1 Dja nau nkoch rnoi deh Sĭm, Hăm, ndrel ma Yaphet i kon Nôê nây nơh. Jêh dak lêng dak dơng i nây, khân păng pe nuyh i nây bă oh bă kon kơt nđa:

2 I kon bu klô Yaphet, khân păng geh rnha Kômơr*10:2: Lĕ nau ta nkoch yao dja lah mâu mbơh n'hêl lah bu ur, lĕ bunuyh nây jêng bu klô dadê., Makŭk, Mađai, Yavan, Tupal, Mêsêk, ndrel ma Tirah . Dâng lĕ i kon sau bơh kơi bơh kơi, khân păng sŏ dâng lĕ rnha i nây ma jêng rnha mpôl khân păng. 3 Jêh ri i kon bu klô Kômơr, khân păng geh rnha Ahkênah, Riphat, ndrel ma Tukarma. 4 I kon bu klô Yavan jât, khân păng geh rnha Êlisa, Tasơs, Kitim, ndrel ma Đôđanim. 5 Khân păng i nây i u che mpôl bunuyh êng êng gŭ rŏ dak văch dak văr. Khân păng nchah mpôl êng êng, tâng rnăk vâl, tâng nau ngơi, tâng dak khân păng nơm.

6 I kon bu klô Hăm jât, khân păng geh rnha Kuh, Êsip†10:6: «Êsip», mâu lah: «Misrem»., Put, ndrel ma Kanan. Dâng lĕ i kon sau bơh kơi bơh kơi, khân păng sŏ dâng lĕ rnha i nây ma jêng rnha mpôl khân păng. 7 I kon bu klô Kuh, khân păng geh rnha Chêpa, Havila, Sapta, Rama, ndrel ma Saptĭka. I kon bu klô Rama, păng geh rnha Sêƀa, ndrel ma Đêđan. 8 Jêh ri Kuh bă du huê kon jât geh rnha Nĭmrôt, păng i nây i bunuyh lor bu băl jêng kôranh mât uănh dăng ngăn ta neh ntu dja. 9 Păng jêng bunuyh bren dŭt ueh đŏng ta năp măt Brah Yêhôva, ndri dâng bu vay lah: «May bren dŭt ueh tâm ban ma Nĭmrôt ta năp măt Brah Yêhôva». 10 Ntơm nơh păng gŭ mât uănh ta ƀon Ƀapil, ƀon Êrêk, ƀon Akat, ndrel ma ƀon Kălnê, ta bri Sinơr. 11 Jêh bơh nây păng lôh hăn jât bri Asơr, tât ta bri Asơr ri păng jan ƀon Ninivê, ƀon Rêhupŭt, ƀon Kalah 12 ndrel ma ƀon Rêsen, ƀon i nây kuŏng ngăn vah vang ƀon Ninivê ma ƀon Kalah. 13 I kon sau Êsip‡10:13: «Êsip», mâu lah: «Misram». i ri jât jêng mpôl Luđim, mpôl Anamim, mpôl Lêhapim, mpôl Năpthuhim 14 mpôl Patrusim, mpôl Kahluhim, ndrel ma mpôl Kăpthorim, mpôl Kahluhim i nây jêng phung u che mpôl Phalihtin.

15 Jêh ri i Kanan i ri bă Siđôn kon dak bôk, jêh ri bă Hêt 16 ndrel ma mpôl Yêpusit, mpôl Amôri, mpôl Girkasit 17 mpôl Hivi, mpôl Ărkit, mpôl Sinit 18 mpôl Arvatit, mpôl Sêmarit, ndrel ma mpôl Hamathit. Jêh ri mpôl Kanan hăn gŭ ntŭk êng êng băl. 19 Bri dak khân păng, ntơm bơh ƀon Siđôn tât ma ƀon Kêrar i dăch ƀon Kasa, n'ho ma tât ƀon Sôđŭm, ƀon Kômôra, ƀon Atma, ndrel ma ƀon Sêpoyim, jêh ri n'ho ma tât a ƀon Lasa ri. 20 Ndri rnoi deh Hăm, păng gŭ tâng rnăk vâl, tâng nau ngơi, tâng bri, tâng dak khân păng nơm.

21 Jêh ri Sĭm i nô Yaphet ri păng bă oh bă kon đŏng. Păng i nây i u che mpôl Êƀer. 22 Kon păng geh rnha Êlam, Ahsơr, Arpasat, Lut, jêh ri Aram. 23 Aram bă Uh, bă Hul, bă Kêthơr, ndrel ma bă Mah. 24 Arpasat bă Sêlas, Sêlas bă Êƀer. 25 Êƀer bă kon bu klô bar hê, i nô rnha Phêlêk, rnha i nây rblang lah «Chah chrai băl», yorlah nôk nây bunuyh ta neh ntu dja gŭ chah chrai băl. I oh păng rnha Yŭkthan. 26 Yŭkthan bă Ălmôđat, bă Sêlêp, bă Hasarmavêt, bă Yêrah 27 bă Hađôram, bă Usal, bă Đĭkla 28 bă Ôpal, bă Apimael, bă Sêƀa 29 bă Ôphir, bă Havila, ndrel ma bă Yôƀap. Dâng lĕ khân păng i nây kon Yŭkthan dadê. 30 Bri dak khân păng gŭ rêh ntơm bơh bri Mêsa n'ho ma tât ntŭk yôk bri Sêphar i mpeh ma lôh nar nây. 31 I nây rnoi deh Sĭm, păng gŭ tâng rnăk vâl, tâng nau ngơi, tâng bri, tâng dak khân păng nơm.

32 Lĕ i nây nơh rnoi deh i kon Nôê pe nuyh, tâng rnoi deh tâng bri khân păng nơm. Jêh dak lêng dak dơng nây nơh, khân păng chah chrai kơt nây, dâng geh ma jêng lĕ bri dak êng êng ta neh ntu dja.