នាវកោរាញឞ្រាសងើយនាវតឹមរាង្លាប់មហែ ហេឞ្រើ 12

កោរាញឞ្រាសអីឞឹឞ៝ន់

1 ទឹងលែៈខាន់ពាង់អីញឆីងន៝ប់មាកោរាញឞ្រាសកាល់អែនៃនើស អាបៃអ្យាតឹមឞានមាគុអ្វាញ់ជុមឞ៝ន់ លាសនទ្រីអ៝ន់ឞ៝ន់មអារ់លើយទឹងលែៈនទើអីរាខ្វាកឞ៝ន់តានាវញឆីង នទ្រែលមានាវតីសអីអុចក្រេបតាឞ៝ន់ ជេសរីអ៝ន់ឞ៝ន់ញឆ្រោយ្សគុងាវអ៝ន់តឹមទីដាសកោរាញឞ្រាសអុច តឹមឞានមាឞូនុយ្សញឆ្រោយ្សញច្វាត់តានាវតឹមរាល៝ង។* 2 អ៝ន់អ្វាញ់នឹងជឹតឞ្រាសយេឆូ អីនើមតើមនាវញឆីងហ៝ៈ នាវឞ៝ន់ញឆីងតាៈឞើសពាង់ ជេសរីពាង់ឆើមកើលឞ៝ន់អ៝ន់គែសនាវញឆីងទុតន៝ប់ដ៝ង់។ ពាង់ឆ៝ៈទើននាវជេរជ៝ត់តាឆីតឹមរាកាង់ ពាង់មោអោសក្លាចនាវដីតព្រេងមានាវអីនៃ យ៝រលាសពាង់មឹនមានាវរាម់មអាកអីហោមជឹតនាប់តៃ ជេសរីអាបៃអ្យាពាង់លែៈគុជេសឞើសមារានើលកាដាច់កោរាញឞ្រាសនើម។* 3 លាសនទ្រីអ៝ន់ខាន់អៃមៃកាសគឹតមាឞ្រាសយេឆូ អីលែៈគុន៝ប់ជេសនោកផូងឞូនុយ្សតីសតឹមរាទ៝ង់ដាសពាង់ គៃមាខាន់អៃមៃលើយអោសទឹលតានូយ្សនហ៝ម់ លើយអោសរ៝សនាវរានើម។*

4 តានាវតឹមលើសដាសនាវតីស ខាន់អៃមៃអេហ៝ៈអោសគុតឹមរាទ៝ង់ត៝ត់មាខឹតញចាយមហាម។ 5 អើមខាន់អៃមៃលែៈច្វេលបាសនាវអីលែៈគែសញចីស ជេសរីក្វាល់ខាន់អៃមៃក៝នកើតនអា?៖

