1 Hermanos, camas otz ibanom-pa che can nijo-ivi',✡Ro 12.10; 1 Jn 3.10, 11, 18. y can quire' tibana' nojel tiempo. 2 Y chuka' nimbij chiva che tak jec'o hermanos ye'bapon cho tak ivachoch, man tipokonaj ye'c'ul,✡Mt 25.35. xa can otz quic'ulic tibana'. Roma itaman che c'o bey hasta jec'o ángeles✡Gn 18.3; 19.2. re je'aponak pa tak jay, y re xe'c'ulu quichin re ángeles re' man xquinabej-ta che je ángeles.

3 Y te'ka chi'c'o'x re jec'o pa tak cárcel.✡Mt 25.36. Can tibana' che ancha'l che ja yex✡Ro 12.15; 1 Co 12.26. re yixtz'apal. Y chuka' te'ka chi'c'o'x re je'yi'on pa tijoj-pokonal. Roma yex itaman re ruk'axon jun tijoj-pokonal.

4 Tiya' ruk'ij re c'ulubic✡1 Co 7.38; 1 Ti 4.3. re niban. Roma re ache re nic'ue' riq'uin re ruxayil, man nimacun-ta. Quire' chuka' re ixok re nic'ue' riq'uin re ruchijil, man nimacun-ta. Jac'a re ache re nic'ue' riq'uin jun ixok re man ruxayil-ta, nimacun. Y ja quire' chuka' re ixok re nic'ue' riq'uin jun ache y xa man ruchijil-ta, nimacun.✡1 Co 5.9-11. Y re Dios can xtuya' re castigo pa quive' re quire' ye'bano.

5 Man tiba ivánma chij re mero, xa can tiqui'cot re ivánma riq'uin re c'o iviq'uin. Roma re Dios rubin: Can nojel tiempo yinc'o iviq'uin✡Gn 28.15. y man jun bey xquixinya-ta can.✡Sal 37.25. 6 Y mare' can riq'uin ronojel ivánma yixtiquir nibij:

7 Can que'beka chi'c'o'x re hermanos ye'c'uan ivichin, re can xquitzijoj chuka' re ruch'abal re Dios chiva. Tinojij re quic'aslen roma reje' can xquiban confiar-qui' riq'uin re Dios. Y tibana' re andex xquiban reje'.

8 Re Jesucristo can man nujal-ta-ri'. Can ancha'l re ivir, can quire' chuka' vocame, y can quire' chuka' re tiempo chakavach-apo.✡Jn 8.58; He 1.12; Ap 1.4. 9 Man tiya' k'ij che re enseñanzas re man je katzij-ta ye'c'uan ivichin. Más otz che yex nic'ue' ivuchuk'a' riq'uin re enseñanza re nich'o chij re utzil nipa riq'uin re Dios,✡Ro 14.17; Ef 4.14. y mana-ta riq'uin re enseñanzas re nich'o chij re cosas chin ye'tij. Roma jec'o vinak re je'c'uan roma re enseñanzas re nich'o chij re cosas chin ye'tij y xa man jun otz nuc'am-pa cha re quic'aslen.

