5
Takajo-ki' yoj re yoj rajc'ual chic re Dios
1 Conojel re ye'niman che re Jesús jare' re Cristo re takom-pa roma re Dios, can je rajc'ual chic re Dios.✡ Mt 16.16; Jn 1.12; 1 Jn 2.22, 23; 3.9; 4.7. Y tak c'o jun tata'aj re camas nakajo', can ye'kajo' chuka' re je rajc'ual reja'. 2 Y quire' chuka' riq'uin re Dios. Vo xa can nakajo' reja' y ye'kaban re nubij, can nakajo-ki' yoj, re yoj rajc'ual chic reja'. 3 Y vo xa can nakajo' re Dios,✡ Jn 14.15. ye'kaban re nubij.✡ 2 Jn 6. Y re nubij chaka, man nakana-ta che c'ayef rubanic.✡ Mt 11.30. 4 Yoj re yoj rajc'ual chic re Dios, yojch'acon chij ronojel re etzelal chin re ruch'ulef.✡ Jn 16.33. Y yojch'acon roma kaniman chic re Jesucristo. 5 Xa can xe c'a re ye'niman chin re Cristo Jesús re Ruc'ajol re Dios, re nich'acon✡ 1 Co 15.57. chij re etzelal chin re ruch'ulef.
Re ye'sekresan chin re Jesucristo
6 Re Jesucristo xpa vova' chach re ruch'ulef, xban bautizar cha ya', xcom cho cruz y xbiyin ruq'uiq'uel.✡ Jn 19.34. Man xe-ta xban bautizar, xa can xbiyin chuka' ruq'uiq'uel. Y re' ja re Espíritu Santo re nisekresan chakavach. Y re Espíritu Santo can xe-va re katzij nubij.✡ Jn 15.26. 7 Y chila' chicaj jec'o je oxe' ye'sekresan chin re Jesucristo, re Jun chique re je oxe' re' ja re Rutota', y re Jun chic ja re Jesucristo mismo re nibex Ch'abal✡ Jn 1.1. cha, y re Jun chic ja re Espíritu Santo. Y re je oxe' re' xaxe jun.✡ Dt 6.4; 1 Co 12.4-6. 8 Y chuka' vova' chach re ruch'ulef jec'o je oxe' re ye'sekresan chin re Jesucristo. Y re Jun chique re je oxe' re' ja re Espíritu Santo, re Jun chic ja re ruq'uiq'uel re Jesucristo y chuka' re ya' re xcusas chin xban bautizar. Re je oxe' re' junan niquisekresaj chakavach, che re Jesucristo can katzij-va Ruc'ajol re Dios. 9 Yoj can nakanimaj re nutzijoj jun vinak chaka. Y c'alapa' re Dios che man-ta xtakanimaj re nubij chaka.✡ Jn 8.17, 18. Y re Dios nubij chaka che re Jesucristo jare' re katzij Ruc'ajol. 10 Yoj re kaniman chic re Ruc'ajol re Dios,✡ Ga 4.6. ja re kánma re nibin chaka che katzij re nubij re Dios chij re Ruc'ajol.✡ Jn 3.33. Jac'a re vinak re man quiniman-ta, xa niquiban che man katzij-ta re nubij re Dios, roma man niquinimaj-ta re nubij chij re Ruc'ajol. 11 Y re nubij re Dios ja che nuya' chaka re c'aslen re man niq'uis-ta, y riq'uin re Ruc'ajol nakac'ul-va re c'aslen re'.✡ Jn 1.4. 12 Y yoj re kac'ulun chic re Ruc'ajol re Dios,✡ He 3.14; 1 Jn 2.23, 24. c'o chic kac'aslen✡ Jn 5.24. riq'uin. Jac'a re vinak re man quic'ulun-ta re Ruc'ajol re Dios, manak quic'aslen riq'uin.
