53
Än ekewe aramas umwes me föföringau
53.1-6
(Kölf 14)
Ngeni ewe mi emweni chon köl: Ei köl usun ngingin ewe sokun köl mi mang. Echö än Tafit kölün kait.
1 Ekewe mi umwes ra ekieki lon leluker, “Esap wor Kot.”
Ir ra fokun ngau,
ra föri sokun föför mi anioput,
esap wor eman a föri mine a pwüng.
2 Kot a nennetiu seni läng won aramas meinisin,
pwe epwe küna ika a wor eman mi mirit,
ika eman mi kütta Kot.
3 Nge ir meinisin ra tokola,
ir meinisin ra ingauepök.
Esap wor eman a föri mine a pwüng,
esap fokun wor eman. ✡Rom 3.10-12
4 Ewe Samol mi Lapalap a ais,
“Ifa usun, esap wor än ekewe chon föföringau mirit?
Ir chokewe mi manau seni mine ra soläni seni nei aramas,
nge resap iotek ngeniei.”
5 Mürin a toriir niuokus watte,
eu niuokus watte esamwo toriir me mwan.
Pun Kot epwe atoropasafeili chün chokewe mi oput nöün aramas.
Chon Israel repwe fokun akufuur,
pun Kot a fen pöütirela.
6 Amwo eman epwe feito seni Sion
o amanaua chon Israel.
Ekewe chon Israel repwe fokun pwapwa,
lupwen Kot epwe aliwini ngeniir wöür.