នាវកោរាញឞ្រាសងើយនាវតឹមរាង្លាប់មហែ កាលាតី 1

ឆ៝ម់បុតពោលញជ្វាល់អ៝ន់មាផូងញឆីងតាឞ្រី

កាលាតី

នាវឞោកអ៝ន់ឞូគឹតល៝រ

នើមញចីសឆ៝ម់បុតអ្យារាញាពោល ពាង់ញចីសឆ៝ម់បុតអ្យាក្លាប់លាសតានាម់ ៥០ ក្លាប់លាស ១៧ នាម់ជេសឞ្រាសយេឆូ ទ៝ក់រេស។ ឞូមឹនលាសពាង់ញចីសឆ៝ម់បុតអ្យាអេល៝រមាពាង់នទ្រែលមានោបារនាបាស នោតីតុស នអ៝ប់មាឞូនុយ្សអាបាៈអេងហាន់ឞើសប៝នអ៝ន់តីយោក ត៝ត់តាប៝នយេរូឆាលឹម គៃមាតឹមញច្រាៈម៝សនាវអាបាៈផូងអីមោទីផូងអីឆ្រាអែល អ្យាត់មាជានគៃមាគែសនាវរាក្លាយ្ស គែសនាវខ្លៃលាសកោរាញឞ្រាសមោហោមតេៈទោយ្សតាៈឞើសនាវតីសឞូនុយ្សនើមជាន(ការ ១៥:១-២៩) តានោកនៃខាន់ពាង់តឹមទីឞាល់ ផូងអីមោទីផូងអីឆ្រាអែល មោអោសខាច់ក៝សនតោគៃមាគែសនាវរាក្លាយ្ស។ ទឹងលែៈឆ៝ម់បុតពោល ញចីសតានាវតឹមរាង្លាប់មហែ ឆ៝ម់បុតអ្យាជេងឆ៝ម់បុតអីពាង់ញចីសល៝រឞូ។

មាឆ៝ម់បុតអាអេងដ៝ង់ពោល លែៈញចីសទាន់អ្វាញ់តាឆ៝ម់បុតរោមតានាវឞោក «ឆ៝ម់បុតពោល »។

ឞ្រីកាលាតី តាឞ្រីអាឆី ។ តាឞ្រីកាលាតី គែសអ៝ក់ឞូនុយ្សអីមោទីផូងអីឆ្រាអែល គុរេសតាឞ្រីនៃ ពោល លែៈគែសហាន់តាឞ្រីអីនៃ ជេសរីលែវឞូឆឹតញឆីងមាឞ្រាសក្រីស នោកពោល ហាន់ខ៝ល់តាឞ្រីអីនៃក្លាប់លាសតានាម់ ៤៩។ ឞើសកើយពោល គែសនើមនតីផូងអីឆ្រាអែល អាបាៈដ៝ង់ហាន់នតីផូងញឆីងមាឞ្រាសក្រីស តានៃ ផូងនើមនតីអីនៃលាសពោល មោអោសទីកោរាញអ៝សម៝នងាន់ ខាន់ពាង់នតីញឆីងមាឞ្រាសក្រីស ទើមមោហ៝ៈអោសគាប់ អ្យាត់មាហោមក៝សនតោគៃមាគែសនាវរាក្លាយ្ស។ ត៝ត់មាពោល តាង់នាវអីនៃ ជេសរីពាង់ញចីសឆ៝ម់បុតអ្យា គៃមាព្លើងអើសនាវអោបផូងញឆីងតាឞ្រីកាលាតី នៃ ពាង់ញចីសលាសឞូនុយ្សគែសនាវរាក្លាយ្សតាៈឞើសនាវញឆីងមាឞ្រាសក្រីស ទើម មោអោសខាច់ក៝សនតោ។

