12
1 <δ> Ê toomwo me a dragon
1 Pwo a inenaado na te nihe ubwo, na e tuie ne he miiden: ê toomwo na tawiieng ko a téale*12.1 Toomwo na tawiieng ko a téale—A ocine ko a bele te Padué, he na e wie mulang wo pa Mesia, pa Naî Padué. A bele te Padué, ke wo lépwo Isaraéla, ke é jenaa, ke caa ati nina lé âcéi Iésu.. Ke a wole, ke e haahi ni an. Ke e pwobo ha a kuron na pwo ko ni ceni na 12. 2 12.2 Miché 4.10E o te ju téele piâbeele ewa, ke e é ko ni picani ko piâbeele ewa.
3 12.3 Daniel 7.7Pwo a céiu inenaado na e tuie ne mwo he miiden: a dragon†12.3 Dragon—Ne ha a cihedéé te lépwo Juif, ke a paile na te junihe ubwo nang, na e mu ha anumwihi. A niin mwo pie Léviatan (Psaume 74.14). É ne éni, ke a dragon, ke a céiu niin pie Caatana. Omehi a niide a tii 9. na te junihe ubwo nang, ke megele nang pwohewii a miû. Ke 7 ni punin, ke 10 ni gi ten, ke é pwo ni pétaapwo punin, ke e mu pwon ni kuron. 4 12.4 Daniel 8.10Ke é ko a tubwon, ke e baléhi a céiu duaa‡12.4 A céiu duaa—Grek: A céiu duaa mu ko ni duaa na cié. ceni mu he miiden, ke e tahi ole pwo bwohemwo. Ke e cuwo ânebuhe ê toomwo na me e piâbeele ewa, beme e wii a naîn, hemepie e âbeele.
5 12.5 Psaume 2.9; Ésaïe 7.14, 66.7; Pii Beetihi 19.15Ke e picile pa cuwo nahi aiu wo êgi toomwo. Ke e bo pihuôhi ati ni bele wo panaa, ko a bwaja toki ten.
Ke me e pituie, ke te celuimieng kuti koja ali dragon, ne pele Padué, ne pwo a atebwo he daame ten. 6 Ke e cela nge ha a melé§12.6 Melé—Da (désert). A duaan na ticie hen. wo êgi toomwo. É lang he na e piwâamihi a amu ten nelang wo Padué, beme cileeng nelang, he na 1260 ni tan.
E pwopa ne kon wo Michel
7 12.7 Jude 1.9Ke é mulang, ke pwo a pa ne he miiden. Wo Michel me ni *âcélo ten, ke lé pwopa ne ko ali dragon me ni duéé ten*12.7 Ni duéé ten—Grek: Ni âcélo ten. Éni, ke a bwopiinen pie ni âcélo na ta jélé, na nye pii kolé pie, ni duéé.. 8 Ke time uce pwo niihe ali dragon, be te tice mwomwon delé me lé mu he miiden. 9 12.9 Genèse 3.1,14; Luka 10.18, 22.31; Pii Beetihi 20.2Ke ali dragon ubwo, ke tahieng ole pwomwo. Be pali bwien he li bécéiuhe tan, a niin pie ‘pa apipé ne konye’, ai wo *Caatana, ‘pa acubwonikenye’. Ke e pipwohuô te a bwohemwo ati. Ke tahieng ole pwo bwohemwo, woélé me ni âcélo ten.
10 12.10 Job 1.11; Zakari 3.1Ke é téne a pwocihe na ubwo na e âbé mu he miiden, na e pii pie:
«É jenaa, ke a benaamwon
na e *celuimi wo Padué.
É jenaa, ke e daame
ko a junuun.
E habwii a mwomwon den
wo pa *Mesia.
Be e caa tahi ole Caatana,
pana e pipé ne ko ni béénye,
he ni tan ke ni bwén.
11 Kehe lé piwéden kojaeng,
ko a cewéhe pa *Nahi Muto;
ko a pwooti na lé *pajuujuhi.
Be time uce piwâ jélé,
me lé patupwo ni mulihelé,
ke me lé mele me den.
12 12.12 Ésaïe 44.23, 49.13Geé pipwodéén,
wogewé a miiden,
ke wogewé na geé mu hen!
Apwohi a bwohemwo me a jié!
Be e oté céiikewé wo Caatana.
Kehe e te junihe okéé,
be e caa te temehi pie,
caa tice benaamwon den.»
E tai êgi toomwo na ali dragon
13 Ke me e alihi na ali dragon pie, caa tahieng ole pwo bwohemwo, ke e tai êgi toomwo†12.13 E tai êgi toomwo—Hiwon ni naado jenaa, na pwohewii a bwo celuimi lépwo Isaraéla koja pa daame Faraô mu Aigupito. Omehi Exode 1.22; 14.8; 19.4; Nombres 16.31−33. li e picile pali cuwo nahi aiu. 14 12.14 Daniel 7.25, 12.7Ke wo êgi toomwo, ke e hegi lupwo puui a bwaaoléé na te junihe ubwo nang. Ke e téé kojaeng nge ha a melé, ha a duaan na caa piwâamihi me den, ne ité koja a bwien. Ke e bo hegi ni wiinaado nelang he na cié ni jo, ke pwo a behin‡12.14 Cié ni jo, ke pwo a behin—A bwopiinen pie: 42 ni wole: 1260 ni tan. Omehi Pii Beetihi 11.2−3. Grek: Ha a benaamwon na céiu, me ni benaamwon, me a céiu bebehi benaamwon..
15 Ke wo pali bwien, ke e puutihi a tabe na pwohewii a tabe he éémwa céi êgi toomwo, beme cetieng. 16 Kehe icehi ana e picani te êgi toomwo na a pule, ke e tehi a pwon, ke e nemihi ali tabe. 17 12.17 Pii Beetihi 11.7Ke e te junihe okéé kuti na ali dragon, ne ko êgi toomwo, ke e â pwopa ne ko ni nehi naîn. Ninaa, ke nina lé piténedehi ni pihuô te Padué, ke lé pajuuju Iésu§12.17 Lé pajuuju Iésu—ai Lé te cumang ne ko a juuju na e habwii wo Iésu..
18 Ke e te cuwo ticepwon ali dragon.

