1 Nintz'ibaj-a chiva chij re Jun re can c'o-va.✡Mi 5.2; Jn 1.1. Re Jun re can c'o-va tak c'amaje-na tic'ue' re ruch'ulef. Pero yoj can xkac'axaj re ruch'abal. Y can xkatz'at✡Lc 24.39; 2 P 1.16. chuka', roma xkatzu' riq'uin re kanak'avach, y can xkatz'am riq'uin kak'a'. Y re' ja re Jesucristo re nibex Ch'abal✡Ap 19.13. cha re niyi'o c'aslen. 2 Re niyi'o c'aslen✡Jn 1.4. xc'ue' vova' chuch'ulef, y yoj xkatz'at. Y mare' nakatzijoj chiva re xkatz'at.✡Jn 21.24. Nakatzijoj chiva re Jun re can c'o-va✡Jn 1.1, 2. riq'uin re Karta' Dios, y xpa vova' chuch'ulef y xc'ue' chakacojol. 3 Yoj can nakatzijoj chiva re xkatz'at y re xkac'axaj, chin che quixoc ancha'l yoj, roma yoj junan kavach✡Jn 17.21. riq'uin re Karta' Dios y riq'uin re Jesucristo re Ruc'ajol. 4 Y nakatz'ibaj-a ronojel re' chiva roma can nakajo-va che can-ta jabal yixqui'cot pa tak ivánma.✡Jn 15.11.

5 Y vocame nakatzijoj chiva re xubij can re Jesucristo chaka yoj, che re Dios jare' re sakil,✡Jn 1.9; 8.12; 9.5; 12.35. y man jun k'oko'm c'o riq'uin. 6 Y vo xa nakabij che junan chic kavach riq'uin re Dios, y xa kac'uan jun c'aslen chin re k'oko'm,✡Jn 12.35. man katzij-ta✡1 Jn 2.4, 11. nakabij che junan kavach riq'uin re Dios, roma xa mana-ta re' re yojtajin chubanic. 7 Re Dios can c'o-va pa sakil, y vo xa yoj chupan re kac'aslen yojbiyin pa sakil, can junan kavach quiq'uin re quiniman chic re Jesucristo re Ruc'ajol re Dios. Y chuka' re ruq'uiq'uel✡Hch 20.28; Ap 7.14. re Jesucristo nulisaj ronojel re kamac.

8 Y vo xa nakabij che man jun kamac,✡1 R 8.46; Ec 7.20; Stg 3.2. kayon yoj nakak'ol-ki'. Roma re nakabij man katzij-ta. 9 Y vo xa nakasekresaj re kamac✡Lv 26.40-42. chin che yojcuy, re Dios can nucuy-va re kamac y nuch'ojersaj re kánma y nulisaj ronojel re kabanabal re man otz-ta je'kabanalon. Roma reja' camas otz y can choj-va y man nujal-ta re ruch'abal. 10 Y jac'a vo xa nakabij che man jun mac nakaban, can nakaban che man katzij-ta nubij re Dios,✡1 Jn 5.10. y re ruch'abal man c'o-ta pa tak kánma.