105
A lokkamhaih Angraeng mah panoek
1 Angraeng khaeah anghoehaih lok to thui ah; anih ih ahmin to kawk oh; a sak ih hmuennawk to kaminawk khaeah amtuengsak oh.
2 Angmah khaeah laasah oh loe, angmah khaeah saam laa to sah oh; a sak ih dawnrai hmuennawk to thui oh.
3 Anih ih ciimcai ahmin to lensawkhaih hoiah amoek o haih ah; Angraeng pakrong kaminawk ih palungthin loe anghoe nasoe.
4 Angraeng hoi a thacakhaih to pakrong oh; a mikhmai to pakrong oh!
5 A sak ih dawnrai, anghmang thok hmuennawk, angmah ih pakha hoi tacawt lokcaekhaihnawk to pakuem oh,
6 a tamna Abraham ih caanawk, a qoih ih Jakob ih caanawk to panoek oh!
7 Anih loe aicae Angraeng Sithaw ah oh; a lokcaekhaih loe long nui boih ah oh.
8 Anih loe angmah sak ih lokmaihaih to dungzan khoek to panoek poe, a thuih ih lok to adung sangto khoek to panoek,
9 Genesis 12.7; 17.8; Genesis 26.3.anih loe Abraham hoi a sak ih lokmaihaih, Isaak khaeah sak ih lokkamhaih to panoek poe;
10 Genesis 28.13.to lokmaihaih to Jakob khaeah a caksak moe, Israel khaeah dungzan lokmaihaih ah a suek:
11 Kanaan prae to kang paek han, nangmah ih taham ah kaom qawk baktiah na toep tih, tiah a naa.
12 Nihcae loe kami tamsi o, ue, paroeai tamsi kaminawk loe prae thungah angvin ah oh o.
13 Nihcae mah acaeng maeto hoi maeto khaeah caeh o moe, prae maeto hoi kalah kaminawk khaeah a caeh o naah,
14 Genesis 20.3-7.mi doeh kasae hmuen to sahsak ai; ue, nihcae pongah siangpahrangnawk to a thuitaek,
15 situi ka bawh ih kami to sui o hmah; kai ih tahmaanawk to nganbawh kana paek o hmah, tiah a naa.
16 Genesis 41.53-57.Anih mah prae thungah khokhahaih to phaksak; caaknaek boih amrosak.
17 Genesis 37.28; 45.5.Nihcae hmaa ah kami maeto, tamna ah zawh o ih, Joseph to patoeh.
18 Genesis 39.20—40.23.Anih ih khok to thlongthuk pae o moe, sumboeng hoiah pacaekthlaek o;
19 a thuih ih lok acung ai karoek to, Angraeng ih lok mah anih to tanoek.
20 Genesis 41.14.Siangpahrang mah kami to patoeh moe, loisak; kaminawk ukkung mah doeh anih to loisak.
21 Genesis 41.39-41.Anih to a imthung ah angraeng ah suek, a tawnh ih hmuennawk boih ukkung ah a suek,
22 Anih mah angraeng capanawk to a koeh baktiah patuk, to tiah anih loe kacoehtanawk palunghahaih patuk hanah oh.
23 Genesis 46.6; Genesis 47.11.Israel doeh Izip prae thungah angzoh; Jakob loe Ham prae thungah oh.
24 EXO 1.7-14.Angraeng mah angmah ih kaminawk to pungsak moe, nihcae ih misanawk pongah tha a caksak kue.
25 Anih ih kaminawk hnukma moe, a tamnanawk kasae sak pacaeng hanah, nihcae ih palungthin to a paqoi pae.
26 EXO 3.1—4.17.A tamna Mosi hoi a qoih ih Aaron to patoeh.
27 Nihnik mah nihcae khaeah Angraeng ih angmathaih to sak pae hoi, anghmang thok hmuennawk to Ham prae ah a sak pae hoi.
28 EXO 10.21-23.Vinghaih to patoeh pae moe, prae to khovingsak; to tiah nihcae mah anih ih lok to aek o ai.
29 EXO 7.17-21.Nihcae ih tuinawk to athii ah angcoengsak moe, tanganawk to dueksak.
30 EXO 8.1-6.Nihcae ih prae thungah ukongnawk to a pungsak, angmacae siangpahrang iihhaih ahmuen khoek to ohsak.
31 EXO 8.20-24; EXO 8.16,17.Lok a thuih moe, taksaenawk to a pungsak, prae thung boih ah alungh to koi.
32 EXO 9.22-25.Anih mah khotui zuengah qaetui to paek moe, a prae thungah hmai kangqong to phaksak.
33 Misurkung hoi thaiduetkungnawk to amrosak king moe, prae thung ih thingnawk to amtimsak boih.
34 EXO 10.12-15.Anih mah lokthuih let naah, pakhuhnawk to angzoh o, kroeklaek ai langkawknawk to angzoh o,
35 angmacae prae thung ih kahing aanqamnawk to caak pae o king moe, long ah kamprawk thingthai qumponawk doeh caak pae o boih.
36 EXO 12.29.Angmacae prae thungah kami ih athaih tangsuek ah kaom a calunawk to a hum pae boih.
37 EXO 12.33-36.Anih mah nihcae han sui hoi sumkanglung to phawsak; angmah ih acaengnawk thungah thacak ai kami maeto doeh om ai.
38 Izip kaminawk mah nihcae to zit pongah, nihcae amlaem o naah prae boih anghoe o.
39 EXO 13.21,22.Nihcae khuk hanah tamai to amzamsak, aqum ah aanghaih paek hanah hmai to a paek.
40 EXO 16.2-15.Kaminawk mah hnik o naah, kuikoem to a paek, van ih takaw hoiah nihcae to zok amhahsak.
41 EXO 17.1-7; NAM 20.2-13.Anih mah thlung to paongh moe, tui to tacawt; tui loe prae karoem ah vapui baktiah longh.
42 Anih loe a tamna Abraham khaeah paek ih, kaciim a lokkamhaih to panoek poe.
43 Anih mah angmah ih kaminawk to anghoehaih hoiah caeh haih, a qoih ih kaminawk to anghoehaih hoiah a zaeh,
44 Josh 11.16-23.Sithaw panoek ai kaminawk ih prae to nihcae hanah a paek; minawk mah sak tangcae ih prae to nihcae mah qawk ah toep o,
45 nihcae mah anih ih kaalok to pakuem o moe, a paek ih loknawk to pazui o thai hanah, to tiah a sak pae. Angraeng to saphaw oh!
105.9 Genesis 12.7; 17.8; Genesis 26.3.
105.10 Genesis 28.13.
105.14 Genesis 20.3-7.
105.16 Genesis 41.53-57.
105.17 Genesis 37.28; 45.5.
105.18 Genesis 39.20—40.23.
105.20 Genesis 41.14.
105.21 Genesis 41.39-41.
105.23 Genesis 46.6; Genesis 47.11.
105.24 EXO 1.7-14.
105.26 EXO 3.1—4.17.
105.28 EXO 10.21-23.
105.29 EXO 7.17-21.
105.30 EXO 8.1-6.
105.31 EXO 8.20-24; EXO 8.16,17.
105.32 EXO 9.22-25.
105.34 EXO 10.12-15.
105.36 EXO 12.29.
105.37 EXO 12.33-36.
105.39 EXO 13.21,22.
105.40 EXO 16.2-15.
105.41 EXO 17.1-7; NAM 20.2-13.
105.44 Josh 11.16-23.