Ja ruq'uisibal tak ch'abal cha re carta re'
13 Nintz'ibaj ronojel re' chiva yex re junan kaniman re Ruc'ajol re Dios iviq'uin, chin nitamaj che c'o chic ic'aslen✡ Jn 20.31; 1 Jn 1.1, 2. re man niq'uis-ta, y can-ta ibanon confiar-ivi' riq'uin re Ruc'ajol re Dios.
14 Y mare' yoj can man jun ximbire' kaq'uin chin yojch'o✡ 1 Jn 3.21. riq'uin re Dios, roma kataman che tak c'o jun cosa nakajo' nakac'utuj cha, y vo xa ja re nurayij✡ Stg 4.3. chuka' reja' re nakac'utuj, reja' can yojruc'axaj-va. 15 Y roma kataman che re Dios nuc'axaj re nakac'utuj cha, kataman chuka' che nuya-pa re nakac'utuj cha.
16 Vo xa c'o jun hermano nimacun xatz'at, tac'utuj cha re Dios che nucol✡ Job 42.8. chach re camic chin nojel tiempo Xaxe vo xa re rumac man nuc'uaj-ta pa camic. Roma c'o mac re can nic'uan pa camic.✡ Mt 12.31; Mr 3.29; Lc 12.10. Y chuka' man nimbij-ta chiva✡ Jer 7.16; 14.11. che niban orar chij jun vinak re nibano mac re nic'uan pa camic. 17 Roma ronojel re man choj-ta✡ 1 Jn 3.4. ye'kaban, can mac-va. Pero c'o mac re man nic'uan-ta pa camic.
18 Y kataman che yoj, re yoj rajc'ual chic re Dios kayi'on chic can rubanic re mac.✡ 1 Jn 3.9. Roma re Ruc'ajol re Dios yojruchajij. Y riq'uin re' man yojrunak-ta re itzel.
19 Kataman chuka' che yoj richin chic re Dios. Pero conojel re vinak re man quiniman-ta reja',✡ Ga 1.4. c'a jec'o pa ruk'a' re itzel.
20 Y kataman chuka' che xpa-yan re Ruc'ajol re Dios chach re ruch'ulef. Reja' xuya' na'oj chaka,✡ Lc 24.45. chin xkatamaj rach re katzij Dios.✡ Jn 17.3. Y jun kabanon riq'uin re Dios y re Jesucristo re Ruc'ajol. Reja' can katzij-va Dios, y riq'uin reja' pitinak-va re c'aslen re man niq'uis-ta. 21 Yex re can yix ancha'l ch'utak vajc'ual, man c'a que'inimaj re imágenes✡ 1 Co 10.14. re xa vinak je'banayon-ka. Amén.
✡5:1 Mt 16.16; Jn 1.12; 1 Jn 2.22, 23; 3.9; 4.7.
✡5:3 Jn 14.15.
✡5:3 2 Jn 6.
✡5:3 Mt 11.30.
✡5:4 Jn 16.33.
✡5:5 1 Co 15.57.
✡5:6 Jn 19.34.
✡5:6 Jn 15.26.
✡5:7 Jn 1.1.
✡5:7 Dt 6.4; 1 Co 12.4-6.
✡5:9 Jn 8.17, 18.
✡5:10 Ga 4.6.
✡5:10 Jn 3.33.
✡5:11 Jn 1.4.
✡5:12 He 3.14; 1 Jn 2.23, 24.
✡5:12 Jn 5.24.
✡5:13 Jn 20.31; 1 Jn 1.1, 2.
✡5:14 1 Jn 3.21.
✡5:14 Stg 4.3.
✡5:16 Job 42.8.
✡5:16 Mt 12.31; Mr 3.29; Lc 12.10.
✡5:16 Jer 7.16; 14.11.
✡5:17 1 Jn 3.4.
✡5:18 1 Jn 3.9.
✡5:19 Ga 1.4.
✡5:20 Lc 24.45.
✡5:20 Jn 17.3.
✡5:21 1 Co 10.14.