នាវកោរាញឞ្រាសងើយនាវតឹមរាង្លាប់មហែ ១ កោរិនតោ 14

នាវទ៝ង់នាវអីឞ្រាសហ្វេងអ្វែសអ៝ន់ទើមទាម

1 ញឆ្រោយ្សជ៝យអ៝ន់គែសនូយ្សនហ៝ម់រ៝ង់មាឞូ ជេសរីអុចនអើរកើញគែសនទើអេងៗអីឞ្រាសហ្វេងអ្វែសអ៝ន់ទើមទាម រាលាវឞើសនៃជឹតអ៝ន់នអើរកើញឞ្លាវនតើយ្សនាវងើយកោរាញឞ្រាស។* 2 ឞូម៝សអីងើយនាវងើយអេងៗអីតាៈឞើសឞ្រាសហ្វេងអ្វែស ពាង់អីនៃងើយមាកោរាញឞ្រាសទើម មោអោសងើយមាឞូនុយ្ស យ៝រលាសមោគែសអោសឞូនុយ្សគឹតវ៝ត់នាវពាង់ងើយនៃ ឞ្រាសហ្វេងអ្វែសឆើមអ៝ន់ពាង់ងើយនាវអីឞូនុយ្សមោគឹត។ 3 យើនមាឞូម៝សអីឞ្លាវនតើយ្សនាវងើយកោរាញឞ្រាស ពាង់អីនៃងើយមាឞូនុយ្ស គៃមាតឹមកើលរាទ៝ក់ញជេង គៃមាញឆុកញឆោរ គៃមាឞ៝ញលែងឞូ។ 4 ឞូម៝សអីងើយនាវងើយអេងៗអីនៃ ពាង់អីនៃរាទ៝ក់ញជេងអេងពាង់នើមទើម យើនមាឞូម៝សអីនតើយ្សនាវងើយកោរាញឞ្រាស ពាង់អីនៃរាទ៝ក់ញជេងទឹងលែៈផូងអីញឆីងមាឞ្រាសក្រីស ។ 5 គ៝ប់អុចទឹងលែៈខាន់អៃមៃឞ្លាវងើយនាវងើយអេងៗអីនៃ យើនមាអីរាលាវឞើសនៃជឹតគ៝ប់អុចខាន់អៃមៃឞ្លាវនតើយ្សនាវងើយកោរាញឞ្រាស។ ឞូម៝សអីនតើយ្សនាវងើយកោរាញឞ្រាសក្វ៝ង់រាលាវមាឞូនុយ្សអីងើយនាវងើយអេងៗអីនៃជឹត យើនមាលាសគែសទូហ្វេឞូនុយ្សអីឞ្លាវរាឞ្លាងនាវងើយអេងៗអីនៃ លាសនទ្រីពាង់អីងើយនាវងើយអេងៗអីនៃក្វ៝ង់តឹមឞាន យ៝រមាកើលរាទ៝ក់ញជេងមាទឹងលែៈផូងញឆីងដ៝ង់។*