«អើក៝ន លើយមឺចអោសនាវកោរាញឞ្រាសបាប់នតុមមៃ‌

ជេសរីលើយដ៝ង់រ៝សនាវរានើមនោកពាង់លាសមៃ‌

6 យ៝រលាសកោរាញឞ្រាសបាប់នតុមឞូម៝សអីលែៈពាង់រ៝ង់ជេស‌

ជេសរីពាង់លាសរាពាត់ឞូម៝សអីលែៈពាង់កើបជេងក៝នពាង់ដ៝ង់»†។

7 អ៝ន់ខាន់អៃមៃញឆ្រោយ្សគុតានាវជេរជ៝ត់ នាវអីនៃជេងតឹមឞានមានាវបាប់នតុម។ តានាវអីនៃញហើកោរាញឞ្រាសលែៈកើបខាន់អៃមៃជេងក៝នពាង់ យ៝រលាសមោគែសអោសឞឹមោបាប់នតុមមាក៝ន។* 8 ទឹងលែៈក៝នកោរាញឞ្រាសម៝ប់មានាវបាប់នតុមទាទេ លាសខាន់អៃមៃមោអោសម៝ប់នាវបាប់នតុម ខាន់អៃមៃជេងក៝នងក្លាៈទើម មោអោសក៝នពាង់ងាន់។ 9 ឞឹឞ៝ន់តានែសនតូអ្យាវៃបាប់នតុមឞ៝ន់ ជេសរីឞ៝ន់ហោមក្លាចយើកមាពាង់ដ៝ង់។ លាសនទ្រីរាលាវមាអីនៃជឹត អ៝ន់ឞ៝ន់អ្យាត់នាវកោរាញឞ្រាសបាប់នតុមអីជេងឞឹឞ៝ន់តាកាលើត្រោក ជេសរីឞ៝ន់គែសនាវរេសនហ៝រ៝។ 10 ឞឹឞ៝ន់តានែសនតូអ្យាបាប់នតុមឞ៝ន់ទូប្ល៝ត់ទើម តឹងអីនាវពាង់មឹនគែសខ្លៃមាឞ៝ន់។ យើនមាកោរាញឞ្រាសបាប់នតុមឞ៝ន់ គៃមាគែសខ្លៃមាឞ៝ន់ងាន់ គៃមាឞ៝ន់គុនទ្រែលពាង់តានាវក្ល៝សអ្វែសពាង់នើម។ 11 នាវបាប់នតុមនៃអ៝ន់ឞ៝ន់គែសនាវជីនាវរាង៝ត មោអោសអ៝ន់ឞ៝ន់គែសនាវរាម់មអាក។ យើនមាឞើសកើយនៃឞូម៝សអីលែៈឆ៝ៈទើនជេសនាវបាប់នតុមកើតនៃ ពាង់អីនៃជេងគែសព្លៃ គែសនាវដាប់មពាន់ គុរេសឆ៝ង់។* 12 លាសនទ្រីអ៝ន់ញអោតន៝ប់ហ៝ម់នាវញឆីងតឹមឞានមា «អ៝ន់យើរតីរាឞាន់ នអ៝ប់មាអ៝ន់ញឆ៝ង់កោម៝ក់ខាន់អៃមៃអ៝ន់ន៝ប់ដ៝ង់»* 13 ជេសរីកើតលែៈគែសញចីស៖ «នទ្រាប់ហ៝ម់ត្រ៝ងឆ៝ង់គៃមាខាន់អៃមៃទើសហាន់»† អ៝ន់ជានតឹងនាវនតីអីទីនឹង គៃមាឞូនុយ្សអីរាអ្យាតានាវញឆីងអីតឹមឞានមាឞូនុយ្សរាវែនជ៝ង់ មោអោសឞាសញឆីង យើនមាគែសនាវញឆីងលើមាន៝ប់ តឹមឞានមាឞាសជីជ៝ង់។

លើយអោសតឹមរាទ៝ង់ដាសកោរាញឞ្រាស

14 អ៝ន់ញឆ្រោយ្សនាវគុអ្វែសដាប់មពាន់នទ្រែលមាទឹងលែៈឞូនុយ្សទោ នអ៝ប់មាញឆ្រោយ្សគុរេសក្ល៝សអ្វែស យ៝រលាសឞូម៝សអីមោគុរេសក្ល៝សអ្វែស មោអោសទើយគុនទ្រែលកោរាញយេឆូ ជឹតនាប់តៃ។* 15 អ៝ន់តឹមកើលនទ្រាង់ខាន់អៃមៃនើម គៃមាលើយអោសគែសទូហ្វេអីមោអោសឆ៝ៈទើននាវអ្វែសកោរាញឞ្រាស។ លើយអោសគែសឞូនុយ្សតាមពោលខាន់អៃមៃអីមោអោសអុចឆ៝ៈទើននាវអ្វែសកោរាញឞ្រាស ឞូនុយ្សអីនៃតឹមឞានមាតើមខេសជានជេរតាមពោលខាន់អៃមៃ ក្លាចលាសមព្លូមនាវតីសអ៝ន់មាឞូនុយ្សអាអេងអ៝ក់ជឹត។* 16 ញជ្រាង់ហ៝ម់លើយអ៝ន់គែសឞូនុយ្សតឹមទ៝ង់តាមពោលខាន់អៃមៃ លើយអោសគែសឞូនុយ្សតាមពោលខាន់អៃមៃអីមឺចមានាវកោរាញឞ្រាសតឹមឞានមាអេឆាវ អីលែៈតាច់លើយអីនាវខ្លៃពាង់នើមក៝នឞោកទាក* យ៝រមាកើញគែសមានទើឆោងឆាអីទូងាននៃទើម។ 17 ខាន់អៃមៃលែៈគឹតដ៝ង់ ត៝ត់ឞើសកើយនៃពាង់ញហ្វាចនទើពាង់លែៈជាននៃនើស ពាង់កើញហោងាន់ឆ៝ៈទើននាវគែសជេងតាៈឞើសឞឹពាង់នើមអីទីមាក៝នឞូក្លោទាកឞោកឆ៝ៈទើន។ ឞ៝លលាសពាង់ទាន់ហោងាន់នអ៝ប់មាហ៝រទាកមាត់កាដោយ ក៝ៈមោអោសទើយរាគ៝ល់នទើអីលែៈជាននើស។*

