10
Ri ley riche (rixin) ri Moisés xa achi'el jun rumach'ach'il ri utzil ri xquepe chkawech apo. Ruma ma xuc'om ta pe ri utzil achi'el ri kas kitzij chi utzil ri nuc'om pe ri Cristo. Y xa rumari' ri chicop ri xetzuj (xesuj) chuwech ri Dios ronojel juna', ma xecowin ta xuben chique ri winek chi xe'apon ta riq'ui ri Dios, chi man ta jun quimac xetz'et ruma ri Dios. Wi ta can xch'ajch'ojir ri cánima cuma ri chicop ri xequitzuj (xequisuj), man ta c'a yetajin na chi yequitzuj (yequisuj), ruma niquina' chi majun chic quimac. Pero xa ronojel juna'* He. 9.7. yequitzuj (yequisuj), y riq'ui ri', noka c'a chiquic'u'x chi c'a c'o na ri quimac. Lv. 16.21. Ruma ri quiquiq'uel ri achij tak wáquix y ri achij tak q'uisic' (cabras) Mi. 6.6. can ma nicowin ta niquelesaj ri mac.
Rumari', tek ri Cristo xpe wawe' chuwech re ruwach'ulef, xubij chare ri Dios:
Riyit man chic c'a nawajo' ta chi yetzuj (yesuj) chicop y nic'aj chic cosas chawe,§ Sal. 40.6.
rumari' tek xaya' jun nuch'acul achi'el ruch'acul ri winek.
Ri chicop ri yeporox chawech, y chuka' ri chicop ri yetzuj (yesuj) chawe ruma quimac ri winek, ma xeka ta chawech.
Rumari' xinbij: Ajaf Dios, riyin xipe riche (rixin) chi nben ri araybel riyit,
can achi'el ri tz'ibatal ca chuwij chupan ri boron wuj,
xcha' ri Cristo.
Achi'el ri xkabij yan ka, ri Cristo xubij chare ri Dios: Riyit man chic c'a nawajo' ta chi yetzuj (yesuj) chicop y nic'aj chic cosas chawe. Ri chicop ri yeporox chawech, y chuka' ri chicop ri yetzuj (yesuj) chawe ruma quimac ri winek, ri can achi'el ri ye chilaben chupan ri ley ri ya'on chare ri Moisés, ma xeka ta chawech, xcha' ri Cristo. Y chuka' can yari' tek ri Cristo xubij: Ajaf Dios, riyin xipe riche (rixin) chi nben ri araybel riyit, xcha'. Re' ntel chi tzij chi ri Dios nrelesaj el ri nabey trato. Y ri c'ac'ac' trato xtic'oje' pa ruq'uexel ri nabey. 10 Can ruraybel wi c'a ri Dios chi ri Jesucristo xcom* Jn. 19.30. kuma riyoj, y ruma c'a ri raybel ri' tek xch'ajch'ojir ri kánima chupan ri mac. Zac. 13.1; Jn. 17.19; He. 13.12. Y ri Jesucristo xa jun bey c'a xuya' ri ruch'acul pa camic riche (rixin) chi nic'atzin ronojel tiempo.
11 Ri sacerdotes quiche (quixin) ri israelitas, k'ij k'ij yequicamisaj chicop riche (rixin) chi yequitzuj (yequisuj) chuwech ri Dios Nm. 28.3; He. 7.27. ruma quimac ri winek. Pero ri niquiben ma nicowin ta nrelesaj el ri quimac ri winek. 12 Yac'a ri Cristo xaxu (xaxe wi) jun bey xuya' ri' pa camic, y ri' nic'atzin chi ronojel tiempo riche (rixin) chi nicuyutej quimac ri winek. Y tek xc'astej el, xbetz'uye' pa rajquik'a' ri Dios chila' chicaj.§ Col. 3.1; He. 1.3. 13 Y chila' c'o wi, royoben ri k'ij riche (rixin) chi yejach pa ruk'a' pa raken,* Sal. 110.1; Hch. 2.35; 1 Co. 15.25; He. 1.13. quinojel ri ye'etzelan riche (rixin). 14 Ruma ri Cristo xaxu (xaxe) wi jun bey xutzuj (xusuj) ri' pa camic, y riq'ui ri' xuben chique quinojel ri ye ruch'ajch'ojsan chic He. 10.1, 10. chi majun quimac yetz'etetej ruma ri Dios riche (rixin) xtibe k'ij xtibe sek. 15 Y queri' chuka' nuk'alajsaj ri Lok'olaj Espíritu chake, 2 P. 1.21. tek nubij:
16 Xtapon na wi jun k'ij tek xtinben jun c'ac'ac' trato quiq'ui ri winek, y ri trato ri' quec'are' rubanic:
Xtintz'ibaj ri nuley pa tak cánima,§ Jer. 31.33.
y chuka' xtinya' pa tak quich'obonic, nicha' ri Ajaf.
17 Y xubij chuka':
Xtincuy ri quimac y ma xtoka ta chic chinuc'u'x ri itzel ri yequibanala'.
Queri' rubin ri Dios, ri nuk'alajsaj ri Lok'olaj Espíritu.
18 Y rumac'ari' can nik'alajin wi chi ma nic'atzin ta chic chi yekatzuj (yekasuj) chicop chuwech ri Dios ruma ri kamac. Ri kamac xa cuyutajnek chic.
19 Kach'alal, ri Jesús can xcom y xbiyin ri ruquiq'uel kuma riyoj, y rumari' tek cukul kac'u'x yojjel apo chupan ri nimalaj Lok'olaj lugar ri acuchi (achique) c'o wi ri Dios.* Ro. 5.2; He. 4.16. 20 Can xujek wi c'a jun c'ac'ac' bey chkawech, Jn. 10.9; 14.16; He. 9.8. bey ri riche (rixin) c'aslen; tek Riya' xcom chuwech ri cruz. Xretzetej (xtzeretej) c'a pa ca'i' ri tziek ri achoj riq'ui jachon wi ri nimalaj Lok'olaj lugar chiri' pa rachoch ri Dios. Y ri' nuk'alajsaj chkawech chi wacami majun nik'ato kiche (kixin) riche (rixin) chi yojjel apo c'a riq'ui ri Dios. 21 Y chuka' ri Jesús yari' ri Nimalaj Sacerdote ri c'o pa kawi' riyoj ri yoj ralc'ual chic ri Dios. 22 Y rumac'ari' riyoj ri kaniman chic, ma tuben ta ca'i' kac'u'x chi yojjel apo c'a riq'ui ri Dios, riyoj xa can ta riq'ui ronojel kac'u'x yojjel apo riq'ui. Stg. 1.6. Y can ta yojjel apo riq'ui jun kánima ch'ajch'ojsan§ Ez. 36.25; 2 Co. 7.1. chic chare ri etzelal, y can ch'ajch'ojsan ta chuka' ri kach'acul riq'ui jun ch'ajch'ojlaj ya'. 