នាវអុចនត្រ៝ង់តាឆ៝ម់បុតអ្យា

តាឆ៝ម់បុតអ្យាពោល ញចីសលាសទាង់ៗអ៝យ គៃមាងកាសផូងញឆីងមានាវខ្លៃនាវមហែមហានអ្វែសឞ្រាសក្រីស នអ៝ប់មាតឹមរាទ៝ង់ដាសនាវនតីងក្លាៈ។ តឹងមានាវមហែមហានអ្វែសអ្យា កោរាញឞ្រាសរាក្លាយ្សឞូនុយ្សញឆីងយ៝រមាញឆីងមាឞ្រាសក្រីស អីលែៈរ៝ង់មាឞ៝ន់ នទ្រែលមាលែៈខឹតឆាក់មាឞ៝ន់(កាល ២:២០) មោអោសយ៝រមាជាននទើអេងៗតឹងនាវវៃផូងអីឆ្រាអែល មោដ៝ង់យ៝រមាជាននទើអ្វែស។ យើនមាលែៈជេសគែសនាវរាក្លាយ្ស ផូងញឆីងអ្យាត់មាគុរេសតឹងនាវឞ្រាសហ្វេងអ្វែសនតុមនតី មោអោសគុរេសតឹងកើតនាវគុរេសឞូនុយ្សអីមោញឆីង(កាល ៥:១៦-១៨, ២៥)។

ងកោៈនាវខ្លៃតាឆ៝ម់បុតអ្យា

- នាវអោបអ្វែសលាង់ (១:១-១០)

- នាវទើយពោលអីជេងកោរាញអ៝សម៝ន (១:១១-២:២១)

- នាវរាក្លាយ្សតាៈឞើសនាវកោរាញឞ្រាសត៝ន មោអោសតាៈឞើសជានតឹងមានាវវៃផូងអីឆ្រាអែល (៣:១-៤:៣១)

- នាវផូងញឆីងមោហោមខាច់អោសជានតឹងមានាវវៃផូងអីឆ្រាអែល (៥:១-១២)

- នាវគុរេសផូងញឆីងតឹងឞ្រាសហ្វេងអ្វែស (៥:១៣-៦:១០)

- នាវនតិញងគ្លែៈទុត (៦:១១-១៨)

នាវអោបអ្វែសលាង់

1 ឆ៝ម់បុតគ៝ប់ពោល ញចីស គ៝ប់អ្យាជេងកោរាញអ៝សម៝ន។ មោអោសទីទូហ្វេឞូនុយ្ស មោលាសទូផូងឞូនុយ្សអីដាៈគ៝ប់ជានកោរាញអ៝សម៝ន គែសឞ្រាសយេឆូក្រីស នទ្រែលមាកោរាញឞ្រាសឞឹនើមអីអ៝ន់ឞ្រាសយេឆូក្រីស ទ៝ក់រេសនៃ ខាន់ពាង់ដាៈគ៝ប់ជានកោរាញអ៝សម៝ន។* 2 គ៝ប់ នទ្រែលមាទឹងលែៈអ៝សនោតានាវញឆីងអីគុនទ្រែលគ៝ប់ ទាន់អោបនាវអ្វែសលាង់ផូងញឆីងមាឞ្រាសយេឆូក្រីស អីគុតានតុកអេងៗតាឞ្រីកាលាតី ។ 3 ទាន់កោរាញឞ្រាសឞឹឞ៝ន់ នទ្រែលមាកោរាញយេឆូក្រីស អ៝ន់នាវអ្វែស អ៝ន់នាវដាប់មពាន់មាខាន់អៃមៃ។ 4 កោរាញយេឆូក្រីស លែៈជាវជេសឆាក់ជាន់ពាង់នើមមាខឹតយ៝រមានាវតីសផូងឞ៝ន់ គៃមារាក្លាយ្សផូងឞ៝ន់ឞើសទឹងលែៈនាវអ្យើសតានែសនតូអ្យា ជេងតឹងនាវកោរាញឞ្រាសអុចអីឞឹឞ៝ន់នើម។* 5 អ៝ន់ឞ៝ន់រានេនាវច្រេកលើបកោរាញឞ្រាសបាបើនហ៝រ៝។ អើអ៝ន់គែសកើតនៃងាន់រ៝*!

