2
Xtibec'ulun na c'a pe jun itzel achi ri can uc'uan ruma ri etzelal
Y wacami c'o nikajo' nikabij chiwe chrij ri k'ij tek xtipe chic jun bey ri Kajaf Jesucristo riche (rixin) chi yojoruc'ama' ka.* Mt. 24.31; Mr. 13.27; 1 Ts. 4.17. Nikac'utuj jun utzil chiwe riyix kach'alal, chi man c'a tijel ta ri ich'obonic chanin, man c'a quixka ta pa quik'a' ri yebin chi ri k'ij riche (rixin) chi nipe ri Ajaf Jesucristo xoka yan. Y man c'a tisach ta ic'u'x astape' can c'o jun nibin chiwe chi espíritu k'alajsayon chare, o c'o jun nitzijon chiwe chi ri k'ij riche (rixin) chi nipe ri Jesucristo xoka yan, o c'o ta jun wuj ri nic'ul astape' can pa kabi' riyoj banon wi el y nubij chi ri k'ij riche (rixin) chi nipe ri Jesucristo xoka yan, man c'a tinimaj ta. 1 Jn. 4.1. Majun bey c'a quixk'olotej ta pa quik'a' ri winek ri yebin queri'. Ruma tek xa napon ri k'ij riche (rixin) chi nipe ri Jesucristo, sibilaj ye q'uiy c'a ri xqueya'o ca riche (rixin) ri Dios. Y xtoka chuka' jun itzel achi ri can uc'uan wi ruma ri etzelal, Dn. 7.25; 1 Ti. 4.1; Ap. 13.11. ri can c'o chi xtika ri ruc'ayewal pa ruwi'. Pero tek can c'a ma jane tika ta ri nimalaj ruc'ayewal pa ruwi', ri itzel achi ri' ma xtuya' ta c'a k'ij chique ri winek chi xtiquiya' ta ruk'ij ni jun chic ri nibix dios chique y ni xa ta nic'aj chic cosas ri niya'ox (nya') quik'ij cuma ri winek. Riya' xtibetz'uye' pa rachoch ri Dios, y can xtuben chi ya riya' ri Dios.§ Is. 14.12, 13.
¿La ma noka ta cami chi'ic'u'x chi xinbij ronojel re' chiwe tek xic'oje' iwuq'ui? Y wacami riyix iwetaman ri achique banayon chi ma jane tibanatej ta ronojel ri'. Y c'a que na ri' rubanon riche (rixin) chi queri', c'a ya tek xtapon na ri tiempo, c'a yac'ari' tek xtibec'ulun pe ri itzel achi ri'. Kas kitzij na wi chi q'uiy chic etzelal ntajin wacami. Y re etzelal re' ma can ta nik'alajin pe ruma c'o jun ri k'atayon riche (rixin). Pero tek ri jun ri k'atayon riche (rixin) elenak chic el, yac'ari' tek xtibec'ulun pe ri itzel achi ri can uc'uan wi ruma ri etzelal. Yac'a tek xtipe chic ri Ajaf Jesucristo, xtucamisaj c'a ri itzel achi ri' xaxu (xaxe wi) riq'ui ri xtuxupuj el.* Job 4.8, 9. Y riq'ui chuka' ri nimalaj sakil ri ruc'amom pe ri Ajaf, xtuq'uis ruk'ij ri itzel achi ri'. Pero tek xtipe ri itzel achi ri', can ya c'a ri ruchuk'a' ri Satanás Dt. 13.1; Ef. 2.2. ri nucusan riche (rixin), rumari' q'uiy ri xquerubanala'; y chuka' xquerubanala' milagros riche (rixin) chi xtinimex. Y ri xquerubanala' xaxu (xaxe) wi c'a riche (rixin) chi yeruk'ol Mt. 24.24. ri winek. 