10 Man ancha'l-ta yoj re can kabanon confiar-ki' riq'uin re Jesús. Reja' xcom koma yoj chin xucuy re kamac. Jac'a re c'a quibanon confiar-qui' quiq'uin re chicop re ye'quisuj pa rue' re altar chin re rachoch re Dios, can man xticuy-ta quimac roma re Jesús. Roma reje' xa c'a quibanon confiar-qui' riq'uin re chicop re ye'quisuj pa rue' re altar.✡2 Co 9.13; 10.18. 11 Re ley chin re Moisés nubij, che re namalaj sacerdote nuc'uaj re quiq'uiq'uel re chicop y ndoc-apo chupan re lugar Santísimo re c'o chupan re rachoch re Dios, y re quic' re' nuc'uaj-apo rutzij re quimac conojel. Y re quich'acul re chicop ye'lisas-a c'a chuchi' re tenemit y chire' ye'parox-va.✡Ex 29.14; Lv 4.11; 6.30; 9.11. 12 Y mare' re Jesús can quire' xban cha. Reja' can xc'uax-va-a✡Jn 19.17. chuchi' re tenemit, y ja chire' xutaj-va pokan y xcom. Can xbiyin-va re ruq'uiq'uel koma yoj re yoj vinak, chin quire' xch'ojch'ojer re kánma. 13 Mare' man takapokonaj nakak'asaj tijoj-pokonal,✡He 11.26. ancha'l re tijoj-pokonal re xuk'asaj re Jesús. Y man takapokonaj nakac'ut che ja reja' re katzekelben y vocame xe chic riq'uin re Jesucristo kabanon-va confiar-ki'. 14 Roma re tijoj-pokonal re' can xkojcolotaj-a chach. Roma re katenemit vova' chach re ruch'ulef, man xya-ta chaka chin nojel tiempo. Xa c'aja chila' chicaj xtiya-va re katenemit✡Mi 2.10. chin nojel tiempo, y man jun chic tijoj-pokonal xtakak'asaj. 15 Y roma ja re Jesús xcom katzij yoj, mare' manak chic tuk'aj ye'kasuj chicop chach re Dios. Re nakaban vocame ja che nakaya' ruk'ij.✡Lv 7.12; Sal 50.14; Ef 5.19. Nojel tiempo takaya' ruk'ij y takabij che ja reja' re kaniman. 16 Y man jun bey takaya' can rubanic re otz y chuka' can que'kato' re nic'atzin che ye'to'.✡1 Ti 6.18. Roma jare' re nika chach re Dios che nakaban, que chach ye'kasuj-ta chicop chach.

17 Can takanimaj c'a quitzij re hermanos re ye'c'uan kachin,✡Ez 3.17; 33.2, 7. roma ja reje' re ye'chajin chin re kánma, y quitaman che tiene que ne'quijacha' cuentas chach re Dios. Takanimaj quitzij re hermanos re' chin che reje' ye'qui'cot pa tak cánma. Roma vo xa nakaban chique che ye'bison, c'ayef nuban chaka yoj.

18 Hermanos, tibana' c'a orar pa kave'.✡1 Ts 5.25; 2 Ts 3.1. Re kánma otz nuna' xa roma can nakarayij nakaban re otz tak cosas nojel tiempo. 19 Y re más ninc'utuj utzil chiva, ja re i-oración chuij, chin quire' man-ta c'o jun cosa re nik'ato vichin, chin che yinapon-yan-ta iviq'uin.

20 Ja re Dios re nibano cha re kánma che otz nuna' roma kaniman chic, y ja mismo Dios re' re xc'asom-pa chin re Kajaf Jesucristo re Namalaj Chajinel✡Is 40.11; Ez 34.23; 37.24; Jn 10.11. quichin conojel re quiniman reja'. Roma riq'uin re ruq'uiq'uel xbiyin tak xcom xc'achoj re c'ac'a trato chin nojel tiempo re xuban re Dios kaq'uin.✡Zac 9.11; Mt 26.28; Lc 22.30. 21 Ja-ta Dios re' re xtiyi'o ronojel utzil chiva, chin che xquixtiquir-ta xtiban re nurayij reja'. Y riq'uin re samaj re xuban re Jesucristo, re Dios xtuban-ta chuka' chiva che yex can nijo' niban re nurayij reja'. Y xtuc'ul-ta ruk'ij chin nojel tiempo.✡Ga 1.5. Amén.

22 Hermanos, yen ninc'utuj utzil chiva che can tiqui'cot re ivánma nic'ul re ch'abal re je'mbin-a chiva chupan re carta re' roma xaxe chin yiximpaxabaj. Roma man can-ta nem rubanic re carta re nintak-a chiva. 23 Yen ninya' rutzijol chiva che re hermano Timoteo✡Hch 16.1-3; 1 Ts 3.2; Flm 1. xel-yan pa cárcel, y vo xa cha'nin xtipa, ninc'uaj-a tak xquimba chi'itz'etic.

24 Tiya' ruxnokil-quivach conojel re hermanos re ye'c'uan✡He 13.7. ivichin y re nic'aj chic hermanos.✡Fil 4.22. Re hermanos aj-Italia niquitak-a ruxnokil-ivach.

25 Y can-ta q'uiy utzil xtic'ul chiyixnojel riq'uin re Dios. Amén.