5
Quekajo' c'a ri e ralc'ual chic ri Dios
Janipe' ri yeniman chi ri Jesús jari' ri Cristo ri takon-pe roma ri Dios, quic'uan ri c'ac'a' alaxic y e ralc'ual chic ri Dios.* Mt. 16:16; Jn. 1:12; 1 Jn. 2:22, 23; 3:9; 4:7. Y tok c'o jun tata'aj ri yalan nikajo', can yekajo' c'a chuka' ri e ralc'ual rija'. Y que c'a chuka' ri' riq'uin ri Dios. Vi can nikajo' rija' y yekaben ri nubij, can yekajo-vi c'a ri e ralc'ual chic. Y vi can nikajo' ri Dios, Jn. 14:15. yekaben ri nubij. 2 Jn. 6. Y ri nubij chike, man nikana' ta chi c'ayef rubanic.§ Mt. 11:30. Roj ri oj ralc'ual chic c'a ri Dios, yojch'acon chirij ronojel etzelal richin re ruvach'ulef.* Jn. 16:33. Y yojch'acon roma kaniman chic ri Jesucristo. ¿Achique ta c'a ri nich'acon 1 Co. 15:57. chirij ri etzelal richin re ruvach'ulef? ¿Man xe ta cami ri can quiniman ri Jesús chi ja rija' ri Ruc'ajol ri Dios?
Ri yek'alajirisan richin ri Jesucristo
Ri Jesucristo xpe vave' chuvech re ruvach'ulef; riq'uin ya' xban bautizar; xquen (xcom) chuva ri cruz y xbiyin ri ruquiq'uel. Jn. 19:34. Man xe ta xban bautizar, xa can xbiyin c'a chuka' ri ruquiq'uel. Y re' ja ri Lok'olej Espíritu ri nik'alajirisan chikavech. Y ri Lok'olej Espíritu can xe ri kitzij nubij.§ Jn. 15:26. Y ri chila' chicaj ec'o c'a oxi' ri yek'alajirisan richin ri Jesucristo, y ri e oxi' ri' ja ri Tata'ixel, ri Ch'abel* Jn. 1:1. y ri Lok'olej Espíritu. Y re e oxi' re' xa e jun. Dt. 6:4; 1 Co. 12:4-6. Y chuka' vave' chuvech re ruvach'ulef ec'o oxi' ri yek'alajirisan richin ri Jesucristo. Y ri e oxi' ri' ja ri Lok'olej Espíritu, ri ruquiq'uel ri Jesucristo y ri ya' ri richin xban bautizar. Re e oxi' re' junan ri niquik'alajirisaj chikavech, chi ri Jesucristo can kitzij vi. Roj can nikanimaj y nikacukuba' kac'u'x riq'uin ri nubij jun vinek chike. Y vi queri', can más vi ruc'amon chi nikanimaj y nikacukuba' kac'u'x riq'uin ri nubij ri Dios chike. Jn. 8:17, 18. Y rija' jac'a ri ch'abel chirij ri Ruc'ajol ri nubij chike. 10 Roj ri kaniman chic ri Ruc'ajol ri Dios,§ Ga. 4:6. ja ri kánima ri nibin chike chi kitzij ri nubij ri Dios chirij ri Ruc'ajol.* Jn. 3:33. Jac'a ri vinek ri man quiniman ta, xa niquiben chi man kitzij ta ri nubij ri Dios, roma man niquinimaj ta ri nubij chirij ri Ruc'ajol. 11 Y jare' ri nubij ri Dios, chi nuya' ri c'aslen ri man q'uisel ta chike, y riq'uin ri Ruc'ajol nikac'ul-vi re c'aslen re'. Jn. 1:4. 12 Y roj c'a ri kac'ulun chic ri Ruc'ajol ri Dios, He. 3:14; 1 Jn. 2:23, 24. c'o chic kac'aslen§ Jn. 5:24. riq'uin. Jac'a ri vinek ri man quic'ulun ta ri Ruc'ajol ri Dios, manek quic'aslen riq'uin.
Ri ruq'uisibel tak ch'abel
13 Rix ri iniman chic ri rubi' ri Ruc'ajol ri Dios, nintz'ibaj c'a ronojel re' chive richin nivetamaj chi c'o chic ic'aslen* Jn. 20:31; 1 Jn. 1:1, 2. ri man q'uisel ta y chi can ta cukul ic'u'x riq'uin ri Ruc'ajol ri Dios.
14 Y romari' roj can man jun c'a xibinri'il kiq'uin richin chi yojapon-apo 1 Jn. 3:21. chuvech ri Dios, roma ketaman chi tok c'o nikac'utuj chire, y vi ja ri rurayibel Stg. 4:3. chuka' rija' ri nikac'utuj, rija' can yojrac'axaj-vi. 15 Y roma ri ketaman chi ri Dios nrac'axaj ri c'utunic ri nikaben chire, ketaman chuka' chi nuya-pe ri nikac'utuj chire.
16 Vi c'o jun kach'alal nimacun y xatz'et, tac'utuj c'a chire ri Dios chi nucol§ Job 42:8. chuvech ri camic ri richin jantape'. Xaxe vi ri rumac man nuc'uaj ta pa camic. Roma c'o c'a mac ri can nuc'uan pa camic.* Mt. 12:31; Mr. 3:29; Lc. 12:10. Man ninbij ta c'a chive Jer. 7:16; 14:11. chi can c'o chuka' chi rix nic'utuj chire ri Dios roma ri jun vinek ri nibanon mac ri ruc'uan pa camic. 17 Ronojel ri yekaben ri man e choj ta, 1 Jn. 3:4. e mac. Pero c'o mac ri man nuc'uan ta pa camic.
18 Y ketaman chi roj, ri oj ralc'ual chic ri Dios roma kac'uan ri c'ac'a' alaxic, kayo'on chic can rubanic ri mac.§ 1 Jn. 3:9. Roma ri Ruc'ajol ri Dios yojruchajij. Y riq'uin ri' man yojruchop ta ri itzel-vinek.
19 Ketaman chuka' chi oj richin chic ri Dios. Pero conojel ri vinek ri c'a quicukuban na quic'u'x riq'uin re ruvach'ulef,* Ga. 1:4. c'a ec'o na pa ruk'a' ri itzel-vinek.
20 Y ketaman chuka' chi xoc'ulun yan ka ri Ruc'ajol ri Dios chuvech re ruvach'ulef. Rija' xuya' etamabel chike, Lc. 24:45. richin xketamaj ruvech ri kitzij Dios. Jn. 17:3. Y jun kabanon riq'uin ri Dios y ri Jesucristo ri Ruc'ajol. Rija' can kitzij Dios vi, y riq'uin rija' petenek-vi ri c'aslen ri man q'uisel ta. 21 Rix ri can achi'el tak valc'ual, man c'a que'ivojkaj ri dios§ 1 Co. 10:14. ri xa man e kitzij ta. Que ta c'a ri'.