18 នាវខាន់អៃមៃហាន់ទាច់អាកោរាញឞ្រាសអាបៃអ្យា អេងឞាល់មានាវផូងអីឆ្រាអែល គុតាយោកឆីនាយ ជេងយោកអីនតុកកោរាញឞ្រាសតឹមរាង្លាប់ដាសខាន់ពាង់នើស។ យោកអីនៃទើយពាសមាតី គែសអុញហីត គែសង៝ចេកកោលាក់ នទ្រែលមាគែសផុតឆ្យាលដ៝ង់‌ 19 គែសតាង់នតែសនុងទុតទាង់ នទ្រែលមាគែសតាង់នតែសឞ៝រ់អីអ៝ន់ខាន់ពាង់ក្លាច ត៝ត់មាខាន់ពាង់ទាន់កោរាញឞ្រាសហោងាន់លើយហោមអ៝ន់កោរាញឞ្រាសងើយជឹតដាសខាន់ពាង់‌* 20 យ៝រលាសខាន់ពាង់មោអោសទើយអ៝ត់មានាវកោរាញឞ្រាសទែដាៈកើតនអា៖ «ឞូម៝សអីពាសយោកអ្យា ឞ៝លលាសមពោមពា(ឆ្យុម)ទើមកាដោយ អ្យាត់មាឆ៝ៈលុនតុបអ៝ន់ខឹត»†។ 21 នទើអីខាន់ពាង់ឆៃនៃក្លាចទុតហោងាន់ នទ្រីទឹងមោឆេ លាស៖ «គ៝ប់ក្លាចញឆ៝រ់ទុតហោងាន់»†។

22 យើនមាខាន់អៃមៃលែៈហាន់ទាច់អាកោរាញឞ្រាសងាន់ តឹមឞានមាហាន់តាយោកឆីយោន តាប៝នក្វ៝ង់កោរាញឞ្រាសនើមពាង់អីរេសងាន់ តាប៝នក្វ៝ង់យេរូឆាលឹម អីតាកាលើត្រោកអីនតុកកោរាញឞ្រាសនើម តានតុកគែសផូងតោងពារ់អ៝ក់រាមឺនរាឆែនគុរាបុនមានាវរាម់មអាក‌* 23 ជេងនតុកគុគូមផូងក៝នកោរាញឞ្រាសអីពាង់កើបជេងក៝នទាកឞោកទាទេ† នអ៝ប់មាគែសញចីសរាញាឆាក់តាកាលើត្រោក។ ខាន់អៃមៃលែៈហាន់ទាច់អាកោរាញឞ្រាសអីកោរាញផាតទោយ្សទឹងលែៈឞូនុយ្ស លែៈហាន់តានតុកផូងអីញឆីងអេល៝រមាខាន់ពាង់ខឹតនើស អីលែៈជេងតឹមទីកែស។* 24 ខាន់អៃមៃលែៈហាន់ទាច់អាឞ្រាសយេឆូ ជេងនើមលែវមាតឹមរាង្លាប់មហែឞ៝ន់ដាសកោរាញឞ្រាស ខាន់អៃមៃលែៈឆ៝ៈទើនមហាមឞ្រាសយេឆូ អីមហាមអ៝ន់ឞ៝ន់រាក្លាយ្សឞើសនាវកោរាញឞ្រាសតេៈទោយ្ស មហាមអីនៃគែសខ្លៃរាលាវមាមហាមអាបែល ‡ជឹត យ៝រលាសមហាមអាបែល ជេងមឞេនមានាវកោរាញឞ្រាសតេៈទោយ្សទើម។*

