5
នតីនាវម៝ត់ផូងញឆីង
1 លើយអោសលាសឞូក្លោរាញ យើនមាអ៝ន់នតុមនតីពាង់តឹមឞានមាឞឹហ៝ៈ ជេសរីផូងនទាម់កើបតឹមឞានមាអ៝សនោ។*៥:១៖ កល ១៩:៣២; តត ២:២ 2 ផូងឞូអូររាញកើបតឹមឞានមាមេៈហ៝ៈ ជេសរីផូងឞូអូរទ្រោសកើបតឹមឞានមាអ៝សរោសមៃនើមហ៝ៈ នហ៝មាញជ្រាង់ឆាក់អ៝ន់នូយ្សនហ៝ម់មៃមឹនមាខាន់ពាង់អ៝ន់ទុតអ្វែស។ 3 អ៝ន់កើលមាឞូអូរនទ្រោលែៈខឹតឆាយ អីមោហោមគែសនតុកញឆីងងាន់។*៥:៣៖ យាក ១:២៧ 4 យើនមាលាសឞូអូរនទ្រោលែៈខឹតឆាយអីគែសក៝ន គែសឆៅ លាសនទ្រីអ៝ន់ក៝នឆៅអីនៃនតីឞ្លាវកើលមារានាក់វ៝ល់ខាន់ពាង់នើម នទ្រែលមាឞ្លាវព្លើងម៝ត់មេៈឞឹខាន់ពាង់នើម។ នាវអីនៃខ្លៃទុតហោងាន់។ ជានកើតនៃកោរាញឞ្រាសរាម់។*៥:៤៖ ១តម ៥:១៦ 5 ឞូម៝សឞូអូរនទ្រោលែៈខឹតឆាយមោហោមគែសនតុកញឆីងងាន់ គុរេសទូហ្វេអេងទើម លាសនទ្រីអ៝ន់ញឆីងមាកោរាញឞ្រាស ជេសរីមាង់នារអ៝ន់ពាង់ញឆ្រោយ្សមឞើសឆើម ទាន់កោរាញឞ្រាសកើល។*៥:៥៖ លក ២:៣៧ 6 យើនមាលាសឞូអូរនទ្រោលែៈខឹតឆាយហោមអែពើសមារ៝ង់មារាង្លៃឆាក់អុច នទ្រីពាង់ជេងតឹមឞានមាឞូនុយ្សលែៈខឹតជេស ឞ៝លលាសហោមរេសកាដោយ។ 7 នាវអីនៃអ៝ន់មៃដាៈមាផូងញឆីង*៥:៧៖ មោលាស «មាផូងឞូអូរនទ្រោលែៈខឹតឆាយ»។ គៃមាឞូមោគែសអោសនាវងើយអ្យើសមាផូងញឆីង។ 8 លាសឞូម៝សអីមោអ្វាញ់គែសអោសមានទុលមពោលពាង់នើម រាលាវមានៃជឹតមោអ្វាញ់គែសមារានាក់វ៝ល់ពាង់នើម នើមអីនៃលែៈមអារ់នាវញឆីងជេស ជេសរីពាង់អីនៃអ្យើសរាលាវមាឞូនុយ្សអីមោញឆីងមាឞ្រាសយេឆូ ជឹត។*៥:៨៖ តត ១:១៦; នង ២០:១២
9 ល៝ង់ឆ៝ម់បុតឞូញចីសឆាក់មាអ៝ន់ព្រាក់ផូងឞូអូរនទ្រោលែៈខឹតឆាយ អ៝ន់មៃញចីសឆាក់ឞូអូរនទ្រោលាសលែៈត៝ត់ ៦០ នាម់ លាសពាង់មោអោសវៃជ៝យឞូក្លោអេងជឹតនោកឆាយពាង់ហោមរេសនើស†៥:៩៖ «មោអោសវៃជ៝យឞូក្លោអេងជឹតនោកឆាយពាង់ហោមរេសនើស» មោលាស «គែសតឹមនអាប់ទូតឹទើម»។‡៥:៩៖ តាៈឞើសត្រ៝ងអ្យាឞ៝ន់គឹតតារានោកពោល គែសផូងញឆីងមាឞ្រាសយេឆូក្រីស អ៝ក់ឞូញចីសឆាក់ឞូអូរនទ្រោកើតនអាគៃមាកើលព្រាក់អ៝ន់មាខាន់ពាង់។ 10 នទ្រែលមាលាសលែៈគែសឞូងក៝ចនាវអ្វែសនទើពាង់ជាន លែៈគែសនតុមនតីអ៝សក៝ន លែៈគែសវើតរ៝មផូងឞូនាច់តាជៃពាង់នើម លែៈគែសកើលជានការផូងញឆីងមាឞ្រាសយេឆូក្រីស §៥:១០៖ តានាវងើយគ្រែក លាស៖ «លែៈគែសរាវជ៝ង់អ៝ន់មាផូងក្ល៝សអ្វែស»។ លែៈគែសកើលមាឞូនុយ្សអីគុតានាវរេសរាញាល់ លែៈញឆ្រោយ្សជានទឹងលែៈនទើអ្វែស។ នទ្រីមៃញចីសឆាក់ឞូអូរនទ្រោអីនៃ។*៥:១០៖ ១ពេ ៤:៩
11 លាសគែសឞូអូរនទ្រោលែៈខឹតឆាយហោមអែក៝នឆែ លើយអោសញចីសឆាក់ពាង់តាឆ៝ម់បុតអីនៃ ក្លាចលាសឞើសកើយនៃពាង់អុចឆ៝ៈឆាយជឹត មោហោមអុចកើលជានការមាឞ្រាសក្រីស 12 កើតអីពាង់លែៈជេសត៝ននើស ជេសរីលាសពាង់ឆ៝ៈឆាយងាន់កើតនអា ពាង់គែសទោយ្ស។*៥:១២៖ តាអ្យាឞូគឹតលាសនោកឞូញចីសឆាក់រាញាឞូអូរអីនៃ ខាន់ពាង់ត៝នលាសមោហោមឆ៝ៈឆាយ កើលជានការតាផូងញឆីងមាឞ្រាសយេឆូក្រីស ។ យើនមាឞ៝ន់អាបៃអ្យាមោគឹតនហេលអោសមានទើអីនៃ។ 13 ង្វាយជឹតឞូអូរអីនៃគុទើម ឞ្រោៈព៝ល់អាប់ញីសរោងមពោងនាក់ទើម មោអោសទើនមាមោជានការទើម គែសនអ៝ប់មាង្វាញ់មឞូង ងើយបោចបោរ នទ្រែលមាងើយនទើអីមោទីមាងើយដ៝ង់។*៥:១៣៖ ២តេ ៣:១១; យាក ១:២៦ 14 លាសនទ្រីគ៝ប់អុចអ៝ន់ឞូអូរនទ្រោខឹតឆាយអីហោមក៝នឆែ អ៝ន់ពាង់ឆ៝ៈតៃឆាយ គែសអ៝សគែសក៝ន ម៝ត់ញីសជៃពាង់នើម គៃមាលើយអោសអ៝ន់ផូងអីតឹមរាទ៝ង់មាឞ៝ន់គែសងើយនាវអ្យើសមាឞ៝ន់*៥:១៤៖ ១តម ២:១៥ 15 យ៝រលាសលែៈគែសឞូអូរនទ្រោអីនៃអាបាៈលែៈនទោនកើយ ជេសរីតឹងឆាតាង់ អីកោរាញមពោលឞ្រាសអ្យើស។ 16 លាសទូហ្វេឞូអូរ[មោលាសទូហ្វេឞូក្លោ]អីញឆីងមាឞ្រាសក្រីស ជេសរីលាសគែសឞូអូរនទ្រោលែៈខឹតឆាយអាបាៈតានទុលមពោលពាង់ លាសនទ្រីអ៝ន់ពាង់កើលម៝ត់ឆ្យាម់មាឞូអូរនទ្រោអីនៃ លើយអោសអ៝ន់ផូងញឆីងមាឞ្រាសយេឆូក្រីស ជេរម៝ត់ឆ្យាម់។ លាសជានកើតនទ្រីផូងញឆីងមាឞ្រាសយេឆូក្រីស ហោមគែសកើលម៝ត់ឆ្យាម់មាឞូអូរនទ្រោខឹតឆាយអីមោហោមគែសឞូនុយ្សមាញឆីងងាន់។*៥:១៦៖ ១តម ៥:៣-៤
17 ផូងកោរាញអីម៝ត់អ្វាញ់ផូងញឆីងមាឞ្រាសយេឆូក្រីស អីជានអ្វែស អ៝ន់យើកមាពាង់ នទ្រែលមាអ៝ន់ព្រាក់មាពាង់មានាវជានការពាង់តាផូងញឆីងមាឞ្រាសយេឆូក្រីស ។ លាសពាង់អ្វាញ់នាវកោរាញឞ្រាសងើយដ៝ង់ មោលាសនតុមនតីឞូ អ៝ន់យើកមាពាង់រាលាវអីនៃជឹត។*៥:១៧-១៨៖ ១កោ ៩:៩, ១១-១៤; ១តេ ៥:១២-១៣; នវ ២៥:៤; លក ១០:៧ 18 យ៝រលាសតានាវកោរាញឞ្រាសងើយលែៈគែសញចីស៖ «លើយអោសងគ្រេបមឞូងនទ្រោកនោកពាង់ជ៝តព្លេនឞា†៥:១៨៖ នោកនៃផូងអីឆ្រាអែល ខាន់ពាង់ព្លេនឞាព្រាង់ កើតនអា។»†៥:១៨៖ នវ ២៥:៤។ ជេសរី «ឞូនុយ្សជានការអ៝ន់គែសនទើងខោមមាពាង់»†៥:១៨៖ លក ១០:៧។ 19 លាសគែសទូហ្វេកោរាញផូងញឆីងមាឞ្រាសយេឆូក្រីស ឞូនតោន លើយតាអ្យាត់អោស អ៝ន់គែសឞូនុយ្សតើមឆៃឞារហៃ មោលាសពែនុយ្សរីមើ។*៥:១៩៖ នវ ១៩:១៥ 20 យើនមាលាសពាង់ហោមជានតីសនឹង អ៝ន់លាសពាង់អីនៃតានាប់ផូងញឆីងមាឞ្រាសយេឆូក្រីស ទោ គៃមាឞូនុយ្សអាអេងជឹតក្លាចដ៝ង់។*៥:២០៖ មថ ១៨:១៥-១៧; កាល ២:១៤ 21 តានាប់មាត់កោរាញឞ្រាស តានាប់មាត់ឞ្រាសក្រីសយេឆូ នទ្រែលមាតានាប់មាត់ផូងតោងពារ់អីលែៈកោរាញឞ្រាសទែកើយ្សជេស គ៝ប់ដាៈមៃជានតឹងនាវគ៝ប់នតិញអ្យា។ អ៝ន់មៃជានកើតនៃមាទឹងលែៈឞូនុយ្ស លើយអោសកើយ្សឞូនុយ្សអីមៃរ៝ង់។ 22 លើយអោសងាច់អីរតេៈតីតាទូហ្វេឞូនុយ្សគៃមាដាៈជានការតាផូងញឆីងមាឞ្រាសយេឆូក្រីស គៃមាឞូលើយកើបមៃជានតីសនទ្រែលឞូនុយ្សអីនៃ លាសនាវគុងាវពាង់មោអ្វែស។ អ៝ន់គុម៝ត់ឆាក់មៃនើមអ៝ន់ក្ល៝សអ្វែសហ៝ៈ។*៥:២២៖ ១តម ៣:១០; ៤:១៤; ២តម ១:៦; ការ ៦:៦; ១៣:៣
