1 Can tinojij jabal che re Karta' Dios camas yojrajo'. Roma can xuban chaka che ruc'amon nibex rajc'ual re Dios chaka,✡Jn 1.12. y can quire-va, can yoj rajc'ual-va reja'. Y re vinak re man quiniman-ta re Dios man quitaman-ta kavach, roma reje' man quitaman-ta rach re Dios. 2 Hermanos, yex re camas yixinjo', vocame yoj rajc'ual chic re Dios. Pero can c'amaje-na tik'alajin anchique forma xtakabana' tak xte'c'ulum-pa re Jesucristo. Xaxe kataman che xkojoc ancha'l reja',✡Sal 17.15. tak xtakatz'at✡Job 19.26; Sal 16.11; Mt 5.8. andex rubanic reja'. 3 Y yoj re kayaben re k'ij re', katz'amon rujosk'esic✡2 Co 7.1. re kac'aslen. Roma re Jesucristo can ch'ajch'oj-va.

4 Conojel re ye'macun, man niquinimaj-ta re ru-ley re Dios. Roma re mac jare' re nibano che man nanimaj-ta re ru-ley re Dios.✡Ro 4.15; 1 Jn 5.17. 5 Y yoj kataman che re Jesucristo xpa chach re ruch'ulef chin xucuy re kamac.✡Is 53.4; Mt 1.21; 2 Co 5.21; He 1.3. Reja' cama-va jun mac xuban. 6 Y vo xa yoj jun kabanon riq'uin reja', kayi'on chic c'a can rubanic re mac. Pero vo xa c'a yojmacun,✡3 Jn 11. can k'alaj che man kataman-ta rach reja'.✡1 Jn 2.4. 7 Yex re can yix ancha'l ch'utak vajc'ual, man quixk'olotaj. Roma vo xa xtakac'uaj jun c'aslen choj,✡Ez 8.15. yoj choj chuka' ancha'l re Jesucristo. Roma reja' can choj-va. 8 Pero vo xa man xtakaya-ta can re mac, xa can yoj richin re itzel.✡Mt 13.38; Jn 8.44; 16.11. Roma reja' can je'rubanalom-pa re mac. Y mare' tak xpa re Ruc'ajol re Dios, chin nuq'uis✡Gn 3.15. re samaj re nuban re itzel.

9 Yoj re yoj rajc'ual chic re Dios, kayi'on chic can rubanic re mac,✡1 Jn 5.18. roma re Dios xuya' re ruc'aslen chaka y xujal re kana'oj. Y roma re c'aslen re c'o kaq'uin yoj can riq'uin re Dios pitinak-va, nuban chaka che man chic yojmacun-ta. 10 Y can k'alaj re anchique re je rajc'ual re Dios. Y can k'alaj chuka' anchique re je rajc'ual re itzel. Jac'a re man quic'uan-ta jun c'aslen choj y man ye'quijo-ta re hermanos, jare' re man je richin-ta re Dios.

11 Re tzij re' can ic'axam-pa. Re tzij re can ic'axam-pa tak xinimaj re Jesucristo, ja re nubij che takajo-ki'.✡Jn 13.34, 35; 15.12; Ef 5.2; 1 Ts 4.9. 12 Y man takaban ancha'l xuban re jun ache xc'ue' ajuer can re xubini'aj Caín. Reja' can richin-va re itzel, y xuquimisaj re ruchak'.✡Gn 4.8. ¿Y anchique roma xuquimisaj? Roma re rubanabal re ruchak' can je choj-va, y jac'a re rubanabal reja' man je otz-ta.

13 Hermanos, vo xa yixtzelas✡Jn 15.18, 19. coma re vinak re man quiniman-ta re Dios, man tisatz ic'o'x roma yixtzelas. 14 Yoj can yoj-elinak chic-pa chupan re camic, chin che xojak'ax chupan re c'aslen.✡Jn 5.24. Y kataman che quire' roma can ye'kajo' re hermanos. Jac'a re man niquijo-ta-qui', can je quiminak chach re Dios. 15 Roma re ye'tzelan✡1 Jn 4.20. chin jun hermano, je ancha'l re ye'quimisan.✡Mt 5.21; Ga 5.21; Ap 21.8. Y yex itaman che re ye'quimisan man c'o-ta re c'aslen re man niq'uis-ta pa tak cánma. 16 Re Jesucristo man xupokonaj-ta xquimisas katzij yoj.✡Jn 3.16; Ro 5.8; Ef 5.2, 25. Y riq'uin re' xuc'ut chakavach che can nic'atzin che nakac'ut riq'uin re kabanabal che ye'kajo' re hermanos, y man takapokonaj nakaya' re kac'aslen coma reje', vo xa can nic'atzin che nakaya'. 17 Vo xa c'o ronojel kaq'uin re nic'atzin chaka, y nakatz'at jun hermano che manak ruay,✡Dt 15.7; Lc 3.11. o manak rutziak, y can man nipa-ta pa kánma che nakato', can k'alaj che man nakajo-ta re Dios. 18 Yex re can yix ancha'l ch'utak vajc'ual, man kojovan✡Ro 12.9. xaxe riq'uin re kach'abal. Xa can que'kato' re nic'aj chic. Y riq'uin re' can xtik'alajin che can katzij-va yojovan.

19 Y roma yojovan, nakatamaj che yoj richin re katzij✡Jn 18.37. ch'abal, y mare' can nakana' che kabanon confiar-ki' riq'uin re Dios. 20 Y vo xa nakana' pa tak kánma che c'o jun cosa man otz-ta kabanon y xa man quire-ta, re Dios rutaman.✡1 Co 4.4; 11.28. Roma reja' can rutaman-va ronojel. 21 Y yex hermanos re camas yixinjo', vo xa nakana' pa tak kánma che manak kamac chach re Dios, can man jun ximbire' kaq'uin, y can riq'uin ronojel kánma yojch'o riq'uin re Dios.✡Job 22.26; He 10.22. 22 Y tak nakaban orar, reja' nuya' chaka ronojel re nakac'utuj cha.✡Sal 34.15; Mt 21.22; Mr 11.24; Jn 14.13. Roma ye'kaban re ye'rubij, y chuka' ye'kaban re ye'ka chach. 23 Y re nubij reja' ja che takanimaj✡Jn 6.29. re Jesucristo re Ruc'ajol, y takajo-ki'. Quire' nubij reja' che takabana'. 24 Y vo xa ye'kaban re ye'rubij, can jun kabanon riq'uin reja',✡Jn 17.21. y chuka' reja' can c'o pa tak kánma. Y kataman che can c'o pa tak kánma, roma c'o re Espíritu Santo✡Ro 8.9. re ruyi'on chaka.