10 Y quinojel ri winek ri xqueruk'ol riq'ui ri etzelal ri xqueruben, ye winek ri' ri xquebe pa k'ak'§ 2 Co. 2.15, 16. ruma ma xcajo' ta xquinimaj ri kas kitzij riche (rixin) chi xecolotej ta pe chupan ri quimac. 11 Rumari' ri Dios xtutek c'a pe rajawalul ri k'oloj riche (rixin) chi yek'olotej* Mt. 24.5; 1 Ti. 4.1. ri winek ri' y tiquinimaj na c'a ri xa ma kitzij ta, 12 riche (rixin) chi queri' xtika ri ruc'ayewal pa quiwi' quinojel ri ma xquinimaj ta ri kas kitzij, ruma riye' xa más xka chiquiwech xquic'uaj ri itzel c'aslen. Ro. 1.32; 2.7, 8.
Ri kach'alal aj Tesalónica ye cha'on ruma ri Dios riche (rixin) chi yecolotej
13 Riyoj nic'atzin chi ma yojtane' ta chi nikamatioxij chare ri Dios iwuma riyix kach'alal ri sibilaj yixajowex ruma ri Ajaf, ruma tek c'a ma jane c'o ta re ruwach'ulef, yari' tek xixrucha' yan Ef. 1.4. ri Dios riche (rixin) chi yixcolotej chupan ri imac. Y xixcolotej ruma xicukuba' ic'u'x§ 2 Ts. 1.3. riq'ui ri kas kitzij, y ruma chuka' chi ri Lok'olaj Espíritu ntajin nuch'ajch'ojsaj* 1 P. 1.2. ri ic'aslen. 14 Ri Dios tek xixrusiq'uij (xixroyoj), can riche (rixin) wi chi xixcolotej. Y tek riyoj xkatzijoj chiwe ri lok'olaj ch'abel ri niya'o colotajic, yari' tek xixcolotej. Ruma ri Dios can nrajo' c'a chi nic'oje' ic'ojlen 1 Ts. 2.12. can achi'el ri ruc'ojlen ri Kajaf Jesucristo.
15 Rumac'ari' kach'alal, can cof c'a quixc'oje' y ma timestaj ta ri lok'olaj ch'abel ri xkac'ut 1 Co. 11.2; 2 Ts. 3.6. chiwech tek xojc'oje' iwuq'ui. Ni ma timestaj ta chuka' ri xkabij el chupan ri wuj ri xkatek iwuq'ui. Xa can tinimaj c'a.
16 Ri Kajaf Jesucristo y ri Katata' Dios ri sibilaj xojrajo' riyoj§ Jn. 3.16; 13.1; 15.9; Ro. 5.8; Ef. 2.4; 1 Jn. 4.10; Ap. 1.5. y can nucukuba' kac'u'x riche (rixin) xtibe k'ij xtibe sek, y nuben chuka' chake chi can koyoben ri k'ij tek xkojbe chila' chicaj ruma ri rutzil, 17 Riya' xtucukuba' ta* Col. 2.2. c'a ic'u'x riyix y xtuya' ta c'a iwuchuk'a' riche (rixin) chi queri' can ruyon ta c'a ri utz 1 Ts. 3.13. xtiben y xtibij.

*2:1 Mt. 24.31; Mr. 13.27; 1 Ts. 4.17.

2:2 1 Jn. 4.1.

2:3 Dn. 7.25; 1 Ti. 4.1; Ap. 13.11.

§2:4 Is. 14.12, 13.

*2:8 Job 4.8, 9.

2:9 Dt. 13.1; Ef. 2.2.

2:9 Mt. 24.24.

§2:10 2 Co. 2.15, 16.

*2:11 Mt. 24.5; 1 Ti. 4.1.

2:12 Ro. 1.32; 2.7, 8.

2:13 Ef. 1.4.

§2:13 2 Ts. 1.3.

*2:13 1 P. 1.2.

2:14 1 Ts. 2.12.

2:15 1 Co. 11.2; 2 Ts. 3.6.

§2:16 Jn. 3.16; 13.1; 15.9; Ro. 5.8; Ef. 2.4; 1 Jn. 4.10; Ap. 1.5.

*2:17 Col. 2.2.

2:17 1 Ts. 3.13.