នាវកោរាញឞ្រាសងើយតានាវងើយឞូន៝ង ១ ពេត្រោស ៤

៤

នាវរេសមហែគុតាឞ្រាសក្រីស

១ យ៝រលាសឞ្រាសក្រីស លែៈទើនជេសនាវជេរជ៝ត់តាឆាក់ជាន់ពាង់នើមនើស លាសនទ្រីអ៝ន់ខាន់អៃមៃនទ្រាប់ឆាក់ឆ៝ៈទើននាវឞូជានជេរជ៝ត់តឹមឞានមាពាង់ដ៝ង់។ ឞូម៝សអីឆ៝ៈទើននាវជេរជ៝ត់តាឆាក់ជាន់យ៝រមាឞ្រាសក្រីស ពាង់អីនៃមោហោមអោសអុចជានតីសជឹត។* ២ លាសនទ្រីពាង់អីនៃមោហោមអោសគុរេសតឹងនាវកើញអ្យើសតានូយ្សនហ៝ម់ យើនមាគុរេសតឹងនាវកោរាញឞ្រាសអុចទើម នហ៝មាត៝ត់ខឹត។* ៣ ឞើសនតើមនើសលែៈជ៝ៈជេសខាន់អៃមៃគុងាវជានតឹងឞូនុយ្សអីមោគឹតនាល់កោរាញឞ្រាស តឹមទ៝ង់ ជានតឹងនាវកើញអ្យើសតានូយ្សនហ៝ម់ ញេតឆោងញុលឞ្លឹកឞ្លែក នទ្រែលមាយើកមឞាសមារូបឞ្រាសជេងនទើបឹបើច។ ៤ ឞូមោវ៝ត់អោស ឆៃខាន់អៃមៃមោហោមលាប់នទ្រែលខាន់ពាង់ជានតៃនទើអ្យើសអីទុតអ៝ក់ទុតហោនៃជឹត នទ្រីទឹងខាន់ពាង់ងើយមឺចខាន់អៃមៃ។ ៥ យើនមាខាន់ពាង់អីនៃមរាមឞើសងក៝ចតានាប់មាត់កោរាញឞ្រាសនទើអីខាន់ពាង់នើមលែៈជាននៃនើស។ កោរាញឞ្រាសលែៈជេសនទ្រាប់គៃមាផាតទោយ្សទឹងលែៈឞូនុយ្ស នអ៝ប់មាឞូនុយ្សហោមរេស នអ៝ប់មាឞូនុយ្សអីលែៈខឹត។* ៦ យ៝រមានាវផាតទោយ្សអីនៃ ឞូមឞើសងក៝ចដ៝ង់នាវមហែមហានអ្វែសមាឞូនុយ្សអីអាបៃអ្យាលែៈខឹតជេស គៃមាខាន់ពាង់គុរេសនទ្រែលកោរាញឞ្រាសនហ៝រ៝ ឞ៝លលាសឆាក់ជាន់ខាន់ពាង់លែៈខឹតតឹមឞានមាទឹងលែៈឞូនុយ្សអេងកាដោយ។*

នាវគុរេសតាឞ្រាសក្រីស

៧ នារងគ្លែៈទុតនែសនតូអ្យាលែៈឞើយមាត៝ត់ជេស លាសនទ្រីអ៝ន់ខាន់អៃមៃគែសនូយ្សនហ៝ម់នាវមឹនន៝ប់រាក៝ក់ ញជ្រាង់ឆាក់គុទីកែស គៃមាឞ្លាវមឞើសឆើម។* ៨ នាវអីខ្លៃរាលាវឞូអ៝ន់ខាន់អៃមៃតឹមរ៝ង់នទ្រាង់ខាន់អៃមៃនើមអ៝ន់ទុតហោងាន់ យ៝រលាសនាវរ៝ង់ងគ្រ៝សលើយនាវតីសអ៝ក់រ៝ក់ងាន់។* ៩ អ៝ន់ឞ្លាវតឹមរ៝មនទ្រាង់ខាន់អៃមៃនើមតាញីសជៃខាន់អៃមៃមាyនូយ្សនហ៝ម់រាសរើច លើយអោសអ៝ក់ឞ៝រ់ញជ៝រ់ឆេក។* ១០ អាប់នើមខាន់អៃមៃលែៈគែសជេសនទើកោរាញឞ្រាសអ៝ន់ទើមទាម គែសនទើអេងៗឞាល់ លាសនទ្រីអ៝ន់ខាន់អៃមៃឞ្លាវទ៝ង់នទើអីនៃគៃមាតឹមកើលជានការនទ្រាង់ខាន់អៃមៃនើម ជេងឞូនុយ្សឆើមកើលជានការរាប់ជាប់មាកោរាញឞ្រាស។* ១១ ឞូម៝សអីមឞើសងក៝ច អ៝ន់ពាង់មឞើសងក៝ចតឹមឞានមាមឞើសងក៝ចនាវងើយកោរាញឞ្រាស។ ឞូម៝សអីឆើមកើលជានការអ៝ន់ឞូ អ៝ន់ពាង់ឆើមកើលជានការមាលែៈនហ៝ម់ឆ្វានអីកោរាញឞ្រាសអ៝ន់ គៃមាទឹងលែៈនទើជានអ៝ន់ឞូរានេនាវច្រេកលើបកោរាញឞ្រាសនើមតាៈឞើសនទើឞ្រាសយេឆូក្រីស លែៈជាន។ អ៝ន់រានេនាវច្រេកលើបពាង់ នទ្រែលមានាវទើយពាង់បាបើនហ៝រ៝! អើអ៝ន់គែសកើតនៃងាន់រ៝*។

