1 Re apóstoles y re nic'aj chic hermanos re jec'o pa Judea xquic'axaj che jec'o vinak re man je israelitas-ta re xe'niman re ruch'abal re Dios.✡Gn 49.10; Zac 2.11. 2 Mare' tak re Pedro xtzolaj chic pa Jerusalén, re hermanos israelitas ye'bin che tiene que niban re circuncisión chique re nic'aj chic hermanos, astapa' man je israelitas-ta,✡Ga 2.12. xe'ch'ojin chach re Pedro, 3 y xquibij cha: ¿Anchique roma tak rat xatapon quiq'uin re vinak re xa man banon-ta re circuncisión chique?✡Hch 10.28. ¿Y anchique roma can xava-xatuq'uia' chuka' quiq'uin? xe'cha' cha.

4 Jare' tak re Pedro xutz'am rubixic chique chij re xbanataj:✡Lc 1.3. 5 Yen jac'a pa tenemit Jope yinc'o-va. Y jac'a tak yintajin che oración,✡Hch 10.9. xintz'at pa jun ancha'l achic' che c'o jun ancha'l moma' manta re je'tz'amon che caje' rutza'n. Y can k'alaj che c'o andex chupan roma can ch'okoch'ic rubanon, y akal c'a pitinak chila' chicaj y choj viq'uin nika-va-pa. 6 Y jac'a tak xintzu-xintzu', xintz'at che ronojel quivach chicop je'pitinak chupan re jun ancha'l moma' manta. Jec'o chicop cajcaj cakan, re ye'c'uxun y jec'o man ye'c'uxun-ta. Jec'o chicop c'o quixic' re ye'ba pa cak'ik' y nic'aj chic chicop. 7 Y xinc'axaj che c'o jun nich'o-pa chua, y nubij: Pedro, cayacataj. Ca'quimisaj la chicop, y tatija', xcha'. 8 Y yen ximbij cha re xch'o-pa chua: Ajaf, yen man xque'ntaj-ta re chicop re'. Yen man jun bey je'ntijon-ta chicop ancha'l re', roma c'utun chinoch che man je ch'ajch'oj-ta,✡Ez 4.14. can xajan-va che ye'tij, xincha'. 9 Pero re jun re nich'o viq'uin, xch'o chic-pa jun bey chua chila' chicaj, y xubij: Ronojel re ch'ojersan chic-pa roma re Dios, can ch'ajch'oj-va y man tabij che xajan, xincho'x. 10 Y oxe' bey re xbex quire' chua, y c'are' re jun ancha'l moma' manta re' xtzolaj chic-a chicaj. 11 Y c'are' yen xintz'at che jec'o je oxe' achi'a' xe'bapon pa ruchi-jay re anche' yinc'o-va, yinquicanoj. Re achi'a' re' je'takon-a roma re Cornelio, re jun ache re c'o pa tenemit Cesarea. 12 Y re Espíritu Santo✡Jn 16.13. xubij chua che man timban dudar yimba chiquij.✡Hch 8.29; 10.19, 20. Y chuka' re je vaki' hermanos re aj-chire' pa Jope xe'tzake-a chuij.✡Hch 10.23. Y can xojapon-va pa rachoch re ache rubini'an Cornelio.✡Hch 15.7. 13 Y reja' xutz'am rutzijosic chaka che c'o jun ángel✡Hch 12.11; He 1.14. xuc'ut-ri' chach✡Hch 10.30. pa rachoch, y re ángel re' pa'al-apo riq'uin tak xubij cha: Ca'taka-a achi'a' c'a pa Jope chuyoxic re Simón re nibex chuka' Pedro cha. 14 Y ja re Pedro re xtibin chava andex xtaban chin quire' yacolotaj rat y conojel re jec'o pan avachoch,✡Hch 10.2; 16.15, 31-34. xcho'x can roma re ángel. 15 Y tak yen yintzijon chach re Cornelio y chiquivach re vinak re jec'o riq'uin, xka-pa re Espíritu Santo✡Hch 2.4; 4.31. pa quive', can ancha'l tak xka-pa pa kave' yoj nabey. 16 Y mare' xbeka chinuc'o'x re tzij re je'rubin can re Ajaf Jesús, che re Juan riq'uin ya' xe'ruban bautizar re vinak.✡Jn 1.26. Jac'a yex riq'uin re Espíritu Santo✡Is 44.3; Jl 2.28; Mt 3.11; Mr 1.8; Lc 3.16; Hch 1.5. xquixban bautizar, quire' rubin can re Jesús. 17 Y vo xa can ja re Dios re xyi'o re Espíritu Santo pa quive' re vinak re', ancha'l xuban chaka yoj✡Hch 10.47; 15.8, 9. re kaniman re Ajaf Jesucristo, ¿y yin anchique c'a yen chin che xtinch'ojij cha re Dios?✡Job 9.12-14; Dn 4.35; Mt 20.14, 15.