*12:1 12.1 Toomwo na tawiieng ko a téale—A ocine ko a bele te Padué, he na e wie mulang wo pa Mesia, pa Naî Padué. A bele te Padué, ke wo lépwo Isaraéla, ke é jenaa, ke caa ati nina lé âcéi Iésu.

12:2 12.2 Miché 4.10

12:3 12.3 Daniel 7.7

†12:3 12.3 Dragon—Ne ha a cihedéé te lépwo Juif, ke a paile na te junihe ubwo nang, na e mu ha anumwihi. A niin mwo pie Léviatan (Psaume 74.14). É ne éni, ke a dragon, ke a céiu niin pie Caatana. Omehi a niide a tii 9.

12:4 12.4 Daniel 8.10

‡12:4 12.4 A céiu duaa—Grek: A céiu duaa mu ko ni duaa na cié.

12:5 12.5 Psaume 2.9; Ésaïe 7.14, 66.7; Pii Beetihi 19.15

§12:6 12.6 Melé—Da (désert). A duaan na ticie hen.

12:7 12.7 Jude 1.9

*12:7 12.7 Ni duéé ten—Grek: Ni âcélo ten. Éni, ke a bwopiinen pie ni âcélo na ta jélé, na nye pii kolé pie, ni duéé.

12:9 12.9 Genèse 3.1,14; Luka 10.18, 22.31; Pii Beetihi 20.2

12:10 12.10 Job 1.11; Zakari 3.1

12:12 12.12 Ésaïe 44.23, 49.13

†12:13 12.13 E tai êgi toomwo—Hiwon ni naado jenaa, na pwohewii a bwo celuimi lépwo Isaraéla koja pa daame Faraô mu Aigupito. Omehi Exode 1.22; 14.8; 19.4; Nombres 16.31−33.

12:14 12.14 Daniel 7.25, 12.7

‡12:14 12.14 Cié ni jo, ke pwo a behin—A bwopiinen pie: 42 ni wole: 1260 ni tan. Omehi Pii Beetihi 11.2−3. Grek: Ha a benaamwon na céiu, me ni benaamwon, me a céiu bebehi benaamwon.

12:17 12.17 Pii Beetihi 11.7

§12:17 12.17 Lé pajuuju Iésu—ai Lé te cumang ne ko a juuju na e habwii wo Iésu.

© 2017 WBT