1 Kach'alal, man nic'atzin ta ninbij chive ri achique tiempo y achique k'ij xtipe ri Jesucristo. 2 Roma rix jebel ivetaman chi man jun etamayon achique k'ij xtipe ri Ajaf.*Mt. 25:13. Roma rija' tok xtipe, xtuben achi'el nuben jun elek'on†Lc. 12:39; Ap. 3:3; 16:15, 16. tok napon pa jun jay ri chak'a'. Tok nitz'et coma ri rajaf-jay c'o chic. 3 Y jac'a tok ri ch'aka' chic vinek xtiquibij chi vacami janíla jebel kabanon, roma e manek oyoval, can utz ojc'o-ka; xa jac'ari' tok xtoka' ri ruc'ayeval pa quivi'. Xa xtiquic'ulvachij achi'el ri nuc'ulvachij jun ixok ri petenek alanic chirij. Tok noc'ulun ri k'axomal ri', man jun xtitiquir xtiyo'on rutzijol chire. Y que c'a ri' ri xtiquic'ulvachij ri vinek ri', man xquecolotej ta chuvech ri ruc'ayeval. 4 Pero rix kach'alal man xtic'ulvachij ta queri'. Roma rix can ivoyoben ri k'ij tok xtipe chic ri Jesucristo. Y romari', tok xtoka' rija' iviq'uin, man xtoka' ta achi'el noka' jun elek'on, roma can ivoyoben, y man ixc'o ta chic pa k'eku'n.‡Ro. 13:12, 13. 5 Roma konojel ri kaniman ri Jesucristo man oj richin ta chic ri k'eku'n, xa oj richin chic ri sakil.§Ef. 5:8. 6 Roma c'a ri' man tikaben achi'el niquiben ri ch'aka' chic vinek ri man ec'o ta pa sakil. Roma rije' man niquina' ta jebel ri achique yequibanala'. Xa achi'el yever. Pero roj kojc'ase' c'a jebel y tikana' jebel ri yekabanala'.*1 P. 5:8. Man c'a tikaben achi'el niquiben ri ec'o pa k'eku'n. 7 Roma ri k'eku'n xa richin ri varan, y richin chuka' ri k'abaric.†Ro. 13:13. 8 Pero roj ri richin ri sakil, roma kaniman ri Jesucristo, tikana' jebel ri achique yekabanala'. Can tikacukuba' kac'u'x riq'uin ri Jesucristo, y kojajovan, richin man nikaya' k'ij chire ri itzel-vinek richin yojruch'ec. Achi'el nuben jun soldado, nucusaj jun ch'ich' chuva-ruc'u'x, richin nuto-ri' chuvech ri enemigo. Can jantape' tikacukuba' kac'u'x chi xojcolotej yan pe chupan ri kamac, richin man nikaya' k'ij chire ri itzel-vinek. Roj xa can tikabana' c'a achi'el nuben ri soldado, nucusaj jun ch'ich' pa rujolon (ruvi') richin man nuya' ta k'ij chire ri enemigo.‡Is. 59:17; Ef. 6:17. 9 Tikachajij c'a ki', man tikaya' k'ij chire ri itzel-vinek richin yojruch'ec, roma ri Dios man nrajo' ta chi nipe ruc'ayeval pa kavi'.§Ro. 9:22. Rija' can nrajo' chi nikanimaj ri Kajaf Jesucristo richin yojcolotej. 10 Y rix ivetaman chi ri Jesucristo xquen (xcom) koma roj. Rija' xquen (xcom) richin xuya' kac'aslen. Richin queri' vi c'a oj q'ues na vave' chuvech re ruvach'ulef, nikac'ul kac'aslen riq'uin rija'. Y vi oj caminek chic el, c'o chuka' kac'aslen riq'uin rija'. 11 Roma c'a ri' ticukubala' ic'u'x chi'ivachibil ivi'. Y chuka' titola-ivi' richin chi yixq'uiy riq'uin ri ic'aslen, can achi'el ri ibanon-pe.

