2
Tibana' che manak ik'ij ancha'l xuban re Jesucristo, astapa' reja' c'o ruk'ij y ru-poder
Y yen can ntaman che re Jesucristo can rucukuban ic'o'x, yixqui'cot roma reja' yixrajo', y re ru-Espíritu c'o iviq'uin, 2 Co 13.14. nijo-ivi', nijoyovaj ivach yex mismo, mare' nimbij chiva che junan ivach tibana', 1 P 3.8. y nojel tiempo quixjovan. Y ronojel re niban junan tibana' y riq'uin ronojel ivánma tibana'. Vo xa quire' xtiban, más xquinqui'cot Jn 3.29. ivoma yex. Ronojel re niban, man chin-ta che c'o ik'ij nina' Stg 3.14. o chin-ta che c'o jun andex nijo'. Xa tibana' che manak ik'ij, 1 P 5.5. xa tiya' quik'ij re nic'aj chic. 1 Co 10.24. Man xe-ta re ndoc chiva yex re tinojij, xa tinojij re ndoc chique re nic'aj chic.
Tibana' Jn 13.15. ancha'l xuban re Cristo Jesús. Reja' can Dios-va, Is 9.6; Jn 1.1, 2; 5.18. pero man roma-ta re' xc'ue-ta can chila' chicaj riq'uin re Dios. Reja' xuya' can ronojel re'. Man xupokonaj-ta xuya' can re ruk'ij, y xbalax-ka chach re ruch'ulef, xoc ancha'l yoj re yoj vinak, Jn 1.14. y xsamaj ancha'l jun samajel. Is 42.1. Reja' xoc vinak ancha'l yoj y man xuban-ta che c'o ruk'ij. Can xunimaj y xuban ronojel re xubij re Dios cha, y reja' quire' xuban c'a jampa' xapon chach re camic, re camic xuk'asabej cho cruz. He 12.2. Y mare' re Dios rubanon cha che c'o ruk'ij y ru-poder chila' chicaj. Mt 28.18. Y man jun chic re c'o-ta más ruk'ij y ru-poder que chach reja'. Ef 1.21. 10 Re Dios can nrajo' che conojel que'xuque' Ef 3.14. tak niquic'axaj re rube' re Jesús. Re jec'o chila' chicaj, re jec'o chach re ruch'ulef, Ap 5.3, 13. y chuka' re je quiminak chic-a. 11 Y conojel tiquibij che re Jesucristo jare' re Ajaf. Jn 13.13; Ro 14.9. Y riq'uin re quire' xtiquibij, xtiquiya' ruk'ij re Karta' Dios.
Yoj re kaniman chic re Dios, yoj-aconak sakil chach re ruch'ulef
12 Mare', yex re camas yixinjo', nimbij chiva che nojel tiempo tinimaj rutzij re Dios He 4.11. ancha'l ibanom-pa. Tak xinc'ue' iviq'uin, quire' xiban. Y quire' chuka' tibana' vocame, astapa' man yinc'o-ta iviq'uin. Can nojel tiempo titija' ik'ij niban quire', chin che katzij yixcolotaj jumul chach re imac. Can tixibij-ivi' yixmacun chach re Dios. 13 Re Dios nisamaj pa tak ivánma, y nuban chiva che nirayij He 13.21. niban re nika chach reja'. Y chuka' nuya' ivuchuk'a' 2 Co 3.5. chin yixtiquir niban.
14 Y ronojel re niban, can riq'uin ronojel ivánma tibana', y chuka' man tisujuj-ivi', y man tiban ayoval. 15 Can tik'alajin che re ic'aslen can otz-va y man-ta jun itzel andex nilitaj chivij. Fil 1.10. Tik'alajin che yix rajc'ual re Dios y che man jun itzel cosa c'o pan ic'aslen, astapa' yixc'o chach re ruch'ulef chiquicojol vinak re man choj-ta quic'aslen re je'satzanak riq'uin re niquinojij. Ja yex re yixyi'o sakil Mt 5.14. pa quic'aslen re vinak re'. 16 Y nitzijoj re ch'abal chin c'aslen chique. Y yen ninjo' che ivoma yex, re vánma xtiqui'cot-ta chupan re k'ij tak xtipa chic re Jesucristo, roma xtik'alajin che c'o xc'atzin-va re samaj ximban iviq'uin. 17 Can nink'asaj tijoj-pokonal roma re ruch'abal re Dios re nintzijoj, y yex can xijach re ic'aslen cha re Dios roma re samaj re' y mare' yen camas yinqui'cot. Y astapa' yinquimisas 2 Ti 4.6. roma re samaj nimban, can jabal yinqui'cot iviq'uin roma yex can xinimaj re xintzijoj chiva. 18 Y quire' chuka' yex, tiqui'cot re ivánma viq'uin.
