3
Ri samaj ri yo'on chire ri Pablo, ja ri nutzijoj ri utzilej ch'abel richin colotajic chique ri man e israelitas ta
Yin, Pablo, jun rusamajel ri Cristo Jesús, xinoc re pa cárcel* Hch. 21:33; 2 Ti. 2:10. roma xintzijoj ri ruch'abel chive rix ri man ix israelitas ta. Y yin ninbij chi rix ivac'axan chi ri Dios ruyo'on re samaj re' chuve, richin chi nink'alajirisaj ri rutzil chive. Hch. 9:15; Ro. 1:5. Ojer can, pa qui-tiempo ri kati't-kamama' man jani k'alajirisan ta jebel ri ruch'obonic ri Dios pan ivi'. Jac'a re vacami ri Dios ruk'alajirisan chic. Ef. 1:9, 10; 3:9. Xuk'alajirisaj c'a chuka' chuve yin, y jari' ri xinbij yan juba' chive chupan re carta re'. Y tok rix xtisiq'uij re carta re', xtivetamaj c'a ri ruk'alajirisan ri Dios§ Ef. 6:19. chinuvech yin chirij ri Cristo. Re' man can ta k'alajirisan-pe chire ri vinek. Xa c'a ja re vacami xk'alajirisex chiquivech ri lok'olej tak apóstoles richin ri Cristo y chiquivech ri ch'aka' chic rusamajela' ri yek'alajirisan ri nibix chique roma ri Dios. Y ri Dios can jac'a ri Lok'olej Espíritu xrucusaj richin xuk'alajirisaj ri man can ta k'alajirisan-pe. C'a jac'a re vacami xuk'alajirisaj chi rix ri man ix israelitas ta junan xquixichinan kiq'uin roj israelitas.* Ga. 3:14. Junan chic c'a kavech iviq'uin; roma kichin konojel ri utzil ri rusujun-pe ri Dios chike. Y ronojel re' roma ri Cristo Jesús y roma chuka' kaniman ri utzilej ch'abel richin colotajic.
Y roma ri rutzil ri Dios tok yin nintzijoj ri utzilej ch'abel richin colotajic. Ro. 15:18. Ri Dios can riq'uin ruchuk'a' xsamej pa vánima tok xiruya' chupan re samaj re'. Xa ja yin ta c'a ri más in co'ol ri', que chiquivech conojel ri lok'olej tak kach'alal. Pero man riq'uin vi ri' ri Dios xuya' ri rutzil Sal. 31:19; Jn. 1:16; Ef. 4:19; Col. 1:27. chuve y xiruya' chupan ri rusamaj richin nintzijoj ri rutzil ri Cristo chive rix ri man ix israelitas ta. Y man tiquirel ta chi nik'ax ta chikavech jebel ronojel ri rutzil ri Cristo, roma can janíla vi nim. Can xiruya' c'a chupan ri rusamaj richin nink'alajirisaj chiquivech ri vinek ri ruch'obon-pe ri Dios chi nuben. Tok ri Dios man jani tuben re ruvach'ulef y ronojel ri ec'o,§ Sal. 33:6; Jn. 1:3; Col. 1:16. can ja yan ri' tok xuch'ob ri achique nuben. Pero xa c'a juba' re' xuk'alajirisaj.* Mt. 13:17; Lc. 10:24; Ro. 16:25; 1 Co. 2:7. Janíla c'a q'uiy tiempo evatel-pe riq'uin rija'. 10 Ri Dios nrajo' c'a chi ri ángeles ri ec'o chila' chicaj tiquitz'eta' 1 Co. 2:7. ri utzil ri nuben chike roj ri kaniman chic; roj ri ru-iglesia chic rija'. Y queri' tiquetamaj c'a chi ri Dios janíla q'uiy na'oj ri c'o riq'uin. 11 Ri Dios can ruch'obon-vi-pe Ef. 1:11. chi queri' tibanatej, chi tetamex ri utzil ri nuq'uen-pe ri Kajaf Cristo Jesús. 