Salmo 99
1 Naghari ang Ginoo ug naglingkod siya sa iyang trono
taliwala sa mga kerubin.
Busa nangurog ang mga tawo
ug natay-og ang kalibotan.
naggahom siya sa tanang katawhan.
3 Modayeg ang mga tawo kaniya tungod kay gamhanan
ug katingalahan siya.
Balaan siya!
4 Gamhanan siya nga Hari, ug nahigugma siya sa katarong.
Wala siyay pinalabi sa iyang paghukom,
ug gihimo niya ang matarong ug husto sa Israel†Israel: sa Hebreo, Jacob..
5 Dayega ang Ginoo nga atong Dios.
Simbaha siya sa iyang trono‡trono: sa literal, tungtonganan sa iyang tiil..
Balaan siya!
6 Si Moises ug si Aaron ang duha sa iyang mga pari,
ug si Samuel ang usa sa mga nag-ampo ngadto kaniya.
Mitawag sila kaniya ug gitubag niya sila.
7 Nakigsulti siya kanila gikan sa panganod nga daw haligi;
gituman nila ang mga pagtulon-an
ug mga tulomanon nga gihatag niya kanila.
8 Ginoo nga among Dios, gitubag mo ang mga pag-ampo sa imong katawhan§sa imong katawhan: sa Hebreo, nila. Mahimong mao sila si Moises, Aaron, ug Samuel sa bersikulo 6..
Gipakita mo kanila nga mapinasayloon ka nga Dios
bisan gisilotan mo sila tungod sa ilang mga sala.
9 Dayega ang Ginoo nga atong Dios.
Simbaha siya sa iyang balaang bungtod,
kay balaan ang Ginoo nga atong Dios.
*Salmo 99:2 Zion: mao usab ang Jerusalem.
†Salmo 99:4 Israel: sa Hebreo, Jacob.
‡Salmo 99:5 trono: sa literal, tungtonganan sa iyang tiil.
§Salmo 99:8 sa imong katawhan: sa Hebreo, nila. Mahimong mao sila si Moises, Aaron, ug Samuel sa bersikulo 6.