នាវមហែមហានអ្វែសគែសង្វាយទើម

6 គ៝ប់នទ្រ៝ត់ហីសរាហ៝ល់មោវ៝ត់អោសឆៃខាន់អៃមៃងាច់ងាន់មអារ់លើយកោរាញឞ្រាសអីលែៈក្វាល់ជេសខាន់អៃមៃជេងផូងប៝នលានពាង់នើមតាៈឞើសនាវអ្វែសឞ្រាសក្រីស នើស ជេសរីបេងមាតឹងនាវនតីអាអេងអីឞូនុយ្សអាបាៈក្វាល់លាស«នាវមហែមហានអ្វែស»ដ៝ង់។ 7 យើនមាមោហោមអោសគែសនាវមហែមហានអ្វែសអាអេងជឹត គែសឞូនុយ្សអាបាៈទើមជានអ៝ន់ខាន់អៃមៃគែសនាវវិ អុចជានញអើសលើយនាវមហែមហានអ្វែសឞ្រាសក្រីស ។* 8 ឞ៝លលាសហេននើម មោលាសទូហ្វេតោងពារ់តាៈឞើសកាលើត្រោកអីនតុកកោរាញឞ្រាសកាដោយ ឞូម៝សមឞើសងក៝ចនាវមហែមហានអ្វែសតីសឞើសនាវមហែមហានអ្វែសអីលែៈហេនមឞើសងក៝ចមាខាន់អៃមៃនើស អ៝ន់កោរាញឞ្រាសរាតាប់ឞូនុយ្សអីនៃទោស!* 9 នាវអីគ៝ប់លែៈជេសលាសនៃនើស គ៝ប់ទាន់លាសតៃទូតឹជឹត លាសឞូម៝សអីមឞើសងក៝ចនាវមហែមហានអ្វែសអីតីសឞើសនាវមហែមហានអ្វែសអីខាន់អៃមៃលែៈឆ៝ៈទើនជេសនៃ អ៝ន់កោរាញឞ្រាសរាតាប់ឞូនុយ្សអីនៃទោស! 10 តានាវគ៝ប់ងើយអីនៃ អើមគ៝ប់អុចឞូនុយ្សរានេគ៝ប់ មោលាសអុចកោរាញឞ្រាសរានេគ៝ប់? អើមគ៝ប់អុចជានអ៝ន់ឞូនុយ្សទើមរាម់មអាកឞើស? លាសគ៝ប់ហោមអុចជានអ៝ន់ឞូនុយ្សទើមរាម់មអាក លាសនទ្រីគ៝ប់មោអោសទីជេងនើមឆើមកើលជានការមា†ឞ្រាសក្រីស !*

ឞ្រាសយេឆូ អ៝ន់ពោល គឹតនាល់ពាង់នើម

11 អើអ៝សនោតានាវញឆីង គ៝ប់អុចអ៝ន់ខាន់អៃមៃគឹត នាវមហែមហានអ្វែសអីគ៝ប់លែៈមឞើសងក៝ចអ៝ន់មាខាន់អៃមៃនៃនើស មោអោសទីលោសតាៈឞើសឞូនុយ្ស‌* 12 យ៝រលាសឆាក់គ៝ប់នើមអីអ្យាមោគែសអោសឆ៝ៈទើននាវមហែមហានអ្វែសតាៈឞើសឞូនុយ្ស មោដ៝ង់តាៈឞើសឞូនុយ្សនតុមនតីគ៝ប់ យើនមាតាៈឞើសឞ្រាសក្រីស នើមញហើអ៝ន់គ៝ប់គឹតនាល់។*