6 អើអ៝សនោតានាវញឆីង លាសគ៝ប់ហាន់អាខាន់អៃមៃ ជេសរីគ៝ប់ងើយនាវងើយអេងៗអីនៃ អើមគែសនាវខ្លៃមាខាន់អៃមៃបាស? យើនមាលាសគ៝ប់មឞើសងក៝ចមានាវតឹមមពើលអីកោរាញឞ្រាសលែៈអ៝ន់មាគ៝ប់ មោលាសមឞើសងក៝ចនទើអីគឹតវ៝ត់ មោលាសនតើយ្សនាវងើយកោរាញឞ្រាស មោលាសនតុមនតីខាន់អៃមៃ អីនៃអីគែសនាវខ្លៃមាខាន់អៃមៃ។ 7 ទឹងលែៈនទើឞូងក្រេសនទើឞូអោសអីមោអោសគែសនាវរេសហោមគែសនតែសទាទេ យើនមាលាសនទើអីនៃមោអោសនតែសនហេល មើមទឹងឞូទើយគឹតនាល់លាសអ្យាម៝សនតីលនាវនតែស។ 8 តឹមឞាននោកឞូតឹមលើស នុងអីនតែសឞូអោសគៃមាដាៈនាវមាផូងតាហែន យើនមាលាសនុងអីនៃនតែសមោនហេល មើមទឹងឞូគឹតមាដាៈនទ្រាប់តឹមលើស? 9 នាវខាន់អៃមៃងើយតឹមឞានកើតនៃដ៝ង់។ លាសខាន់អៃមៃងើយនាវងើយអេងៗអីនៃ យើនមាលាសមោរាឞ្លាងអ៝ន់ឞូវ៝ត់នាវខ្លៃ មើមទឹងឞូគឹតវ៝ត់នាវខាន់អៃមៃងើយអីនៃ? លាសនទ្រីនាវអីខាន់អៃមៃងើយអីនៃជេងមោគែសនាវខ្លៃ។ 10 តានែសនតូអ្យាគែសអ៝ក់នតីលនាវងើយ ជេសរីទឹងលែៈនាវងើយអីនៃគែសនាវខ្លៃទាទេមាឞូនុយ្សអីគឹតវ៝ត់។ 11 លាសគ៝ប់មោគឹតវ៝ត់ទូនាវងើយ គ៝ប់ជេងឞូនាច់ឞ្រីអេងមាឞូនុយ្សអីនៃ ជេសរីពាង់អីងើយដាសគ៝ប់នៃជេងឞូនាច់ឞ្រីអេងដាសគ៝ប់ដ៝ង់។ 12 ខាន់អៃមៃកើតនៃដ៝ង់។ ខាន់អៃមៃលែៈនអើរកើញគែសនាវអេងៗអីឞ្រាសហ្វេងអ្វែសអ៝ន់ទើមទាមអីនៃ លាសនទ្រីអ៝ន់ខាន់អៃមៃញឆ្រោយ្សជ៝យទោ គៃមារាទ៝ក់ញជេងផូងញឆីង។*

13 កើតនទ្រីទឹងឞូម៝សអីងើយនាវងើយអេងៗអីនៃ អ៝ន់ពាង់អីនៃមឞើសឆើមទាន់អ៝ន់ឞ្លាវរាឞ្លាងនាវអីនៃដ៝ង់។ 14 លាសគ៝ប់មឞើសឆើមងើយមានាវងើយអេងៗអីនៃ នាវអីនៃនូយ្សនហ៝ម់គ៝ប់ទើមមឞើសឆើម យើនមានាវមឹនគ៝ប់គុទើមមោអោសគែសងក្ល៝ន់។ 15 លាសនទ្រីមើមគ៝ប់ជាន? គ៝ប់មឞើសឆើមតានាវងើយអេងៗអីនៃតាៈឞើសនូយ្សនហ៝ម់គ៝ប់នើម ជេសរីគ៝ប់ក៝ៈមឞើសឆើមទ៝ង់នាវមឹនគ៝ប់នើមដ៝ង់។ គ៝ប់មព្រើតានាវងើយអេងៗអីនៃតាៈឞើសនូយ្សនហ៝ម់គ៝ប់នើម ជេសរីគ៝ប់ក៝ៈមព្រើតាៈឞើសនាវមឹនគ៝ប់នើមដ៝ង់។ 16 លាសខាន់អៃមៃរានេកោរាញឞ្រាសតានាវងើយអេងៗអីនៃតាៈឞើសនូយ្សនហ៝ម់ខាន់អៃមៃនើមទើម លាសនទ្រីឞូនុយ្សអីគុអ្យាត់តានៃមោអោសគឹតវ៝ត់នាវអីនៃមើមឞ្លាវលាស៖ “នាវអីនៃទីងាន់*” មានាវខាន់អៃមៃងើយលាសអ្វែសកោរាញឞ្រាស អោឞាល់មោវ៝ត់អោសនាវអីខាន់អៃមៃលាសនៃ! 17 ក្លាប់លាសខាន់អៃមៃលាសអ្វែសមាកោរាញឞ្រាសកើតនៃលែៈទុតអ្វែសងាន់ តីសមាខាន់អៃមៃមោគែសអោសរាទ៝ក់ញជេងឞូនុយ្សអីគុអ្យាត់តានៃ។ 18 គ៝ប់លាសអ្វែសកោរាញឞ្រាស យ៝រលាសគ៝ប់ងើយនាវងើយអេងៗអីនៃជ៝ៈរាលាវមាទឹងលែៈខាន់អៃមៃជឹត។ 19 យើនមាតានោករាបុនគ៝ប់អុចរាលាវងើយតាព្រាម់ត៝ងទើមអីនាវងើយឞូលែៈគឹតវ៝ត់ គៃមានតុមនតីឞូនុយ្សអីគុរាបុនតានៃ ដាសមាងើយនាវងើយអេងៗអីនៃ ១០០០០ ត៝ងអីមោគែសអោសទូហ្វេឞូនុយ្សគឹតវ៝ត់។

