25
Ang Tubag ni Bildad
Unya mitubag si Bildad nga taga-Shua,
“Gamhanan ug talahuron ang Dios.
Gipatunhay niya ang kalinaw sa kalangitan.
Maihap ba ang iyang mga sundalo?
Adunay dapit ba nga wala madan-agi sa iyang kahayag?
Unsaon pag-ingon sa usa ka tawo
nga matarong siya atubangan sa Dios?
Aduna bay natawo nga hinlo?
Bisan ang bulan ug ang mga bitoon
dili man gani hayag sa iyang panan-aw,
unsa pa kaha ang tawo
nga sama lang sa usa ka ulod.”