23 Y riyoj ri yojbin chique ri winek chi koyoben ri nimalaj utzil ri xtuya' ri Dios pa kawi', cof kojc'oje' chupan ri kacukbel c'u'x y ma tuben ta ca'i' kac'u'x chiroyobexic ri koyoben. Ruma ri Dios rubin chi xtuya' ri nimalaj utzil pa kawi'. Riya' can nuya' wi ri nutzuj (nusuj).* 1 Co. 1.9. 24 Y chikajujunal tikacanoj c'a achique rubanic nikaben riche (rixin) chi nikatola' ki' konojel, riche (rixin) chi más ta nalex pa tak kánima chi yojajowan, y riche (rixin) chuka' chi más ta na nikaben ri utzil. 25 Ma tikamalij ta kac'u'x chi nikamol ki', ma tikaben ta achi'el niquiben nic'aj chic ri xa xc'uluj chique chi ma ye'apon ta iwuq'ui tek nimol iwi'. Hch. 2.42. Pa ruq'uexel chi queri' niben, xa can tipixabala' iwi' chi'iwachibil iwi'. Y más rajawaxic chi niben queri' ruma iwetaman chi xa napon yan ri k'ij Ro. 13.11; 2 P. 3.9. tek xtipe chic jun bey ri Ajaf.
Ri quiniman chic ri Dios, wi c'a riq'ui na quiraybel yemacun, can c'o ruc'ayewal xtipe pa quiwi'
26 Ruma riyoj ri ketaman chic ri kas kitzij y can kac'ulun chic pa tak kánima, wi xa can riq'ui chic karaybel yojmacun§ Nm. 15.30. y ma nikaya' ta ca rubanic, xa can majun chic c'a xticom ta riche (rixin) chi xkojrucol pe chupan ri kamac.* 2 P. 2.20. 27 Xaxu (xaxe wi) chic c'a koyoben apo ri nimalaj ruc'ayewal ri xtuya' ri Dios pa kawi' ri petenak chkawech apo, y chuka' can koyoben chic apo tek xkojapon chupan ri nimalaj k'ak', ri c'a acuchi (achique) xquebeka wi ri ye'etzelan riche (rixin) ri Dios. Ez. 36.5. 28 Ri winek ri ma nunimaj ta ri ley riche (rixin) ri Moisés, can ma nijoyowex ta ruwech, xa can nicamisex Dt. 17.2, 6. tek yec'o ca'i' o ye oxi' yebin chi ma nunimaj ta ri ley. 29 Y wi queri' nibanatej, ¿la ma nich'ob ta cami riyix chi más ruc'ayewal nika pa ruwi' ri winek ri nuxolk'otij ri rubi' ri Ruc'ajol ri Dios, y can nretzelaj chuka' ri Lok'olaj Espíritu§ Mt. 12.31. ri niya'o utzil pa kawi', y nuben chuka' chi achi'el xa majun rejkalen ri ruquiq'uel* 1 Co. 11.29. ri Cristo ri xtix tek xc'achoj ri c'ac'ac' trato, quic' ri xch'ajch'ojsan ri ruc'aslen ri winek ri'? 30 Queri' nbij chiwe ruma riyoj ketaman achique ri' ri biyon re ch'abel re': Pa nuk'a' riyin c'o wi riche (rixin) chi nya' rutojbalil Dt. 32.35; Sal. 94.1; 96.13. chique ri yemacun. Y c'o chic jun ri tz'ibatal ca, ri nubij: Ri Ajaf xtuk'et tzij Dt. 32.36; Sal. 50.4; 96.13. pa ruwi' ri rutinamit. Queri' ri tz'ibatal ca. 31 Juyi' oc ruwech§ Is. 33.14; Lc. 12.5; 21.11. ri winek ri nika pa ruk'a' pa raken ri c'aslic Dios, ruma sibilaj ruc'ayewal ri xtuc'ulwachij.
32 Tinatej c'a chiwe ri k'ij ri xek'ax yan ca, tek riyix xa c'a juba' tisakirisex ri ic'aslen. Can xk'ax c'a ruwi' ri pokonal ri xitij* Ga. 3.4. chiri'. Pero can xicoch'. 33 Ruma riyix can kitzij wi chi xicoch' ronojel ri pokon ri xban y ri xbix chiwe, y ri winek xa can jabel xecayen pe chiwij. Pero ma xu (xe) ta wi ri' xiben, riyix xa can xixoc chuka' cachibil nic'aj chic ri yetajin niquik'axaj tijoj pokonal. 34 Queri' nbij chiwe ruma xijoyowaj quiwech ri ye tz'apel pa cárcel ruma rubi' ri Dios. Y tek ri icosas xe'elesex chiwe, ma xipokonaj ta xiya' el. Xa can riq'ui quicoten xiya' el. Hch. 5.41. Ruma iwetaman chi xtiya'ox (xtya') jun iwerencia chila' chicaj, Mt. 5.12. y ri' más utz que chuwech ri beyomel riche (rixin) re ruwach'ulef, y chuka' majun xtelesan ta chiwe. 35 Rumac'ari' man c'a tiya' ta ca ri icukbel c'u'x riq'ui ri Dios, ruma can c'o jun nimalaj rajel ruq'uexel ri xtic'ul. 36 Ruma can rajawaxic c'a chi yixcoch'on,§ Lc. 21.19. riche (rixin) chi queri' riyix yixcowin niben ri nrajo' ri Dios, y tek ibanon chic ri nrajo' ri Dios xtic'ul* Col. 3.24. ri utzil ri tzujun (sujun) chiwe. 37 Ruma chupan ri ruch'abel ri Dios ri tz'ibatal ca, nubij:
Ri Jun ri xtipe, chanin xtoka. Hab. 2.3, 4.
Xa nakaj chic c'o pe ri k'ij riche (rixin) chi nipe.
38 Y ri winek ri rucukuban ruc'u'x wuq'ui, Ro. 1.17. can majun rumac xtintz'et chare, y can xtril ri kitzij c'aslen.
Pero wi yiruya' ca, ma xtiquicot ta wánima riq'ui,
nicha' ri Dios.
39 Yac'a riyoj ma yoj cachibil ta ri yeya'o ca ri Dios ri xa pa ruc'ayewal xquebeka wi. Riyoj yoj cachibil ri quicukuban quic'u'x riq'ui ri Dios riche (rixin) chi yojcolotej.