18 Y tak re hermanos jec'o pa Jerusalén quic'axan chic-ka re xubij re Pedro chique, man chic xe'ch'o-ta-apo. Re hermanos re' niquiya' ruk'ij re Dios y niquibij: Re Dios can xuya' chuka' k'ij chique re man je israelitas-ta✡Ro 10.12; 15.9. che nijalataj quic'aslen chach reja' chin che niquivel quic'aslen re man niq'uis-ta, xe'cha'.

19 Y jac'a tak xquimisas re Esteban, jare' tak re nic'aj chic hermanos xquitaj pokan pa quik'a' re ye'tzelan quichin.✡Hch 8.1. Y mare' tak jec'o xe'ba c'a pa Fenicia, jec'o chuka' xe'ba c'a pa Chipre, y jec'o xe'ba c'a pan Antioquía, y niquitzijoj c'a re ruch'abal re Dios chique re vinak re can je israelitas-va. 20 Pero jec'o nic'aj chic achi'a' re aj pa Chipre y aj pa Cirene re xe'bapon pan Antioquía, y re achi'a' re' can man xe-ta chique re vinak israelitas xquitzijoj-va re utzulaj ruch'abal re Ajaf Jesús, xa can xquitzojola' chuka' chique re vinak re man je israelitas-ta.✡Hch 6.1; Ef 3.8. 21 Re ru-poder re Ajaf Dios can c'o-va quiq'uin✡Lc 1.66. re achi'a' re'. Mare' tak camas je q'uiy vinak re xe'niman re Ajaf y xjalataj quic'aslen chach.✡Hch 9.35; 15.19.

22 Y ronojel re' xapon rutzijol quiq'uin re hermanos re jec'o pa tenemit Jerusalén. Y re hermanos re jec'o pa Jerusalén xquichalabej cha re Bernabé✡Hch 9.27. che tiba c'a pan Antioquía. 23 Y tak re Bernabé xapon, xutz'at c'a che re Dios can ruyi'on-va ruk'a' pa rue' re quisamaj re hermanos. Mare' camas xqui'cot ránma re Bernabé, y xubij chique conojel che can tiquibana' confiar-qui' riq'uin re Ajaf Jesucristo,✡Hch 13.43; 14.22. y can riq'uin ronojel cánma que'c'ue' riq'uin re Ajaf.✡Dt 10.20; 1 Co 15.58. 24 Re Bernabé, jun ache re can rubanon confiar-ri' riq'uin re Dios, y re ránma can nojnak chuka' riq'uin re Espíritu Santo. Reja' jun utzulaj ache. Y re vinak re xe'niman re Ajaf Jesucristo, camas je q'uiy.✡Hch 5.14. Quire' c'a xbanataj chupan re k'ij re'.

25 Y re Bernabé xba c'a pa tenemit Tarso,✡Hch 9.11. chucanoxic re Saulo.✡Hch 9.30. Y tak re Bernabé xuvel-pa, xuc'am-pa pan Antioquía. 26 Y chire' xe'c'ue-va quiq'uin re hermanos. Jun juna' xe'c'ue' quiq'uin, roma reje' camas je q'uiy vinak xe'quitijoj riq'uin re ruch'abal re Dios. Y chire' pan Antioquía✡Hch 11.22. xbex-va nabey cristianos chique re xe'tzake' chij re Jesucristo.✡Hch 26.28; 1 P 4.16.

27 Y chupan c'a re tiempo re', jec'o nic'aj chic hermanos re ye'tzijon re nibex chique roma re Dios.✡Hch 2.17; 13.1; 1 Co 12.28. Re hermanos re' xe'el-a pa Jerusalén, y xe'ba c'a pan Antioquía. 28 Y jun c'a chique re hermanos re', ja re Agabo.✡Hch 21.10. Y roma re Espíritu Santo can ruyi'on-va ch'abal cha, mare' tak xbepa'e-pa chiquivach re hermanos y xubij✡Ef 4.11. che xtipa jun namalaj viyjal pa rue' re ruch'ulef, y re namalaj viyjal re' can xpo-va pa ru-tiempo re jun ache re xbano gobernar rubini'an Claudio César. 29 Y mare' re hermanos re jec'o pan Antioquía xquinojij c'a che ye'quito-a✡2 Co 9.1. re hermanos jec'o pa Judea, can che ja'jun che ja'jun c'a niquiya-a re jenipa-oc ye'tiquir niquiya'.✡Ga 2.10. 30 Y can jac'a re Bernabé y re Saulo re xe'quitak-a che ja reje' re xe'c'uan-a re jenipa' xmolotaj-a chin ye'quito' re hermanos niquitaj viyjal. Y ronojel re quic'uan-a re Bernabé y re Saulo, xquijach c'a pa quik'a' re achi'a' ec'uay quichin✡1 P 5.1. re hermanos aj pa Judea.