20 អើអ៝សនោតានាវញឆីង ខាន់អៃមៃលើយអោសជេងតឹមឞានមាក៝នឆែតានាវមឹន។ តីសមាតានាវជានអ្យើសហ៝ៈអ៝ន់ខាន់អៃមៃជេងតឹមឞានមាអ៝សឞេអីមោហ៝ៈឞ្លាវជានអ្យើស យើនមាតានាវមឹនអ៝ន់ខាន់អៃមៃជេងតឹមឞានមាឞូនុយ្សលែៈក្វ៝ង់។* 21 តានាវកោរាញឞ្រាសងើយលែៈគែសញចីសលាស៖ “កោរាញឞ្រាសលាស៖

«គ៝ប់មរាញជ្វាល់ផូងអីងើយនាវងើយអេងៗ‌

ផូងឞូនុយ្សឞ្រីអេង អីផូងប៝នលានអីអ្យាមោគឹតនាល់‌

គៃមាមឞើសងក៝ចនាវមាខាន់ពាង់‌

យើនមាឞ៝លលាសកើតនៃកាដោយ ហោមអែខាន់ពាង់មោអ្យាត់គ៝ប់ដ៝ង់»†”។

22 នទ្រីទឹងងើយនាវងើយអេងៗអីនៃអីឞ្រាសហ្វេងអ្វែសអ៝ន់ ជេងនទើមឞេនមាផូងអីមោញឆីងទើម គៃមាខាន់ពាង់ឆៃឞ្រាសហ្វេងអ្វែសគុតាឞ៝ន់ មោអោសទីនទើមឞេនមាផូងអីលែៈញឆីង។ ជេសរីនាវនតើយ្សនាវងើយកោរាញឞ្រាស ជេងនទើគែសនាវខ្លៃមាផូងអីលែៈញឆីង មោអោសទីមាផូងអីមោញឆីង។ 23 នោកខាន់អៃមៃគុរាបុន លាសទឹងលែៈឞូនុយ្សគុរាបុនតានៃមឞើសងើយនាវងើយអេងៗអីនៃទាទេ ជេសរីលាសគែសឞូនាច់មោអោសគឹតវ៝ត់នាវអីនៃមានមាហាន់លាប់រាបុន មោលាសគែសឞូនុយ្សអីមោញឆីងហាន់លាប់រាបុនតានៃដ៝ង់ គឹតលាសខាន់ពាង់លាសខាន់អៃមៃឞូនុយ្សត្រើយរ៝!* 24 យើនមាលាសទឹងលែៈខាន់អៃមៃនតើយ្សនាវងើយកោរាញឞ្រាសទាទេ ជេសរីគែសឞូនុយ្សអីមោញឆីង មោលាសឞូនាច់អីមោគឹតវ៝ត់នាវអីនៃហាន់តានៃដ៝ង់ លាសនទ្រីខាន់ពាង់មរាគឹតវ៝ត់ឆាក់ខាន់ពាង់នើមជេងឞូនុយ្សតីសអីកោរាញឞ្រាសមរាតេៈទោយ្សតានារជឹតនាប់តៃ។ 25 នោកនៃនទើអីពោននទ៝ប់តានូយ្សនហ៝ម់ខាន់ពាង់នើមរី មរាញហើអ៝ន់ឞូឆៃរ៝ ជេសរីខាន់ពាង់មរាពាន់ក្រាបអានែស យើកមឞាសកោរាញឞ្រាសនហ៝មាលាស៖ “គែសកោរាញឞ្រាសគុនទ្រែលខាន់អៃមៃងាន់!”