12 Kach'alal, nikac'utuj utzil chive chi tiyala' quik'ij ri achi'a' ri yesamej chi'icojol pa rusamaj ri Dios. Tiyala' c'a quik'ij, roma ja rije' ri e uc'uayon ivichin. Jari' ri samaj yo'on chique roma ri Ajaf Dios. Y chuka' richin yixquipixabala'. 13 Roma c'a ri' tiyala-vi quik'ij y que'ivajovala' janíla, roma ri samaj ri niquiben. Y chuka' jebel tic'uaj-ivi' y man ta jun oyoval ri chi'icojolil.*Mr. 9:50.

14 Chuka', kach'alal, nikabij chive chi que'ipixabaj ri kach'alal ri c'o quik'oral. Tibij chique chi quesamej. Y ri kach'alal ri xa ca'i' quic'u'x rubanon, ticukubala' quic'u'x. Y ri man jani c'o ta cuchuk'a' jebel chupan ri quic'aslen riq'uin ri Jesucristo,†Ro. 15:1. man que'iya' can. Xa can que'itola'. Y chuka' que'icoch'ola' conojel.‡1 Co. 13:4; Ga. 5:22.

15 Y vi c'o ri xquebanon etzelal chive, man tiben c'a ruq'uexel chique.§Lv. 19:18; Pr. 20:22. Xa titija' ik'ij niben ri utz chique. Titija' c'a ik'ij niben ri utz chique conojel vinek,*Ga. 6:10. chive ka rix ivachibil ivi' ri iniman ri Jesucristo, y chuka' chique ri vinek ri man quiniman ta.

16 Jantape' tiquicot ri ivánima.†Ro. 12:12; Fil. 3:1. 17 Jantape' tibana' orar.‡Lc. 18:1. 18 Can quixmatioxin-vi§Ef. 5:20; Col. 4:2. chire ri Dios. Quixmatioxin tok utz ixc'o, y quixmatioxin chuka' tok ixc'o pa jun ruc'ayeval. Roma queri' nrajo' ri Dios chi niben rix ri iniman ri Cristo Jesús.

19 Man tik'et ri rusamaj ri Lok'olej Espíritu.*Ef. 4:30. 20 Y tok c'o jun kach'alal nubij chi c'o ri ruk'alajirisan ri Dios chire,†1 Co. 14:1. man tivetzelaj. 21 Xa tivac'axaj ri nubij, richin queri' rix ninabej vi kitzij o man kitzij ta.‡1 Jn. 4:1. Y vi kitzij, tivojkaj c'a. 22 Ronojel ri man kitzij ta, man tivojkaj.

23 Rix ivetaman chi ja ri Dios ri niyo'on uxlanen§Fil. 4:9. pa tak ivánima. Y ninvajo' c'a chi rija' xtuben ta chive chi jantape' ta nic'uaj jun c'aslen ch'ajch'oj chuvech rija'. Chuka' ninvajo' chi xtuchajij ta ri i-espíritu, ri ivánima y ri ich'acul, richin queri' man jun itzel nilitej chivij tok xtipe chic jun bey ri Kajaf Jesucristo.*1 Co. 1:8. 24 Y ri Dios can xtuben na vi chive achi'el ri nurayibel yin. Roma rija' man jun bey xquixruya' ta can.†1 Co. 10:13. Y chuka' roma ja rija' ri xoyon ivichin richin xixrucol-pe chupan ri imac.

25 Kach'alal, kojiya' c'a ri pan i-oración.‡2 Ts. 3:1.

26 Y tiya' rutzil-quivech conojel ri kach'alal riq'uin jun lok'olej ajovabel, riq'uin jun lok'olej tz'ubanic§Ro. 16:16. (tz'umanic).

27 Y pa rubi' ri Ajaf ninbij c'a chive, chi tisiq'uij re carta re' chiquivech conojel ri lok'olej tak kach'alal.

28 Y ri rutzil ri Kajaf Jesucristo xtic'oje' ta c'a iviq'uin chi'ivonojel. Que ta c'a ri'.