6
1 Conojel re hermanos re c'o qui-patrón,✡Tit 2.9. tiquinimaj quitzij, chin quire' man que'ch'o itzel chij rube' re Dios✡Is 52.5. y re ruch'abal. 2 Y vo xa re qui-patrón runiman chic re Dios,✡Col 4.1. man tiquibij che man niquiya-ta ruk'ij, xaxe roma je hermanos chic. Xa can tiquiya' ruk'ij y más otz tiquisamajij, roma reja' runiman chic re Dios y je hermanos chic. Y rat Timoteo, nimbij chava che ca'tijoj y tabij chique re hermanos che tiquibana' ronojel re'.
Nic'atzin che nakac'uaj jun c'aslen otz chach re Dios y yojqui'cot-ta chij re c'o kaq'uin
3 Y vo xa c'o jun re jun-va chic che enseñanzas nuc'ut chiquivach re hermanos, y re enseñanzas re nuc'ut man junan-ta riq'uin re utzulaj enseñanza chin re Kajaf Jesucristo, y man junan-ta riq'uin re enseñanza re nuc'am-pa re c'aslen otz chach re Dios,✡1 Ti 1.10; Tit 1.1. 4 re ache re' can k'alaj che camas ruk'ij nuna'. Re ache quire' nibano man jun rutaman.✡1 Co 8.2. Xa camas nika chach re tzij re man jun otz niquic'am-pa cha. Y tzij qui tak re' xa nuban cha che nic'uxc'ut rupan cha jun chic vinak, roma otz c'o. Y nuc'am-pa ayoval cha riq'uin re na'oj man junan-ta. Y nuban che nubila' itzel tak tzij chique nic'aj chic hermanos. Y chuka' nuban cha che nubila' chique re hermanos che man otz-ta jec'o riq'uin re Dios. 5 Y nuban cha che nojel tiempo c'o ayoval chiquicojol. Y reja' xa satzanak runa'oj✡2 Ti 3.8; Tit 1.15. roma re etzelal, y man rutaman-ta re katzij ruch'abal re Dios. Xa nunojij nunimaj, xaxe che ndoc biyom. Tajich'aj-a-avi' quiq'uin re ye'bano quire'. 6 Y katzij, vo xa ac'uan jun c'aslen otz chach re Dios, can jun biyomal,✡Sal 37.16. xaxe vo xa yaqui'cot pan avánma roma re abiyomal o roma man jun cosa c'o aviq'uin. 7 Roma tak xojalax, man jun cosa kac'amom-pa. Y riq'uin re' can k'alaj che tak xkojcom, man jun cosa chuka' xtakac'uaj-a.✡Job 1.21; Sal 49.17. 8 Kojqui'cot riq'uin re kavay y re katziak.✡Gn 28.20. Man-ta chic jun cosa re nakarayij. 9 Pero re vinak re niquirayij ye'oc biyoma',✡Pr 15.27. man c'ayef-ta che ye'tzak pa mac. Roma camas niquirayij re biyomal, ye'tzak pa trampa, ancha'l nuban jun chicop. Re ye'bano quire' xa je nacanak riq'uin re niquirayij, y re niquirayij xa nuc'am-pa tijoj-pokonal chique. Y vo xa man xtiquiya-ta can re quirayibal, can xque'ruq'uis-va re quirayibal, y ye'ruc'uaj pa camic chin jumul. 10 Roma ja re niba avánma chij re mero,✡Ex 23.8. chire' nipo-va ronojel rach etzelal. Hasta jec'o hermanos xquiya' can re Dios roma can xba cánma chij re mero, y re mero re' c'o q'uiy tijoj-pokonal xuc'am-pa chique.