13 ខាន់អៃមៃលែៈតាង់ដ៝ង់នាវឞូមឞើសងក៝ចមានទើគ៝ប់ជានអាល៝រនើស នោកគ៝ប់ហោមគុតានាវវៃផូងអីឆ្រាអែល នើស គ៝ប់លែៈជានជេរជ៝ត់ទុតហោងាន់មាផូងញឆីងមាឞ្រាសយេឆូក្រីស ជេងផូងប៝នលានកោរាញឞ្រាសនើម អុចលើសហេងលើយផូងអីនៃ។* 14 ឞើសនតើមនើស នាវវៃផូងអីឆ្រាអែល គ៝ប់លែៈញអោតទុតអ្វែសងាន់រាលាវមាផូងប៝នលានគ៝ប់នើមអីក្វ៝ង់រើសគ៝ប់ យ៝រលាសគ៝ប់គើយ្សរាលាវមាខាន់ពាង់ជានតឹងនាវដើនតាៈឞើសផូងអូចែហេន។ 15 យើនមាកោរាញឞ្រាសលែៈអើមកើយ្សជេសគ៝ប់ឞើសត្រោមនទុលមែ ជេសរីក្វាល់គ៝ប់តាៈឞើសនាវអ្វែសពាង់នើម។ តាៈឞើសនាវអ្វែសអីនៃ* 16 ទឹងពាង់ញហើក៝នពាង់នើមអ៝ន់គ៝ប់គឹតនាល់នើស គៃមាគ៝ប់មឞើសងក៝ចនាវមហែមហានអ្វែសក៝នពាង់នៃអ៝ន់មាផូងអីមោទីផូងអីឆ្រាអែល ។ ជេសរីគ៝ប់ហាន់មឞើសងក៝ចរ៝ គ៝ប់មោអោសហាន់អោបទូហ្វេឞូនុយ្សអេង។* 17 គ៝ប់ក៝ៈមោគែសហាន់តាប៝នយេរូឆាលឹម គៃមាតឹមម៝ប់ដាសមពោលអីជានកោរាញអ៝សម៝នអីល៝រឞើសនាប់គ៝ប់នៃដ៝ង់ យើនមាគ៝ប់ហាន់តាឞ្រីអារាប់ រ៝ ជេសរីព្លឹតៃតាប៝នដាមាស ។ 18 ត៝ត់ពែនាម់ជេសឞើសនៃ គ៝ប់ហាន់តាប៝នយេរូឆាលឹម គៃមាអុចគឹតនាល់ពេត្រោស ‡ ជេសរីគុនទ្រែលពាង់តានៃជ៝ៈ ១៥ នារ។ 19 ហោមគែសម៝ប់មាយាកើ អីអ៝សកោរាញយេឆូទូហ្វេដ៝ង់ យើនមាមោគែសអោសម៝ប់មាកោរាញអ៝សម៝នអាបាៈអេងជឹត។* 20 នាវអីគ៝ប់ញចីសអ៝ន់មាខាន់អៃមៃអ្យា គ៝ប់មោមរោសអោស គែសកោរាញឞ្រាសអីនាក់គឹតឆៃ។ 21 ជេសឞើសនៃ គ៝ប់ហាន់ដ៝ង់តាឞ្រីឆីរី តាឞ្រីកីលីកៀ ‌* 22 យើនមាតានតុកអេងៗតាឞ្រីយូដា ផូងអីញឆីងមាឞ្រាសក្រីស អេហ៝ៈអោសគឹតនាល់គ៝ប់។ 23 ខាន់ពាង់មានមាគឹតតាង់ឞូមឞើសងក៝ចលាស៖ “ឞូនុយ្សអីវៃជានជេរជ៝ត់មាឞ៝ន់អាល៝រនើស អាបៃអ្យាពាង់លែៈមឞើសងក៝ចនាវមហែមហានអ្វែសអីព្រែអុចលើសហេងអាល៝រនើសច្រាវ!” 24 ជេសរីខាន់ពាង់រានេកោរាញឞ្រាស តាៈឞើសនាវកោរាញឞ្រាសជានតាគ៝ប់។

*1:1 ១:១៖ កាល ១:១១-១២; ការ ៩:១៥

*1:4 ១:៤៖ មថ ២៦:២៧-២៨; ហេឞ ២:១៧; ២កោ ៥:១៨-២១; រម ១២:២; ១យហ ៥:១៩

*1:5 ១:៥៖ «អើអ៝ន់គែសកើតនៃងាន់រ៝» មោលាស «អាមែន »។

*1:7 ១:៧៖ កាល ២:៤-៥; ៥:១០; ការ ១៥:១-២

*1:8 ១:៨-៩៖ ១កោ ១៥:១-២; ២កោ ១១:៤; ផល ៤:៩

†1:10 ១:១០៖ «នើមឆើមកើលជានការ» មោលាស «ទឹក»។

*1:10 ១:១០៖ ១តេ ២:៤-៦

*1:11 ១:១១៖ ១តេ ២:១៣

*1:12 ១:១២៖ ការ ៩:៣-៦; ២៦:១៣-១៩

*1:13 ១:១៣-១៤៖ ការ ៨:៣

*1:15 ១:១៥៖ យេរ ១:៥

*1:16 ១:១៦៖ ការ ៩:១៥; រម ១:៥

‡1:18 ១:១៨៖ តានាវងើយគ្រែក លាស៖ «កេផាស »។

*1:19 ១:១៩៖ មថ ១៣:៥៥; ការ ១៥:១៣

*1:21 ១:២១៖ ការ ៩:៣០; ១១:២៥