4
A Pwooti Wâé ke a pwéélang @ ne ha a melepiing
1 E ne tong a penem naa wo Padué, ne ha a bwo wâé nang. Weengaa a watihen na time uce pitupwo jo [heme é mu he ni picani].
2 4.2 2 Korénit 2.17; 1 Tésalonik 2.5Ke é caa mi piniimihi pie [hemepie é patemehi te ni apulie] ke time é o uce pii ace pwooti celi gele, ke time é uce neduwohi ace céiu naado. Ûhu! Time uce wâé tong ni bwomu te ni apulie na lé wonaa, be lé pwo me tanim genye. Be é penem ha a juuju. Ke time é uce pibitehi ni pwooti te Padué; kehe é habwii ehi a juuju, ne he pwahamii Padué. Ke wo lépwo apulie, ke lé o temehi ne he ni *pwonimelé [pie time é uce pihaamilé]. 3 Be a Pwooti Wâé na é ko patemehi, ke pwéélang, ke jan me lé temehi ati ne ni apulie, kehe te time uce wo lépwona élé ité koja Padué na lé patieden ni mulihelé*4.3 Grek: Caa neduwohi a Pwooti Wâé tong ne ko lépwona lé mele.. 4 4.4 Éféso 2.2; Kolosé 1.15; Ébéru 1.3Be e pwo me bwi jélé [wo *Caatana] pa caa te a bwohemwo ce, beme time lé uce alihi a pwéélang ko a Pwooti Wâé, ke me time lé uce céihi ne kon. A pwéélang naa, ke *a wâé te Kériso, na a déme Padué.
5 Be, me é pipune, ke time é uce pipii dong ne tewé, kehe é patemehi Kériso Iésu, Padaame. Ke é mu kon, na woéo, ke é penem dewé.
6 4.6 Genèse 1.3; Ésaïe 9.1; 2 Korénit 3.18E pii wo Padué ânebun pie: Wâé heme e tuie a pwéélang ne ha awieme a melepiing.Genèse 1.3
Ke wo Padué naa, ke weeng kuti, na e pwo me e tuie a pwéélang den ne he ni pwonimenye, beme nye temehi pie, a wâé ten, ke e he Iésu Kériso†4.6 A wâé ten, ke e he Iésu Kériso—Grek: A wâé te Padué ne he pwahamii Kériso..
Mang a céihi tong ne he ni picani
7 4.7 2 Korénit 5.1[A pwéélang na e konye, ke e pwohewii] a naado na nihe ubwo a cuhin. Kehe icehi ana nye pwohewii ni mwotabe pule [na time uce mwoiu]. Ke anaa, ana me lé temehi ne ni apulie, pie time e uce âbé mu konye a junuun ce, na junihe ubwo wéden. Kehe e te âbé mu ko Padué.
8 4.8 2 Korénit 1.8, 7.5ɇ4.8 É—Grek: Nous (pwohewii gemu, geme, ai genye he pwo cemuhi). Kehe icehi ana wo Paulo, ke e pii ni naado na e tuie ne kon. Piwien he ni niide a tii 8−15. Omehi mwo note ko 2 Korénit 1.6. te junihe mu he ni pétaapwo picani me ni téé, kehe icehi ana time lé uce caaiteéo. Ke hiwon ni naado na ta na e mu tuie ne kong, kehe icehi ana é te cumang. 9 Lé te cuwo ko pwo tong nina time uce wâé, kehe icehi ana time e uce patupwoéo wo Padué. Ke lé pabetiiéo ne he pule, kehe icehi ana é te cuwoda mwo. 10-11 4.10 1 Korénit 15.314.11 Roma 8.36Ati he ni tan, ke é te pipwopweeéo ne ko a mele me de Iésu. Be é teko pé ne ha a ééng a bwo mele ten: a ééng na e bo mele. Kehe icehi ana é te pé ne kong mwo a bwo mulie cemwo ten. Ke lé o alihi anaa ne ni apulie§4.10−11 Ke lé o alihi anaa ne ni apulie—Grek: Beme o habwii a [mulie] naa..
