4 Yoj sekresan chic re kac'aslen, kac'ulun chic re utzil re pitinak chila' chicaj y c'o chic re Espíritu Santo kaq'uin,✡Mt 12.31; He 2.4. 5 y kataman chic che camas otz re ruch'abal re Dios, y chuka' kana'on chic ba' re poder vocame y re xque'ruban chupan re jun c'ac'a tiempo pitinak.✡He 2.5. 6 Y vo xa nakaya' can re Jesucristo y man nakajo-ta chic,✡Mt 23.31, 32; He 10.29. c'ayef chin che c'o-ta jun re nibano chaka che nitzolaj-pa kac'o'x riq'uin re Dios. Roma xa nakatz'am chic jun bey ruquimisasic✡Zac 12.10; Lc 11.48. re Ruc'ajol re Dios cho cruz, y nakaya' ruq'uex chiquivach re vinak. 7 Yoj re yoj vinak can yoj ancha'l jun ulef tak q'uiy job rutijon, roma re ulef tak q'uiy job rutijon ndel-pa re tico'n chach, y re xe'tico richin camas niqui'cot cánma y man niquimalij-ta can, roma re ulef re' nuya-pa re nic'atzin chique,✡Sal 65.10. ndel che tzij che re ulef re' can nuc'ul re ru-bendición re Dios. 8 Pero vo xa man xtivachin-ta re kac'aslen, c'ayef xtuban chaka, can ancha'l re ulef re can xe itzel tak k'ayis y q'uix ye'ruya'.✡Is 5.6. Jun ulef quire' man jun ndoc-va, man otz-ta nitz'et, xa xtiparox rach y xtimalex can.

9 Y yex hermanos, re camas yixkajo', astapa' c'o tzij re xkabij-yan-ka chiva, ancha'l tak xojch'o chij re itzel ulef, pero yoj nakanojij che yex man xtiban-ta quire', xa can kataman che re ic'aslen nivachin✡Fil 1.6, 7; He 10.34, 39. chach re Dios y riq'uin re' nik'alajin che yixcolotajnak chic chach re imac. 10 Re Dios can choj-va, y mare' man xtumistaj-ta re samaj re ibanom-pa.✡Zac 12.10; Mt 23.31, 32. Re Dios rutaman che yex nijo' reja'. Y yex can nic'ut che can yixjovan, roma je'ita'om-pa re je rajc'ual chic re Dios, y c'a quire' yixtajin chubanic. 11 Y can nakarayij che can ancha'l-ta yixjovan vocame, quire-ta xtiban nojel tiempo, c'a chupan re ruq'uisibal k'ij chin re ic'aslen, chin quire' can xtic'ul-va ronojel re rusujun re Dios chiva, re can riq'uin ronojel ivánma iyaben-apo.✡Col 2.2. 12 Nic'atzin che yex niban quire' chin man tipa ik'oral. Xa can tibana' ancha'l niquiban re nic'aj chic re quiniman re Dios y ye'coch'on,✡He 10.36. mare' can c'o re qui-herencia re je'rubin re Dios che ye'ruya'.

13 Re ye'rusuj re Dios can ye'ruya-va. Roma ajuer can tak re Dios xubij cha re Abraham che xtuya' re ru-bendición cha, can pa rube' reja' mismo xuban-va jurar che katzij xtuya' re xusuj cha. Y pa rube' reja' xuban-va jurar,✡Gn 22.16. roma man jun re más nem ruk'ij y ru-poder que chach reja'. 14 Y re Dios xubij cha re Abraham: Can katzij nimbij chava che xtinya' re nu-bendición pan ave' y camas c'a avey-amam xque'c'ue',✡Gn 22.16, 17. xcha' re Dios cha re Abraham. 15 Y re Abraham can xucoch' q'uiy tiempo chin xuyabej re rusujun re Dios cha y can xuc'ul-va. 16 Re vinak jac'a re rube' re Dios niquicusaj chin niquiban jurar, roma reja' c'o más ruk'ij✡Ex 22.11. y riq'uin re' can ye'nimax chin che man jun chic cosa tibex chique. 17 Mare' re Dios xuban jurar cha re Abraham che nuya' re ru-bendición cha, y riq'uin re' nuc'ut chiquivach conojel vinak re xque'c'ulu re bendición re',✡Ro 8.17. che reja' can man nujal-ta re andex runojin✡Job 23.13, 14; Is 14.24; Jer 33.20, 21, 25, 26; Ro 11.29; He 11.9. che nuban. Y can nuban-va re nubij. 18 Re Dios can katzij-va re nubij y man jun bey man-ta nuban re nubij, y chuka' tak nuban jurar can nuban y man nutz'uc-ta tzij. Y chin che más nik'alajin chakavach yoj re xojcolotaj-yan chach re kamac, che can katzij-va re nubij, reja' xuban jurar, chin quire' can riq'uin ronojel kánma nakayabej-apo re k'ij tak xkojba chila' chicaj riq'uin. Y can kataman✡He 12.1. che xtakac'ul ronojel re rubin che nuya' chaka, 19 roma can yojyukul riq'uin re Dios, can ancha'l banon cha jun barco, yukuban riq'uin jun colo' chach jun ch'ich' re camas al. Y re colo' re anchok cha yojyukul-va yoj, napon c'a chila' chicaj.✡Lv 16.15; Sal 130.7; He 9.7. Jun colo' re camas nem rupan, y man nirokch'itaj-ta. Mare' can kataman che xkojba chila' chicaj. 20 Roma re Jesucristo c'o chic chila' chicaj riq'uin re Dios,✡He 3.1; 4.14. y ja reja' re nich'o pa kave' cha re Dios, roma ja reja' re Namalaj Sacerdote✡He 5.6. chin nojel tiempo, ancha'l re Melquisedec. Re Jesucristo xnabayaj-yan-a chin che yoj yojtiquir chuka' yojapon riq'uin re Dios.