*5:1 Mt. 16:16; Jn. 1:12; 1 Jn. 2:22, 23; 3:9; 4:7.

5:3 Jn. 14:15.

5:3 2 Jn. 6.

§5:3 Mt. 11:30.

*5:4 Jn. 16:33.

5:5 1 Co. 15:57.

5:6 Jn. 19:34.

§5:6 Jn. 15:26.

*5:7 Jn. 1:1.

5:7 Dt. 6:4; 1 Co. 12:4-6.

5:9 Jn. 8:17, 18.

§5:10 Ga. 4:6.

*5:10 Jn. 3:33.

5:11 Jn. 1:4.

5:12 He. 3:14; 1 Jn. 2:23, 24.

§5:12 Jn. 5:24.

*5:13 Jn. 20:31; 1 Jn. 1:1, 2.

5:14 1 Jn. 3:21.

5:14 Stg. 4:3.

§5:16 Job 42:8.

*5:16 Mt. 12:31; Mr. 3:29; Lc. 12:10.

5:16 Jer. 7:16; 14:11.

5:17 1 Jn. 3:4.

§5:18 1 Jn. 3:9.

*5:19 Ga. 1:4.

5:20 Lc. 24:45.

5:20 Jn. 17:3.

§5:21 1 Co. 10:14.