25 អ៝ន់ញជ្រាង់ហ៝ម់ លើយរាលាច់អោសមាកោរាញឞ្រាសអីងើយដាសខាន់អៃមៃ។ លាសផូងអីឆ្រាអែល អីមោអ្យាត់នាវមោឆេ នតុមនតីតានែសនតូអ្យាកាល់អែនើស លែៈមោក្លាយ្សអោសឞើសទោយ្សខាន់ពាង់នើស លាសនទ្រីល៝ង់ឞ៝ន់អីអ្យា អីលែៈតាង់នាវកោរាញឞ្រាសនើមនតុមនតីតាឞ្រាសយេឆូ តាៈឞើសកាលើត្រោកអីនតុកពាង់នើម ប៝ន់លើហោរាលាវមាអីនៃបាសមោទើយក្លាយ្ស?* 26 ឞើសនតើមនើសនោកកោរាញឞ្រាសងើយតាយោកឆីនាយ នែសនតូងគារ់ហោងាន់ យើនមារានោកអាបៃអ្យាពាង់ត៝នកើតនអាតានាវពាង់ងើយ៖ «ជឹតនាប់តៃ គ៝ប់មរាអ៝ន់ត្រោកគែសងគារ់ដ៝ង់ មោអោសទើនមានែសនតូទើមគែសងគារ់»†។ 27 ជេសរីនាវលាសអីអ្យា៖ «នារជឹតនាប់តៃ» មឞើសអ៝ន់គឹត ទឹងលែៈនទើអីកោរាញឞ្រាសញជេងនើសងគារ់ ជេសរីរ៝សលែៈផ្យៅ គៃមានទើអីមោឞ្លាវងគារ់ទើមហោមអែកើន។* 28 យ៝រមាឞ៝ន់ឆ៝ៈទើនទូឞ្រីទាកកោរាញឞ្រាសអីមោឞ្លាវងគារ់នៃ លាសនទ្រីអ៝ន់ឞ៝ន់លាសអ្វែសកោរាញឞ្រាស ជេសរីអ៝ន់ឞ៝ន់ឆើមកើលជានការហ៝ម់មាពាង់ តឹងនាវពាង់អុច នទ្រែលមាក្លាចយើកមាពាង់‌ 29 យ៝រលាសកោរាញឞ្រាសអីឞ៝ន់យើកមឞាស នាវពាង់តេៈទោយ្សតឹមឞានមាអុញឆាលេកលែៈផ្យៅ។*

*12:1 ១២:១-២៖ ហេឞ ២:១; ១កោ ៩:២៤; អេផ ៥:៦; ផល ៣:១២-១៤

*12:2 ១២:២៖ ហេឞ ៨:១; ១០:១២; រម ៨:៣៤; ២កោ ៥:១៨-២១; ផល ២:៨

*12:3 ១២:៣៖ មថ ២៦:៦៧-៦៨; ២តម ៣:១២

†12:6 ១២:៥-៦៖ នហ ៣:១១-១២

*12:7 ១២:៧៖ នវ ៨:៥-៦

*12:11 ១២:១១៖ យាក ១:១២

*12:12 ១២:១២៖ អេឆា ៣៥:៣

†12:13 ១២:១៣៖ នហ ៤:២៦

*12:14 ១២:១៤៖ រម ១២:១៧-១៨; ១៤:១៩; ១តេ ៥:១៥; ១ពេ ៣:៩-១២

*12:15 ១២:១៥៖ ហេឞ ១០:២៥

*12:16 ១២:១៦៖ តារានោកអេឆាវ អីក៝នអីឆាក់ នើស ក៝នឞូក្លោឞោកទាកឆ៝ៈទើននាវនទ្រៃ នអ៝ប់មានាវគែសជេងតាៈឞើសឞឹពាង់នើមអ៝ក់រាលាវមាទឹងលែៈក៝នអាបាៈអេងជឹត។

*12:17 ១២:១៧៖ នន ២៥:២៩-៣៤; ២៧:៣០-៤០

*12:19 ១២:១៩៖ នង ១៩:១៦; ២០:១៨-១៩

†12:20 ១២:២០៖ នង ១៩:១២-១៣

†12:21 ១២:២១៖ នវ ៩:១៩

*12:22 ១២:២២៖ កាល ៤:២៦; នតម ២១:២

†12:23 ១២:២៣៖ ទឹងលែៈឞ៝ន់អីជេងក៝នកោរាញឞ្រាស ឞ៝ន់ទើយលាសឞ៝ន់ជេងអីក៝នទាកឞោកពាង់ដ៝ង់ យ៝រលាសទឹងលែៈឞ៝ន់ឆ៝ៈទើននាវគែសជេងតាៈឞើសកោរាញឞ្រាសតឹមឞានឞាល់។

*12:23 ១២:២៣៖ ហេឞ ២:១០; រម ៨:១៤-១៧; អេផ ៣:៥-៦; ផល ៣:២០; ១ពេ ១:២

‡12:24 ១២:២៤៖ កាអីន អីនោងខឹតអីអ៝សពាង់អាបែល ឞារហៃខាន់ពាង់នៃជេងអីក៝នអាដាម់ អីឞូនុយ្សកោរាញឞ្រាសញជេងនើស(នន ៤:៨-១០)។

*12:24 ១២:២៤៖ ១តម ២:៥-៦; លក ២២:២០

*12:25 ១២:២៥៖ ហេឞ ២:៣; ១០:២៩

†12:26 ១២:២៦៖ អាគ ២:៦

*12:27 ១២:២៧-២៨៖ កោល ១:១១-១២; ១ពេ ១:៣-៤

*12:29 ១២:២៩៖ នង ២៤:១៦-១៧; នវ ៤:២៤