Re quiniman re Dios can tiquitaj quik'ij niquiban re nrajo' re Dios
11 Pero rat Timoteo yat rusamajel re Dios,✡2 Ti 3.17. man taban quire'. Xa can tatija' ak'ij nac'uaj jun c'aslen choj. Nojel tiempo tabana' re nika chach re Dios. Can tabana' confiar-avi' riq'uin re Dios. Cajovan. Cacoch'on. Y tabana' che yat ch'a'l quiq'uin conojel. 12 Can riq'uin ronojel avánma tatija' ak'ij✡Fil 3.12; 2 Ti 4.7. che nac'uaj jun c'aslen ancha'l nrajo' re Dios. Quire' nic'atzin che naban roma animan reja'. Man taya' can re utzulaj c'aslen, re c'aslen re man jun bey xtiq'uis. Y ja c'aslen re' re xac'ul riq'uin re Dios tak xatayox roma reja'. Jare' xac'ul tak xabij che xanimaj. Y chiquivach je q'uiy xabij-va. 13 Y c'o chic jun cosa ninjo' nimbij. Y can chach re Dios✡1 Ti 5.21. nimbij chava, re Dios re niyi'o quic'aslen ronojel re ye'katz'at. Y chuka' chach re Jesucristo nimbij, re Jesucristo xuc'ut chach re gobernador xubini'aj Poncio Pilato che can rubanon confiar-ri' riq'uin re Dios. Y nimbij chava, 14 che tabana' ronojel re nubij re Dios y man tajal rubixic. Tac'uaj jun c'aslen otz chin quire' man-ta jun cosa re man otz-ta nilitaj chavij. Y quire' tabana-apo c'a jampa' xtipa re Kajaf Jesucristo.✡1 Ts 3.13. 15 Y ja re Dios re xtitako-pa re Jesucristo tak xtapon re k'ij. Y ja Dios re' re nakaya' ruk'ij.✡1 Ti 1.11. Can xe reja' re Dios. Y ja re nubij reja' re niban, roma ja reja' re namalaj Rey re c'o pa quive' conojel reyes. Y reja' chuka' can nuban mandar pa quive' conojel re niquiban gobernar.✡Ap 17.14. 16 Y can xe reja' re man nicom-ta. Reja' can pa sakil c'o-va, y man jun nitiquir ndoc riq'uin. Y man jun vinak tz'eteyon-ta✡Ex 33.20; Dt 4.12; Jn 1.18. richin, y man jun chuka' nitiquir nitz'eto. Reja' c'o pa kave' konojel chin nojel tiempo y chuka' can chin nojel tiempo xtuc'ul ruk'ij.✡Ef 3.21; Ap 7.12. Amén.
17 Y rat Timoteo, ninjo' che nabij chique re hermanos re je biyoma', man tiquina' che camas quik'ij.✡Ro 11.20. Y tabij chuka' chique che man tiquinojij che re biyomal ronojel otz nuc'am-pa chique, roma re biyomal xa niq'uis. Xa can tiquibana' confiar-qui' riq'uin re c'aslic Dios re niyi'o chaka ronojel re otz. Y reja' nrajo' che niqui'cot re kánma roma camas q'uiy cosas re ruyi'on chaka. 18 Tabij chique re biyoma' che que'quibanala' q'uiy utzil, y je biyoma-ta chubanic re otz chique re nic'aj chic. Che man tiquiq'uiq'uej niquiya' chique re nic'aj chic re man jun cosa c'o quiq'uin. Xa can que'quito'. 19 Riq'uin re' niquimol-yan-apo ruchi' re xtoc chique chin re tiempo-apo, chin quire' reje' can xtiquic'ul re c'aslen man niq'uis-ta.
Ja ruq'uisibal tak ch'abal cha re carta re'
20 Y rat Timoteo, tachajij re samaj yi'on chava. Man taya' pa cuenta re tzij re xa man riq'uin-ta re Dios je'pitinak-va, re xa je richin re ruch'ulef, y xa man jun otz niquic'am-pa chava. Chuka' quire' tabana' quiq'uin re vinak re ye'ch'o chij re ruch'abal re Dios. Reje' niquibij che q'uiy cosas quitaman,✡Hch 17.18-21; Ro 1.22; 1 Co 2.6; 3.19. y xa man jun quitaman. 21 Y jec'o re xe'niman re tzij qui tak re'. Y mare' xquijech'aj-a-qui' riq'uin re katzij ruch'abal re Dios re quiniman.
Y can-ta q'uiy utzil xtac'ul rat Timoteo riq'uin re Dios. Amén.
✡6:1 Tit 2.9.
✡6:1 Is 52.5.
✡6:2 Col 4.1.
✡6:3 1 Ti 1.10; Tit 1.1.
✡6:4 1 Co 8.2.
✡6:5 2 Ti 3.8; Tit 1.15.
✡6:6 Sal 37.16.
✡6:7 Job 1.21; Sal 49.17.
✡6:8 Gn 28.20.
✡6:9 Pr 15.27.
✡6:10 Ex 23.8.
✡6:11 2 Ti 3.17.
✡6:12 Fil 3.12; 2 Ti 4.7.
✡6:13 1 Ti 5.21.
✡6:14 1 Ts 3.13.
✡6:15 1 Ti 1.11.
✡6:15 Ap 17.14.
✡6:16 Ex 33.20; Dt 4.12; Jn 1.18.
✡6:16 Ef 3.21; Ap 7.12.
✡6:17 Ro 11.20.
✡6:20 Hch 17.18-21; Ro 1.22; 1 Co 2.6; 3.19.