នាវវៃតានោកគុរាបុន

26 អើអ៝សនោតានាវញឆីង នោកខាន់អៃមៃគុរាបុន ឞូនុយ្សអាបាៈមាមព្រើរានេ ឞូនុយ្សអាបាៈមានតុមនតី ឞូនុយ្សអាបាៈមាមឞើសងក៝ចមានាវតឹមមពើលតាៈឞើសកោរាញឞ្រាស ឞូនុយ្សអាបាៈមាងើយនាវងើយអេងៗអីនៃ ឞូនុយ្សអាបាៈជឹតមារាឞ្លាងនាវងើយអីនៃ។ អ្យាត់មាទឹងលែៈនទើជានអីនៃជានគៃមារាទ៝ក់ញជេងផូងអីញឆីង។* 27 លាសគែសឞូនុយ្សងើយនាវងើយអេងៗអីនៃ ទុតអ៝ក់អ៝ន់គែសឞារពែនុយ្សហ៝ៈងើយ ទូហ្វេទូតឹទូហ្វេទូតឹ ជេសរីអ៝ន់គែសឞូនុយ្សមានាក់រាឞ្លាងនាវងើយអីនៃដ៝ង់។ 28 តានោករាបុន លាសមោគែសអោសឞូនុយ្សមានាក់រាឞ្លាងនាវងើយអីនៃ ឞូនុយ្សអីឞ្លាវនាវងើយអេងៗអីនៃអ៝ន់គុរាក់ក្លាក់ហ៝ៈ អ៝ន់ខាន់ពាង់ងើយកើតនៃងើយអេងតានូយ្សនហ៝ម់ខាន់ពាង់នើម នទ្រែលមាងើយដាសកោរាញឞ្រាសហ៝ៈ។ 29 មពោលឞូនុយ្សនតើយ្សនាវងើយកោរាញឞ្រាស អ៝ន់ឞារពែនុយ្សហ៝ៈមឞើសងក៝ច ជេសរីផូងញឆីងមាគុមេតអ្វាញ់ហ៝ៈ។* 30 លាសគែសទូហ្វេឞូនុយ្សជឹតអីគុរាគើបតានៃ គែសនាវតឹមមពើលតាៈឞើសកោរាញឞ្រាស លាសនទ្រីអ៝ន់ឞូនុយ្សអីទោលងើយនៃរាលូប៝ត់‌ 31 យ៝រលាសទឹងលែៈខាន់អៃមៃអីឞ្លាវនតើយ្សនាវងើយកោរាញឞ្រាសទើយងើយទាទេ យើនមាអ៝ន់ងើយទូហ្វេទូតឹទូហ្វេទូតឹ គៃមាទឹងលែៈឞាល់គែសនាវនតុមនតី នទ្រែលមាគែសរាទ៝ក់ញជេងទាទេ។ 32 ឞូនុយ្សនតើយ្សនាវងើយកោរាញឞ្រាស លាសគែសនាវមាងើយ ពាង់ហោមឞ្លាវមាងើយ មោលាសមោងើយ ទុតតាពាង់នើមទើម‌ 33 យ៝រលាសកោរាញឞ្រាសមោអុចអោសនាវអុសអាស ពាង់អុចមានាវដាប់មពាន់។

