128
A feiöch eman mi niuokusiti Kot
128.1-6
Echö kölün feitä.
Ra feiöch ir meinisin mi niuokusiti ewe Samol mi Lapalap,
chokewe mi aleasochisi an kewe allük.
 
Kopwe mongö uän angangen poum,
kopwe pwapwa o feiöch.
Pwülüom epwe wewe ngeni efoch irän wain mi fokun ua me lon imwom.
Noum kana repwe wewe ngeni fasaren ewe irä olif ünükün om chepel.
Iei usun feiöchün ewe mwän
mi niuokusiti ewe Samol mi Lapalap.
 
Ewe Samol mi Lapalap epwe afeiöchuk seni Sion.
Amwo kopwe küna feiöchün Jerusalem
lon ränin manauom meinisin.
Amwo kopwe küna nöün noum kana.
Kinamwe epwe nom won Israel.