1 Yen Pablo, ru-apóstol re Jesucristo roma ja quire' re nurayij re Dios. Y nintak-a re carta re' chiva yex re yix rajc'ual chic re Dios re yixc'o pa tenemit Efeso, yex re can ibanon confiar-ivi'✡Col 1.2. riq'uin re Jesucristo. 2 Y can-ta q'uiy utzil xtic'ul chiyixnojel riq'uin re Karta' Dios y re Ajaf Jesucristo. Y chuka' re ivánma can-ta otz nuna' roma iniman chic.✡Tit 1.4.

3 Takaya' ruk'ij re Dios,✡Sal 72.17. re Rutota' re Kajaf Jesucristo. Y roma jun kabanon riq'uin re Jesucristo, re Dios q'uiy utzil rubanon cha re kánma roma re Espíritu Santo, y re utzil re' chila' chicaj pitinak-va. 4 Jare' re nuya' chaka roma xojrucha', tak c'amaje-na tic'ue' re ruch'ulef jare' tak xunojij-yan che yojrucha'.✡1 P 1.2. Re Dios xojrucha' roma re Jesucristo xte'com pa ka-cuenta. Quire' xuban re Dios roma nrajo' che yoj yojch'ajch'oj-ta chach reja'.✡Lc 1.75; 1 P 1.10. Y manak-ta etzelal pa tak kac'aslen. 5 Roma re Dios camas yojrajo' mare' tak xojrucha' chin xojoc rajc'ual.✡Jn 1.12; Ro 8.29. Can ja-va re' re nrajo',✡Lc 12.32. che re Jesucristo nuban chaka che yojoc rajc'ual reja'. 6 Re Dios camas nrajo' re Ruc'ajol, y roma yoj can jun kabanon riq'uin re Ruc'ajol, mare' tak kac'ulun re namalaj utzil riq'uin re Dios.✡Ro 3.24. Y xojrucha' roma nrajo' che nakaya' ruk'ij✡Is 43.21. roma re utzil kac'ulun riq'uin. 7 Re Ruc'ajol xcom koma yoj y xbiyin ruq'uiq'uel chin xutoj y xucuy kamac.✡Ro 3.24; He 9.12. Can jabal k'alaj che re Dios camas yojrajo', roma xutak-pa re Ruc'ajol chakacolic. 8 Y chuka' re Dios can nuc'ut chakavach che camas yojrajo', y mare' nuya' q'uiy kana'oj✡Col 2.3. y chuka' nuban chaka che nak'ax q'uiy cosas pa kave'. 9 Can jabal xusekresaj chakavach re man jun bey can-ta jabal sekresan can,✡Col 1.26. y re' can pa ránma re Dios xpo-va. Y can ja-va re' re runojin re Dios che nuban.✡2 Ti 1.9. 10 Re Dios runojim-pa che chupan re ruq'uisibal tiempo chin re ruch'ulef xtuya' ronojel pa ruk'a' re Jesucristo✡Ef 1.22. re Ruc'ajol. Ronojel re c'o chila' chicaj y ronojel re c'o vova' chach re ruch'ulef xque'ruya' pa ruk'a'. Y xa jun xtiquiban pa ruk'a'.