23 លើយអោសញេតទើមទាក អ៝ន់ញេតនទ្រាញ់បាៈ គៃមាកើលខុងមៃ យ៝រលាសមៃគែសនាវជីបាបើងាន់។
24 នាវតីសឞូនុយ្សអាបាៈលែៈមពើលឆៃនហេលអេល៝រមាផាតទោយ្សមោខាច់អោសមេតអ្វាញ់ងាន់ យើនមានាវតីសឞូនុយ្សអាបាៈជឹតមពើលនោកមេតអ្វាញ់ងាន់។ 25 តឹមឞានដ៝ង់នាវអ្វែសឞូជានអាបាៈមពើលឆៃនហេលរ៝ ជេសរីឞ៝លលាសអេហ៝ៈមពើលឆៃនហេលកាដោយ ហោមអែមោទើយពោនអ៝ន់នទ៝ប់ដ៝ង់។
*5:1 ៥:១៖ កល ១៩:៣២; តត ២:២
*5:3 ៥:៣៖ យាក ១:២៧
*5:4 ៥:៤៖ ១តម ៥:១៦
*5:5 ៥:៥៖ លក ២:៣៧
*5:7 ៥:៧៖ មោលាស «មាផូងឞូអូរនទ្រោលែៈខឹតឆាយ»។
*5:8 ៥:៨៖ តត ១:១៦; នង ២០:១២
†5:9 ៥:៩៖ «មោអោសវៃជ៝យឞូក្លោអេងជឹតនោកឆាយពាង់ហោមរេសនើស» មោលាស «គែសតឹមនអាប់ទូតឹទើម»។
‡5:9 ៥:៩៖ តាៈឞើសត្រ៝ងអ្យាឞ៝ន់គឹតតារានោកពោល គែសផូងញឆីងមាឞ្រាសយេឆូក្រីស អ៝ក់ឞូញចីសឆាក់ឞូអូរនទ្រោកើតនអាគៃមាកើលព្រាក់អ៝ន់មាខាន់ពាង់។
§5:10 ៥:១០៖ តានាវងើយគ្រែក លាស៖ «លែៈគែសរាវជ៝ង់អ៝ន់មាផូងក្ល៝សអ្វែស»។
*5:10 ៥:១០៖ ១ពេ ៤:៩
*5:12 ៥:១២៖ តាអ្យាឞូគឹតលាសនោកឞូញចីសឆាក់រាញាឞូអូរអីនៃ ខាន់ពាង់ត៝នលាសមោហោមឆ៝ៈឆាយ កើលជានការតាផូងញឆីងមាឞ្រាសយេឆូក្រីស ។ យើនមាឞ៝ន់អាបៃអ្យាមោគឹតនហេលអោសមានទើអីនៃ។
*5:13 ៥:១៣៖ ២តេ ៣:១១; យាក ១:២៦
*5:14 ៥:១៤៖ ១តម ២:១៥
*5:16 ៥:១៦៖ ១តម ៥:៣-៤
*5:17 ៥:១៧-១៨៖ ១កោ ៩:៩, ១១-១៤; ១តេ ៥:១២-១៣; នវ ២៥:៤; លក ១០:៧
†5:18 ៥:១៨៖ នោកនៃផូងអីឆ្រាអែល ខាន់ពាង់ព្លេនឞាព្រាង់ កើតនអា។
†5:18 ៥:១៨៖ នវ ២៥:៤
†5:18 ៥:១៨៖ លក ១០:៧
*5:19 ៥:១៩៖ នវ ១៩:១៥
*5:20 ៥:២០៖ មថ ១៨:១៥-១៧; កាល ២:១៤
*5:22 ៥:២២៖ ១តម ៣:១០; ៤:១៤; ២តម ១:៦; ការ ៦:៦; ១៣:៣