1 ¿Andex como xtakabij vocame? ¿La otz como che c'a yojmacun✡Ro 3.8. chin che más nik'alajin re utzil pitinak riq'uin re Dios?✡Ro 5.21. 2 Man otz-ta. Yoj xa kayi'on chic can re mac. Xa can ancha'l che xojcom-yan,✡Ga 6.14. y mare' man otz-ta chic che c'a yojmacun. 3 Roma yoj kataman che re bautismo jare' re seña che yoj can xojcom junan riq'uin re Jesucristo,✡1 Co 15.29. roma jun kabanon riq'uin.✡Col 3.3. 4 Tak xojban bautizar, can ancha'l che xojcom riq'uin, y tak reja' xmuk, can ancha'l che xojmuk chuka' riq'uin. Y mare' yojtiquir nakabij che tak reja' xc'astaj-pa roma re ru-poder re Karta' Dios, yoj chuka' xojc'astaj riq'uin,✡Col 2.12. y vocame kac'uan jun c'ac'a c'aslen.

5 Roma vo xa can jun chic kabanon riq'uin re Jesucristo roma xcom, can jun chic chuka' kabanon riq'uin✡Fil 3.10. roma xc'astaj-pa chiquicojol re anama'i'. 6 Tak rubanon can, xkac'uaj jun itzel c'aslen. Pero can ancha'l che xojbajex riq'uin re Jesucristo cho cruz,✡Ga 2.20. y mare' re itzel c'aslen re' xq'uis y xojcolotaj pa ruk'a' re mac.✡Col 2.11. 7 Yoj re can ancha'l che xojcom riq'uin re Jesucristo, can man jun c'a kamac ndel chach re Dios. 8 Yoj ancha'l xa can xojcom riq'uin re Jesucristo, y mare' kataman che yojc'ase' riq'uin.✡Jn 14.19; 2 Co 5.1; 2 Ti 2.11. 9 Y kataman chuka' che re camic manak chic ruk'a' cha re Jesucristo. Reja' xc'astaj,✡Ap 1.18. y man chic xticom-ta. 10 Tak reja' xcom, jare' tak xuch'ac re mac.✡He 9.28. Reja' xaxe jun bey xcom,✡He 10.10. y vocame c'as y nuya' ruk'ij re Dios. 11 Y yoj man c'a takamistaj che jun kabanon riq'uin re Jesucristo✡1 Co 6.20; Col 3.3. re Kajaf. Can ancha'l che xojcom junan riq'uin y mare' re mac xcanaj-yan can. Y chuka' can ancha'l che xojc'astaj-pa junan riq'uin y mare' nakaya' ruk'ij re Dios.✡Ga 2.19.

12 Mare' man c'a takaya' k'ij che ndoc re mac kaq'uin, chin che mana-ta re itzel tak rayibal re ye'c'uan kachin.✡Ef 4.22. 13 Tak rubanon can, yoj can yoj quiminak chupan re mac. Jac'a vocame man chic quire-ta, roma kac'uan chic jun c'ac'a c'aslen. Mare' takajacha-ki' pa ruk'a' re Dios chin che nakaban re nrajo' reja', chin che re kak'a-kakan ye'cusas roma re Dios chubanic re choj. Y man takaya' k'ij che ndoc re mac kaq'uin, chin che re kak'a-kakan man que'cusas chubanic re man otz-ta y re man choj-ta. 14 Re mac, can man jun chic ruk'a' chaka, roma xojcolotaj-yan.✡Mt 1.21; Tit 2.14. Man chic nakaban-ta confiar-ki' riq'uin re ley,✡Ga 5.18. xa ja chic riq'uin re utzil pitinak riq'uin re Dios.

15 Pero vocame yex itaman che xa roma re utzil re pitinak riq'uin re Dios tak yojcolotaj✡1 Co 9.21; 2 Co 7.1; Ga 2.17, 18; Ef 2.8, 10. y man roma-ta re ley. Y vo xa roma re' yex ninojij che c'a otz che yixmacun, man quire-ta. 16 Yex can itaman che xabanchique vinak nuban rusamaj jun chic✡Jn 8.34. vinak, can nic'ue' chuxe' rutzij re rajaf re samaj. Mare' yoj vo xa can xtakaya-ki' chuxe' rutzij re mac, can xkojoc-va pa ruk'a' re mac y xkojruc'uaj pa camic. Pero vo xa xtakaya-ki' chuxe' rutzij re Dios, can xkojoc-va pa ruk'a' reja' y xkojruc'uaj chupan jun c'aslen choj. 17 Pero matiox cha re Dios che yex riq'uin ronojel ivánma ninimaj rutzij re Dios. Can yixc'o chic chupan re ruch'abal re Dios. Tak rubanon can, xixc'ue' chuxe' rutzij re mac. 18 Jac'a vocame man chic yixc'o-ta pa ruk'a' re mac, xa can yix rusamajela' chic re Dios✡Lc 1.74, 75; 1 Co 7.22; Ga 5.1; 1 P 2.16. y can ic'uan chic jun c'aslen choj. 19 C'ayef chin che nak'ax pan ive' ronojel re', y mare' xincusaj re ejemplo chij re vinak re can nuban rusamaj jun chic vinak. Tak rubanon can, yex xiya' k'ij che xoc re mac iviq'uin, y re ik'a-ivakan can xe'cusas chubanic re etzelal. Jac'a vocame nic'atzin che re ik'a-ivakan ye'cusas roma re Dios chubanic re choj, chin che can-ta ch'ajch'oj re ic'aslen chach re Dios.

20 Tak xixc'ue' chuxe' rutzij re mac, yex can man ba' xinojij che nic'atzin nic'uaj jun c'aslen choj chach re Dios.✡Gn 2.17; Jn 3.14; 1 P 1.3. Xa can yix libres xina'. 21 Y tak xic'uaj re itzel c'aslen re', ¿andex como xuc'am-pa chiva? Vocame tak ne'ka re itzel c'aslen re' chi'c'o'x, yixq'uex, roma pa ruq'uisibal re c'aslen re' xa camic nuc'am-pa. 22 Vocame re mac can man jun chic ruk'a' chiva, xa can yixc'o chic chuxe' rutzij re Dios, y mare' tak ic'ulun chic jun c'aslen ch'ajch'oj. Y pa ruq'uisibal nuc'am-pa re c'aslen re man niq'uis-ta. 23 Re rajal nuya' re mac chaka, ja re camic. Jac'a re Dios ja re c'aslen re man niq'uis-ta re nusipaj chaka. Y ja c'aslen re' re nisipas chaka roma jun kabanon riq'uin re Kajaf Jesucristo.