12 Y roj roma kaniman chic ri Cristo, man nikaxibij ta ki' yojjel-apo§ Ef. 2:18. riq'uin ri Dios. Xa can cukul kac'u'x* Mr. 11:22. yojjel-apo riq'uin. 13 Romari' ninchilabej c'a chive chi man timalij ic'u'x y niya' bis pa tak ivánima, roma c'o nich'ob tok yinitz'et chi yin ninc'ovisaj tijoj-pokonal ivoma. 2 Co. 1:6. Xa quixquicot c'a roma re ninc'ovisaj, roma nik'alajin chi can c'o-vi ik'ij.
Ri Pablo nuc'utuj chic jun bey ri rutzil ri Dios pa quivi' ri kach'alal aj-Éfeso
14 Romari' tok yin yixuque' Ro. 14:11; Fil. 2:10. chuvech ri Dios ri Rutata' ri Kajaf Jesucristo. 15 Y konojel ri kaniman, ri ec'o chic chila' chicaj y ri c'a ojc'o na vave' chuvech re ruvach'ulef, can kac'uan ri rubi' rija' roma oj ralc'ual. 16 Ri Dios can ronojel c'a ruvech utzil c'o riq'uin,§ Job 23:6; Sal. 28:8; Is. 40:29-31. y c'o ruk'ij-ruc'ojlen.* Fil. 4:19; Col. 1:11. Y romari' ninc'utuj utzil chire pan ivi' rix, chi ri Lok'olej Espíritu tuya' janíla uchuk'a' pa tak ivánima. 17 Ninc'utuj chuka' chire chi xtuben ta chive chi can ticukuba' ic'u'x riq'uin, richin chi can benek-ruvech nic'oje' ri Cristo pa tak ivánima. Y riq'uin ri' can ta xtuq'uen-ka ruxe' ri ajovabel Jn. 14:23. iviq'uin y nitique' chiri' pan ivánima. 18 Y romari' can ta xtik'ax chivech quiq'uin conojel ri lok'olej tak kach'alal, ri janipe' rubanic ri ajovabel ri c'o riq'uin ri Cristo; janipe' ruvech, janipe' raken, janipe' rujotolen y janipe' ka rupan. 19 Can xtivetamaj ta c'a más chirij ri ajovabel ri c'o riq'uin ri Cristo; ajovabel ri man xtik'ax ta chikavech jebel, roma can janíla vi nim, más que chuvech ri kach'obonic roj. Queri' ninc'utuj chire ri Dios pan ivi' roma ninvajo' chi can nojinek ta ivánima riq'uin ri Dios.
20 Tikaya' c'a ruk'ij ri Dios, Ro. 16:25. roma rija' can c'o-vi ronojel uchuk'a' riq'uin y nisamej pa tak kánima. Roj can q'uiy vi c'a utzil ri nikac'utuj chire, pero rija' man xe ta ri' nitiquir nuben, xa can c'o c'a más ri nitiquir nuben. Can man yojtiquir ta c'a nikach'ob ronojel ri nitiquir nuben rija'. 21 Y koma roj ri kaniman ri Cristo Jesús y nibix iglesia chike, rija' nuc'ul ta c'a ruk'ij-ruc'ojlen richin jantape'.§ 1 Ti. 1:17. Que ta c'a ri'.

*3:1 Hch. 21:33; 2 Ti. 2:10.

3:2 Hch. 9:15; Ro. 1:5.

3:3 Ef. 1:9, 10; 3:9.

§3:4 Ef. 6:19.

*3:6 Ga. 3:14.

3:7 Ro. 15:18.

3:8 Sal. 31:19; Jn. 1:16; Ef. 4:19; Col. 1:27.

§3:9 Sal. 33:6; Jn. 1:3; Col. 1:16.

*3:9 Mt. 13:17; Lc. 10:24; Ro. 16:25; 1 Co. 2:7.

3:10 1 Co. 2:7.

3:11 Ef. 1:11.

§3:12 Ef. 2:18.

*3:12 Mr. 11:22.

3:13 2 Co. 1:6.

3:14 Ro. 14:11; Fil. 2:10.

§3:16 Job 23:6; Sal. 28:8; Is. 40:29-31.

*3:16 Fil. 4:19; Col. 1:11.

3:17 Jn. 14:23.

3:20 Ro. 16:25.

§3:21 1 Ti. 1:17.