1 Hermanos, tibana' orar✡ 1 Ts 5.25. pa kave' y tic'utuj cha re Dios che cha'nin-ta xtibiyin rutzijosic re ruch'abal re Ajaf, y can-ta ninimax ancha'l xinimaj yex. 2 Tic'utuj chuka' cha re Dios che man kojka pa quik'a' itzel tak achi'a', re man quiniman-ta✡ Ro 10.16. re Jesucristo. 3 Re Ajaf man jun bey xquixruya-ta can,✡ Jn 17.15; 2 P 2.9. xa can xtuya' ivuchuk'a' y xquixruchajij chach re etzelal. 4 Y yoj can c'o ka-confianza riq'uin re Ajaf che yex yixtajin chic chubanic re xkabij chiva chin niban orar pa kave'. Y chuka' can c'o ka-confianza che yex can man xtiya-ta can re jun utzulaj samaj re'. 5 Re Ajaf xtuban-ta chiva che yex can-ta nina' pa tak ivánma che yixrajo'✡ Mt 22.37; 1 Jn 4.16. re Dios, y che yixcoch'on-ta ancha'l xcoch'on re Jesucristo.✡ 1 Cr 29.18.

6 Hermanos, nakabij chiva pa rube' re Kajaf Jesucristo che vo xa c'o jun chi'icojol re man nrajo-ta nisamaj chin nuch'ac ruay y can man nuban-ta re xkabij chiva, tijech'aj-a-ivi'✡ Ro 16.17; 1 Co 5.11; 2 Jn 10. riq'uin. 7 Roma yex itaman che tak xojc'ue'✡ 1 Ts 1.5. iviq'uin, can man xojk'oran-ta. Y ancha'l xkaban yoj, can quire' chuka' tibana' yex. 8 Man xkac'utuj-ta kavay chiva chin xisipaj-ta chaka. Ronojel re xkac'utuj chiva can xkatoj. Y can che pak'ij che chak'a' xojsamaj,✡ Hch 18.3; 20.34; 1 Co 4.12. roma man xkajo-ta xkalisaj re ivay yex. Y riq'uin re' man xixkaya-ta pa c'ayef. 9 Roma xe-ta xkac'utuj kavay chiva, ruc'amon-ta✡ Mt 10.10; 1 Co 9.6; 1 Ts 2.6; 1 Ti 5.17. chuka', roma can xkaban-va re rusamaj re Dios chi'icojol. Pero man xkac'utuj-ta. Xa xojsamaj chin xkach'ac kavay, chin quire' xkac'ut chivach che can quire' chuka' tibana'✡ 1 P 5.3. yex. 10 Y tak xojc'ue' iviq'uin, xkabij chiva che vo xa c'o jun re man nrajo-ta nisamaj,✡ Gn 3.19; Pr 13.4; 1 Ts 4.11. chuka' man tiva', xojcha' chiva. 11 Y vocame kac'axan che re chi'icojol jec'o re ye'k'oran✡ Is 56.10. y man niquijo-ta ye'samaj, y niquinimila-qui' re anche' man ruc'amon-ta. 12 Chique reje' nakabij, y re Kajaf Jesucristo chuka' nubij chique che man que'ch'ujlan, xa que'samaj✡ Ro 12.11; Ef 4.28. chin niquich'ac quivay.

13 Hermanos, man quixcos chubanic re otz. 14 Vo xa c'o jun re man nrajo-ta nuban re xkabij-yan-ka chupan re carta re', titamaj rach anchique re', y chuka' tijech'aj-a-ivi'✡ 1 Co 5.11; 2 Ts 3.6. riq'uin reja', chin quire' rion reja' nuya' ruq'uex. 15 Pero man titzelaj. Xa tipaxabaj,✡ Lv 19.17; Ga 6.1; 1 Ts 5.14. ancha'l niban cha jun ivch'alal.

16 Hermanos, ja re Ajaf re nibano cha re kánma che otz nuna'. Reja' can-ta xtuban cha re ivánma yex che otz nuna' roma iniman chic, y can-ta xtic'ue' re' iviq'uin nojel tiempo, vo xa otz yixc'o o vo xa yixc'o pa tijoj-pokonal. Y ja-ta c'a re Ajaf xtic'ue' iviq'uin chiyixnojel.✡ Ro 15.33.

17 Y re ruq'uisibal parte cha re carta re' y re ruxnokil-ivach nintak-a, can riq'uin nuk'a'✡ 1 Co 16.21. yen Pablo ntz'iban-va-a. Y titamaj che can katzij ja yen re yintako-a re carta re' chiva, roma can quire-va yintz'iban, y chuka' can quire-va ye'mban firmar re cartas re ye'ntakala' yen. 18 Y can-ta q'uiy utzil xtic'ul chiyixnojel riq'uin re Kajaf Jesucristo. Amén.