1 Co. 15:21. Chiri' xtiquer-vi-pe chi konojel roj vinak (nkucom, nkuquen), roma konojel nika'an mac.* Ro. 6:23. 13 Quiri' nin-ij chive roma chupan ri tiempo tok ri Dios man jani tuya-pe ri ley che ri Moisés, ri vinak can c'o-vi mac niqui'en, pero manak che'el xbix chi can mac ri xbanataj,* 1 Jn. 3:4. roma ri Dios man jani tuya-pe ri ley. 14 Pero masque quiri', conojel vinak ri xec'uje' pa ru-tiempo ri Adán hasta ri tiempo tok xyo'ox ri ley pa ruk'a' ri Moisés, xa (xecom, xequen), masque ri k'ajon tzij ri xqui'en man junan ta riq'uin ri xu'on ri Adán, ri achok pa ruc'aslen c'o niketemaj chirij ruc'aslen ri Jesucristo ri nuc'un chic pe chi nipe chirij can ri Adán.
15 Pero jun vi nuq'uen-pe ri sipanic ri xuya' ri Dios y jun vi nuq'uen-pe ri k'ajon tzij ri xu'on ri Adán. Roma ri k'ajon tzij, xu'on chique eq'uiy chi xe'oc chuxe' ruchuk'a' ri camic. Pero can más vi kitzij chi roma ri favor xurubana-ka ri jun achi rubinan Jesucristo,* Mt. 20:28; He. 9:28. tok eq'uiy niquil ri favor y ri sipanic ri nuya' ri Dios. 16 Ri nuq'uen-pe ri sipanic ri nuya' ri Dios, man juba' junan riq'uin ri nuq'uen-pe ri rumac ri Adán. Roma xaxe riq'uin ri jun mac ri xu'on ri Adán tok ri Dios xu'ij chi can nuc'ul-vi chi nika castigo pa kavi' konojel. Pero roma ri ajani na chi k'ajon tak tzij xka'an roj vinak, ri Dios xusuj ri sipanic ri nibano chi man jun chic mac nikakalej chuvech. 17 Roma si riq'uin ri k'ajon tzij ri xu'on xaxe jun achi, xojoc chuxe' ruchuk'a' ri camic, can más na vi kitzij chi riq'uin ri xu'on ri Jesucristo, conojel ri xquec'ulu ri nimalaj favor y ri sipanic ri nu'on chi man jun chic quimac nicakalej chuvech ri Dios, xtiqui'en gobernar chupan ri c'aslen ri richin jumul.
18 Roma c'a ri', achel xka castigo pa quivi' conojel vinak roma ri k'ajon tzij ri xu'on ri Adán, quiri' mismo roma ri chojmilaj samaj xu'on ri Jesucristo,* Ro. 3:25. conojel ri niquiya' cánima riq'uin, man jun quimac nicakalej chuvech ri Dios y niquil ri c'aslen ri richin jumul. 19 Roma riq'uin ri man xniman ta ri Adán riq'uin ri xbix che roma ri Dios, conojel vinak xe'oc aj-mac, quiri' mismo riq'uin xniman ri Jesucristo riq'uin ri xbix che roma ri Dios, conojel ri niquiya' cánima riq'uin, ni'an chique chi man jun quimac nicakalej. 20 Ri ley ri xuya' ri Dios, xyo'ox richin xk'alajin-pe chi ri kamac roj vinak can q'uiy vi. Pero tok xq'uiyer ri mac, más xq'uiyer ri utzulaj ru-favor* 1 Ti. 1:14. ri Dios pa kavi', 21 richin quiri' achel ri mac xerumaj conojel vinak richin xe'oc chuxe' ruchuk'a' ri camic, can ta quiri' mismo ri ru-favor ri Dios yeril conojel richin ni'an chique chi man jun quimac nicakalej, richin niquil ri c'aslen ri richin jumul ri niyo'ox chique roma ri xu'on ri Kajaf Jesucristo.

*5:1 Is. 32:17.

*5:2 1 Co. 15:1; He. 3:6.

*5:3 Mt. 5:11, 12.

*5:4 Stg. 1:3, 12.

*5:5 2 Co. 1:22; Gá. 4:6.

*5:6 Gá. 4:4.

*5:6 He. 9:26; Ef. 5:2.

*5:8 Jn. 15:13.

*5:8 1 P. 3:18; Ef. 5:2.

*5:9 1 Jn. 1:7.

*5:9 1 Ts. 1:10.

*5:10 2 Co. 5:18.

*5:10 Jn. 14:19.

*5:11 Col. 1:20.

*5:12 Gn. 3:1-24; 1 Co. 15:21.

*5:12 Ro. 6:23.

*5:13 1 Jn. 3:4.

*5:15 Mt. 20:28; He. 9:28.

*5:18 Ro. 3:25.

*5:20 1 Ti. 1:14.