ទឹងលែៈផូងប៝នលានកោរាញឞ្រាសតាអាប់នតុក តានោកគុរាបុន‌ 34 អ៝ន់ឞូអូរគុអ្យាត់ឆាក់រាក់ក្លាក់។ អ៝ន់ខាន់អៃមៃជានកើតនៃដ៝ង់ មោទីអោសអ៝ន់ឞូអូរងើយតានោករាបុននៃ អ៝ន់ខាន់ពាង់គុអ្យាត់ឞូហ៝ៈ កើតមាលែៈគែសញចីសជេសតានាវវៃមោឆេ ។* 35 លាសខាន់ពាង់អុចគឹតទូនតីលនាវ អ៝ន់អោបអេងអីឆាយខាន់ពាង់នើមអាជៃ យ៝រលាសមោអោសទីមាឞូអូរងើយតានោករាបុន។

36 អើមនាវកោរាញឞ្រាសនតើមទូលោសឞើសខាន់អៃមៃលាស? អើមនាវពាង់ត៝ត់តាខាន់អៃមៃទើមលាស? 37 លាសគែសទូហ្វេឞូនុយ្សលាសអេងឆាក់ពាង់នើមអីឞូនុយ្សនតើយ្សនាវងើយកោរាញឞ្រាស មោលាសឞូនុយ្សអីលែៈគឹតវ៝ត់នទើអីគែសខ្លៃតាកោរាញឞ្រាស អ៝ន់ពាង់អីនៃឆ៝ៈទើននាវអីគ៝ប់ញចីសនៃ នាវអីនៃជេងនាវដាៈតាៈឞើសកោរាញឞ្រាសងាន់។* 38 លាសឞូម៝សអីមោឆ៝ៈទើននាវអីគ៝ប់ញចីសអ្យា កោរាញឞ្រាស†ក៝ៈមោរ៝មពាង់អីនៃដ៝ង់។ 39 អើអ៝សនោតានាវញឆីង នអើរកើញហ៝ម់នតើយ្សនាវងើយកោរាញឞ្រាស ជេសរីលើយអោសឞ្វៃមោអ៝ន់ឞូងើយនាវងើយអេងៗអីនៃ។ 40 យើនមាទឹងលែៈនទើជាន អ្យាត់មាជានអ៝ន់តឹមទី នទ្រែលមាមោអោសគែសនាវអុសអាស។

*14:1 ១៤:១៖ ១កោ ១២:៤-១១; ២យហ ១:៥-៦

*14:5 ១៤:៥៖ ១កោ ១៤:២៧-២៨

*14:12 ១៤:១២៖ ១កោ ១០:២៣-២៤; ១៤:២៦

*14:16 ១៤:១៦៖ «នាវអីនៃទីងាន់» មោលាស «អាមែន »។

*14:20 ១៤:២០៖ អេផ ៤:១៣-១៤

†14:21 ១៤:២១៖ អេឆា ២៨:១១-១២

*14:23 ១៤:២៣៖ ការ ២:១៣

*14:26 ១៤:២៦៖ ១កោ ១០:២៣-២៤; ១៤:១២

*14:29 ១៤:២៩៖ ១តេ ៥:១៩-២១

*14:34 ១៤:៣៤-៣៥៖ ១កោ ១១:៥, ១៣; ១តម ២:១១-១២

*14:37 ១៤:៣៧៖ ១យហ ៤:៦

†14:38 ១៤:៣៨៖ «កោរាញឞ្រាស» មោលាស «ឞូ»។