Salmo 29
Awit ni David.
1 Dayega ninyo ang Ginoo,
kamo nga mga anak sa gamhanang Dios.*kamo nga mga anak sa gamhanang Dios: o kamo nga langitnon nga mga binuhat.
Dayega ninyo ang iyang gahom ug kusog.
2 Dayega ninyo ang iyang pagkagamhanan.
Simbaha ninyo siya sa dihang ipadayag niya ang iyang balaang presensya.
3 Nagdahunog ang tingog sa Ginoo, ang gamhanang Dios,
ug madunggan kini diha sa kadagatan.
4 Ang iyang tingog gamhanan ug halangdon.
5 Makabali kini sa mga kahoyng sedro sa Lebanon.
ug mahisama kini sa nati nga baka nga naglukso-lukso.
7 Ang tingog sa Ginoo makapakilat ug
8 makapatay-og sa kamingawan,
bisan pa ang kamingawan sa Kadesh.
9 Ang tingog sa Ginoo makapaanak sa mananap nga usa‡makapaanak sa mananap nga usa: o mopauyog sa mga kahoyng terebinto.
ug makapataktak sa mga dahon sa kahoy.
Ug sa iyang Templo nagsinggit ang tanan, “Gamhanan ang Dios!”
10 Ang Ginoo ang nagmando sa mga baha.
Nagmando siya ingon nga hari sa walay kataposan.
11 Gilig-on sa Ginoo ang iyang katawhan
ug gihatagan ug maayong kahimtang.
*Salmo 29:1 kamo nga mga anak sa gamhanang Dios: o kamo nga langitnon nga mga binuhat.
†Salmo 29:6 Hermon: sa Hebreo, Sirion.
‡Salmo 29:9 makapaanak sa mananap nga usa: o mopauyog sa mga kahoyng terebinto.