11 Xa roma re Jesucristo tak c'o ka-herencia✡Ro 8.17. yoj re yojcha'on roma re Dios. Xojrucha' roma jare' re runojin che nuban kaq'uin. Can ronojel re runojin che nuban, can nuban-va, ancha'l re rurayim-pa ajuer.✡Is 46.10. 12 Xojrucha'✡2 Ts 2.13. roma nrajo' che koma yoj reja' can xtuc'ul ruk'ij. Quire' nrajo' chaka yoj re yoj israelitas re can nabey kabanom-pa confiar-ki' riq'uin re Cristo. 13 Y yex chuka' xic'axaj re ruch'abal re Dios. Can katzij-va re ch'abal xic'axaj, y ja utzulaj ch'abal re' re xcola ivichin chach re imac. Yex xinimaj re Jesucristo, y re Dios xuya' re Espíritu Santo chiva,✡Jl 2.28; 2 Co 1.22. roma quire' rubim-pa. Y re Espíritu Santo c'o iviq'uin jun seña che yex yix richin chic re Dios. 14 Y roma re Espíritu Santo c'o kaq'uin,✡Hch 20.28; Ro 8.23; 2 Co 5.5. can kabanon confiar-ki' che c'o más ka-herencia chila' chicaj. Re Espíritu Santo can xtic'ue-va kaq'uin c'aja tak xkojcolotaj-a chach re mac, yoj re yoj richin chic re Dios. Y nic'ue' kaq'uin chin che koma yoj re Dios camas xtuc'ul ruk'ij roma camas ru-poder.

15 Yen nc'axan che yex can ibanon confiar-ivi' riq'uin re Ajaf Jesús. Y chuka' nc'axan che camas ye'jo' conojel re je rajc'ual chic re Dios.✡Col 1.3, 4. 16 Y mare' ivoma yex nojel tiempo yintioxin✡Ro 1.8. cha re Dios roma quire' niban, y chuka' roma camas q'uiy utzil ic'ulun riq'uin re Dios, y tak nimban orar can yixinataj pa tak nu-oración. 17 Ninc'utuj cha re Karta' Dios re camas ruk'ij che re Espíritu Santo can-ta xtuya' q'uiy na'oj chiva.✡Col 1.9. Re Espíritu Santo q'uiy-ta xtusekresaj chivach roma itaman rach re Dios. Jare' re ninc'utuj cha re Dios, re ru-Dios re Kajaf Jesucristo. 18 Ninc'utuj cha re Dios che tusekresaj más re ina'oj. Quire' ninc'utuj roma ninjo' che nak'ax-ta pan ive' re utzil kayaben. Y can ja re Dios re xojvayon, chin che nakayabej re utzil re'. Ninc'utuj roma ninjo' che nak'ax pan ive' che re ka-herencia✡Hch 26.18. chila' chicaj camas otz y camas jabal. Y re herencia re' can kachin-va konojel yoj re yoj rajc'ual chic re Dios. 19 Y nimbij chic jun bey chiva che yen ninc'utuj cha re Dios, ja che tusekresaj más re ina'oj, quire' nimban roma ninjo' che xtak'ax-ta pan ive' che camas nem re ru-poder✡Col 1.29. re Dios c'o kaq'uin yoj re kaniman reja'. Re ru-poder re c'o kaq'uin yoj, junan riq'uin re poder re xucusaj 20 tak xuc'asoj✡Hch 2.24. re Jesucristo chiquicojol re anama'i' y xuban cha che xbetz'uye' pa rajquik'a'✡Sal 110.1; Col 3.1. chila' chicaj. 21 Re Jesucristo xban cha che ja reja' re más nem que chiquivach re ángeles.✡He 1.4. Más nem que chiquivach re autoridades, y re nic'aj chic re c'o poder pa quik'a' y re camas quik'ij.✡Col 2.10. Reja' más nem chiquivach conojel,✡Fil 2.9. man xe-ta chupan re tiempo re', xa can quire' chuka' chupan re tiempo pitinak. 22 Re Dios xuya' ronojel pa ruk'a' re Jesucristo,✡Mt 28.18; He 2.7. y chuka' can ja re Dios xbano cha che c'o pa kave' konojel yoj re kaniman reja', re nibex iglesia chaka. 23 Can ja-va yoj re yoj-aconak ru-cuerpo reja'. Can jun chic kabanon riq'uin,✡Ro 12.5. xaxe re quire' tz'akat kabanon. Reja' can ronojel lugar c'o-va, y runojsan ronojel andex c'o chila' chicaj y vova' chach re ruch'ulef.