*10:3 He. 9.7.

10:3 Lv. 16.21.

10:4 Mi. 6.6.

§10:5 Sal. 40.6.

*10:10 Jn. 19.30.

10:10 Zac. 13.1; Jn. 17.19; He. 13.12.

10:11 Nm. 28.3; He. 7.27.

§10:12 Col. 3.1; He. 1.3.

*10:13 Sal. 110.1; Hch. 2.35; 1 Co. 15.25; He. 1.13.

10:14 He. 10.1, 10.

10:15 2 P. 1.21.

§10:16 Jer. 31.33.

*10:19 Ro. 5.2; He. 4.16.

10:20 Jn. 10.9; 14.16; He. 9.8.

10:22 Stg. 1.6.

§10:22 Ez. 36.25; 2 Co. 7.1.

*10:23 1 Co. 1.9.

10:25 Hch. 2.42.

10:25 Ro. 13.11; 2 P. 3.9.

§10:26 Nm. 15.30.

*10:26 2 P. 2.20.

10:27 Ez. 36.5.

10:28 Dt. 17.2, 6.

§10:29 Mt. 12.31.

*10:29 1 Co. 11.29.

10:30 Dt. 32.35; Sal. 94.1; 96.13.

10:30 Dt. 32.36; Sal. 50.4; 96.13.

§10:31 Is. 33.14; Lc. 12.5; 21.11.

*10:32 Ga. 3.4.

10:34 Hch. 5.41.

10:34 Mt. 5.12.

§10:36 Lc. 21.19.

*10:36 Col. 3.24.

10:37 Hab. 2.3, 4.

10:38 Ro. 1.17.