12 Ke hemepie é pipwopweeéo ne ko a mele, ke a bwopwonen beme e mu kowé *a ju mulip*4.12 Grek: Anaa kuti na e penem +kong a mele; ke a mulie, ke e [mu] kowé.. 13 4.13 Psaume 116.10Be caa te tii ne he ni *tii iitihi pie: É céihi ne ko Padué, ke é mu ko anaa, na é cihe.Psaume 116.10
Ke woéo mwo, ke é céihi, ke é mu ko anaa, na é pii beetihi a Pwooti Wâé ten.
E pwo me é mulie cemwo
14 4.14 1 Korénit 6.14Be é temehi pie, wo Padué, ke e pwo me e mulie cemwo wo Padaame Iésu mu ha amele. Ke e bo pwo me é mulie mwo, be é mu ko Iésu. Ke e bo tai péékenye ibu me wogewé, me nye cuwo he pwahamiin. 15 É ko anaa, na e adéikewé mu ko ni picani na é mu hen. Ke me wonaa, ke o hiwon ce apulie celi lé o temehi ni *adéihi ten na e âbé mu ko a *pipwoééhe tice ja kon den. Ke lé pwo-olé ten, me pipwoun den, ke lé o pipatemehi ngen a wâé ten, me a bwo ubwo nang†4.15 Grek: Be ati ninaa, ke e tuie be me dewé, beme e piân a pipwoééhe tice ja kon. Ke o hiwon nina lé o pipwoun de Padué, ne ha a wâé ten..
Time uce bwali ni picani tenye jenaa
16 4.16 Éféso 3.16É mu ko ati [ni adéihi naa] ke o time uce pitupwo genye. Be mepie e ko mwaale ni éénye [ke me e â benihi a mele]; ke é ne ko a ju mulip na e konye, ke e o piubwo nang da. 17 4.17 Roma 8.17−18Ke mepie nye mu he ni picani he ni tan ce, ke time uce ubwo, ke time uce bwali. Be ni bwopwonen me pipwopweekenye, beme e mu konye a wâé te Padué. Ke a wâé naa, ke o junihe ubwo wéden koja ni picani jenaa. Ke e o te mu pelenye dieli mwo.
18 4.18 Kolosé 1.16É mu ko anaa, na nye nemwo pé me junaado nina nye alihi ko ni naamiinye. Be time lé uce tee mu me bwolihi. Kehe nye hane ni naado na time nye uce alihi: ni naado na lé o mu dieli mwo.
4:2 4.2 2 Korénit 2.17; 1 Tésalonik 2.5
*4:3 4.3 Grek: Caa neduwohi a Pwooti Wâé tong ne ko lépwona lé mele.
4:4 4.4 Éféso 2.2; Kolosé 1.15; Ébéru 1.3
4:6 4.6 Genèse 1.3; Ésaïe 9.1; 2 Korénit 3.18
†4:6 4.6 A wâé ten, ke e he Iésu Kériso—Grek: A wâé te Padué ne he pwahamii Kériso.
4:7 4.7 2 Korénit 5.1
4:8 4.8 2 Korénit 1.8, 7.5
‡4:8 4.8 É—Grek: Nous (pwohewii gemu, geme, ai genye he pwo cemuhi). Kehe icehi ana wo Paulo, ke e pii ni naado na e tuie ne kon. Piwien he ni niide a tii 8−15. Omehi mwo note ko 2 Korénit 1.6.
4:10-11 4.10 1 Korénit 15.31
4:10-11 4.11 Roma 8.36
§4:10-11 4.10−11 Ke lé o alihi anaa ne ni apulie—Grek: Beme o habwii a [mulie] naa.
*4:12 4.12 Grek: Anaa kuti na e penem +kong a mele; ke a mulie, ke e [mu] kowé.
4:13 4.13 Psaume 116.10
4:14 4.14 1 Korénit 6.14
†4:15 4.15 Grek: Be ati ninaa, ke e tuie be me dewé, beme e piân a pipwoééhe tice ja kon. Ke o hiwon nina lé o pipwoun de Padué, ne ha a wâé ten.
4:16 4.16 Éféso 3.16
4:17 4.17 Roma 8.17−18
4:18 4.18 Kolosé 1.16