នាវជេរជ៝ត់ផូងញឆីងមាឞ្រាសក្រីស

១២ អើអ៝សនោតានាវញឆីងអីគ៝ប់រ៝ង់ ខាន់អៃមៃលើយអោសនទ្រ៝ត់ហីសរាហ៝ល់នាវឞូជានជេរជ៝ត់អីទុតហោអីគែសតាខាន់អៃមៃនៃ ជេងនទើអីរាល៝ងខាន់អៃមៃ។ ទឹងលែៈផូងញឆីងមាឞ្រាសក្រីស គែសនាវជេរជ៝ត់។* ១៣ លាសនទ្រីអ៝ន់ខាន់អៃមៃរាម់មអាកទោ យ៝រលាសខាន់អៃមៃលែៈគែសជេសនាវជេរជ៝ត់នទ្រែលឞ្រាសក្រីស អាបៃអ្យា។ លាសនទ្រីខាន់អៃមៃមរារាម់មអាកទុតហោងាន់ដ៝ង់តានោកពាង់ព្លឹវាច់ញហើនាវច្រេកលើបពាង់នើម។ ១៤ លាសគែសឞូរាកឆ្វាយខាន់អៃមៃយ៝រមាខាន់អៃមៃញឆីងមាឞ្រាសក្រីស ខាន់អៃមៃលែៈគែសនាវអ្វែសមអាកងាន់ យ៝រលាសឞ្រាសហ្វេងអ្វែសអីគែសនាវច្រេកលើប ជេងឞ្រាសហ្វេងអ្វែសកោរាញឞ្រាសនើមលែៈគុជេសតាខាន់អៃមៃ។ ១៥ តាផូងខាន់អៃមៃលើយអោសគែសទូហ្វេឞូនុយ្សទើននាវជេរជ៝ត់យ៝រមាងខឹតឞូ នតុងឞូ ជាននទើអ្យើស មោលាសជានអេគឹតហែមានាវឞូអេង។ ១៦ យើនមាលាសខាន់អៃមៃទើននាវជេរជ៝ត់យ៝រមាញឆីងមាឞ្រាសក្រីស លើយអោសដីតព្រេងមានាវអីនៃ យើនមារានេនាវច្រេកលើបកោរាញឞ្រាសយ៝រលាសខាន់អៃមៃលែៈជេងប៝នលានឞ្រាសក្រីស ។ ១៧ ម៝ងកោរាញឞ្រាសផាតទោយ្សទឹងលែៈឞូនុយ្សតានែសនតូឞើយត៝ត់ជេស ពាង់ផាតទោយ្សផូងប៝នលានពាង់នើមល៝រឞូ។ លាសពាង់នតើមផាតទោយ្សឞ៝ន់ល៝រ លាសនទ្រីល៝ង់ផូងអីមោញឆីងមានាវមហែមហានអ្វែសកោរាញឞ្រាស ប៝ន់លើហោមានៃបាស!*

១៨ «លាសឞូនុយ្សអីឆ៝ង់លែៈគែសនាវជេរទឹងគែសនាវរាក្លាយ្ស‌

លាសនទ្រីល៝ង់ឞូនុយ្សអ្យើស ឞូនុយ្សអីជានតីស ប៝ន់លើហោមានៃបាសមរាគែសនាវជេរ!»†

១៩ លាសនទ្រីឞូម៝សអីគែសនាវឞូជានជេរជ៝ត់តឹងនូយ្សនហ៝ម់កោរាញឞ្រាសអុច អ៝ន់ឞូនុយ្សអីនៃហោមជានអ្វែសទោ ជេសរីញឆីងមាកោរាញឞ្រាសអីនាក់ញជេងខាន់ពាង់នើមហ៝ៈ ពាង់រាប់ជាប់។*

*៤:១ ៤:១៖ ១ពេ ១:៦; ២តម ៣:១២

*៤:២ ៤:២-៤៖ ១កោ ៦:១១; តត ៣:៣-៦

*៤:៥ ៤:៥៖ ២កោ ៥:១០

*៤:៦ ៤:៦៖ ១ពេ ៣:១៩

*៤:៧ ៤:៧៖ អេផ ៥:២០; ផល ៤:៦; កោល ៤:២; ១តេ ៥:១៧

*៤:៨ ៤:៨៖ នហ ១០:១២; រម ១២:១០

*៤:៩ ៤:៩៖ រម ១២:១៣; ១តម ៣:២; តត ១:៨; ៣យហ ១:៥-៨; ហេឞ ១៣:២

*៤:១០ ៤:១០-១១៖ រម ១២:៤-៨; ១កោ ១២:១២-៣១; អេផ ៤:១១-១៣

*៤:១១ ៤:១១៖ «អើអ៝ន់គែសកើតនៃងាន់រ៝» មោលាស «អាមែន »។

*៤:១២ ៤:១២-១៦៖ ១ពេ ១:៦; ២:២០-២១; ៣:១៤; ការ ៥:៤០-៤១; ផល ១:២៩; ២តម ៣:១២

*៤:១៧ ៤:១៧-១៨៖ ២កោ ៥:១០; ២តេ ១:៨-១០

†៤:១៨ ៤:១៨៖ នហ ១១:៣១

*៤:១៩ ៤:១៩៖ អេផ ២:១០