Re Pablo nrajo' ye'rutak re Timoteo y re Epafrodito pa Filipos
19 Vo xa jare' nrajo' re Ajaf Jesús, re hermano Timoteo 1 Ts 3.2. xtapon-yan iviq'uin. Xtintak-a chin yixe'rutz'eta' andex ibanon y c'are' nubij chua chin quire' can xquinqui'cot. 20 Y man jun chic re c'o viq'uin vova' re can junan-ta nakanojij riq'uin ancha'l re Timoteo, y katzij-ta nuban preocupar-ri' chivij. 21 Re nic'aj chic re jec'o viq'uin, xaxe re nika 2 Ti 3.2. chiquivach reje' xaxe chij re' niquiban-va preocupar-qui', y man niquinojij-ta andex re nic'atzin chin niquiban pa rusamaj re Cristo Jesús. 22 Jac'a re hermano Timoteo nuc'ut che camas otz. Y yex chuka' itaman che quire'. Itaman che reja' aconak ancha'l vajc'ual, 1 Co 4.17; 1 Ti 1.2; 2 Ti 1.2. y samajenak viq'uin chin katzijon re utzulaj ch'abal chin re Dios re nibex evangelio cha. 23 Y yen xaxe chic nyaben jampa' xtiban rubiyal pa palacio, vo xa xquinel-a libre o vo xa c'o jun andex quinojin niquiban chua. Y tak xk'alajin-yan ronojel re', nintak-a re Timoteo iviq'uin, quire' re ninojin yen. 24 Y can nbanon confiar-vi' riq'uin re Ajaf, che xtuban chua yen che cha'nin xquintiquir xquinapon iviq'uin.
25 Man riq'uin re', yen xinojij che re hermano Epafrodito Fil 4.18. nitzolaj-yan iviq'uin. Reja' xitak-pa viq'uin chin xubanala' utzil chua. 2 Co 11.9. Can kachibil-va-ki' riq'uin chin katijon kak'ij pa rusamaj re Dios. 26 Re Epafrodito camas nrajo' yixrutz'at-yan, roma rutaman che yex xic'axaj che xyavaj. 27 Y katzij che reja' camas xyavaj y bama xcom. Jac'a re Dios xujoyovaj rach y xujoyovaj chuka' noch yen. Roma xe-ta xcom re Epafrodito, c'o-ta chic jun bis más xpa viq'uin, roma camas q'uiy k'axomal jec'o chic pa vánma. 28 Mare' can xinojij che nitzolaj-yan iviq'uin, chin niqui'cot re ivánma tak xtitz'at. Y tak c'o chic iviq'uin, ya manak chic nu-pena. 29 Can tic'ulu' riq'uin ronojel ivánma, roma quire' re ruc'amon che niban cha, roma can runiman chuka' re Ajaf. Can tiya' 1 Ts 5.12; 1 Ti 5.17. quik'ij re hermanos re je ancha'l chuka' reja'. 30 Re hermano Epafrodito bama xcom roma re rusamaj re Cristo. Yex xitak-pa chin xubanala' utzil chua, Fil 4.10. y reja' bama xcom chubanic re samaj.

2:1 2 Co 13.14.

2:2 1 P 3.8.

2:2 Jn 3.29.

2:3 Stg 3.14.

2:3 1 P 5.5.

2:3 1 Co 10.24.

2:5 Jn 13.15.

2:6 Is 9.6; Jn 1.1, 2; 5.18.

2:7 Jn 1.14.

2:7 Is 42.1.

2:8 He 12.2.

2:9 Mt 28.18.

2:9 Ef 1.21.

2:10 Ef 3.14.

2:10 Ap 5.3, 13.

2:11 Jn 13.13; Ro 14.9.

2:12 He 4.11.

2:13 He 13.21.

2:13 2 Co 3.5.

2:15 Fil 1.10.

2:15 Mt 5.14.

2:17 2 Ti 4.6.

2:19 1 Ts 3.2.

2:21 2 Ti 3.2.

2:22 1 Co 4.17; 1 Ti 1.2; 2 Ti 1.2.

2:25 Fil 4.18.

2:25 2 Co 11.9.

2:29 1 Ts 5.12; 1 Ti 5.17.

2:30 Fil 4.10.