3
មព្យាត់ឞូនុយ្ស
1 អើអ៝សនោតានាវញឆីង តាផូងខាន់អៃមៃ អ្វែសលាសគែសដេៈទើមឞូនុយ្សជាននើមនតី យ៝រលាសខាន់អៃមៃលែៈគឹតជេស កោរាញឞ្រាសផាតទោយ្សហេនអីនើមនតីជ្រូរាលាវឞូ។ 2 ទឹងលែៈឞ៝ន់ហោមជានតីសអ៝ក់ ឞូម៝សអីមោអោសជានតីសតានាវពាង់មឞើសងើយ ពាង់អីនៃជេងឞូនុយ្សលែៈទីកែស នអ៝ប់មាឞ្លាវម៝ត់ញជ្រាង់លែៈរាងោចឆាក់ជាន់ពាង់នើមរ៝។*៣:២៖ នហ ១០:១៩ 3 តាមឞូងឆែសឞ៝ន់តេៈល៝យ្ស គៃមាអ៝ន់ពាង់អ្យាត់ឞ៝ន់ លាសនទ្រីឞ៝ន់មផ៝ក់រាឆែជឹតលែតឞ៝ន់អុច ទឹងលែៈឆាក់ពាង់ហាន់ជឹតនៃរ៝*៣:៣៖ នាវអីនៃតឹមឞានមាតេៈរាឆែមុសនទ្រោក។។ 4 អ៝ន់ខាន់អៃមៃអ្វាញ់មាទូកក្វ៝ង់ ឞ៝លលាសពាង់ក្វ៝ង់ងាន់ ជេសរីនអ៝ប់មាគែសឆ្យាលខោមទាង់កាដោយ ហោមអែពាង់អីនាក់បើកទូកអីនៃ ហោមទើយជ្វែតតឹងនូយ្សនហ៝ម់ពាង់អុច យ៝រមានទើជ្វែតអីទុតជេៈង្វាយនៃ។ 5 ល៝ង់មព្យាត់តឹមឞានកើតនៃដ៝ង់ ពាង់ជេងនទើអីជេៈតាឆាក់ជាន់ យើនមាពាង់ទើយជានការក្វ៝ង់ងាន់។ ឞ៝លលាសទូមល៝ម់អុញជេៈ យើនមាទើយឆាឞ្រីទុតក្វ៝ង់ងាន់។ 6 មព្យាត់ជេងអុញទូនតីលដ៝ង់ ពាង់ជេងនទើទុតអ្យើសតាឆាក់ជាន់ឞ៝ន់អីជានអ៝ន់ឆាក់ជាន់ឞ៝ន់លែៈរាងោចជេងបឹបើច នទ្រែលមាឆូអ្យែសតានាវរេសឞ៝ន់ យ៝រលាសតាមព្យាត់អីនៃគែសអុញនាវអ្យើសតាៈឞើសនទ្រូងអុញ។*៣:៦៖ នម ៥២:៤; នហ ១៦:២៧; មថ ១២:៣៦-៣៧ 7 ទឹងលែៈមពោមពា(ឆ្យុម)ឞូនុយ្សទើយដាប់ទាទេ នអ៝ប់មាមពោមពា(ឆ្យុម)តាឞ្រី មពោមពា(ឆ្យុម)នារ មពោមពា(ឆ្យុម)ហូងវើរ មពោមពា(ឆ្យុម)តាទាក 8 យើនមាមព្យាត់មោគែសអោសទូហ្វេឞូនុយ្សទើយដាប់ពាង់ យ៝រលាសជេងនទើអីទុតអ្យើស ទាសមាលោសលាៈលោសលេងអីញជុនមានាវខឹតតឹមឞានមាខេសអីត៝ត់ខឹត។*៣:៨៖ មថ ១៥:១១, ១៨
9 មព្យាត់ឞ៝ន់មព្រើរានេកោរាញឞ្រាសឞឹឞ៝ន់ ជេសរីមព្យាត់ដ៝ង់ ឞ៝ន់គែសនាវតឹមរាកតឹមរាតាប់ឞូនុយ្សអីកោរាញឞ្រាសលែៈញជេងជេសអីតឹមឞានមាពាង់នើមនើស។ 10 លាសនទ្រីតាៈឞើសមឞូងទូហ្វេឞូនុយ្សទើមគែសនអ៝ប់មានាវរានេកោរាញឞ្រាស គែសនអ៝ប់មានាវរាករាតាប់។ អើអ៝សនោតានាវញឆីង ជានកើតនៃមោទីអោស! 11 អាសម៝ប់ដ៝ង់ឞើស គែសតូទាកង្វាយទើម គែសទាកកាស គែសទាកតាង់ដ៝ង់? 12 អើអ៝សនោតានាវញឆីង អាសតើមរាវីឞ្លាវដ៝ង់ឞើស ជេងព្លៃអោលីវ ? មោលាសតើមព្លៃយុងយារប៝នឞ្លាវដ៝ង់ឞើស ជេងព្លៃរាវី? តូទាកតាង់ មោដ៝ង់ឞ្លាវលោសជេងទាកកាស។*៣:១២៖ មថ ៧:១៦-២០
នាវមឹនគឹតឞ្លាវអីតាៈឞើសកោរាញឞ្រាស
13 តាផូងខាន់អៃមៃ ឞូម៝សអីគែសនាវមឹនគឹតឞ្លាវ នអ៝ប់មានាវគឹតវ៝ត់តានាវកោរាញឞ្រាស អ៝ន់ពាង់ជាននទើអ្វែសតានាវគុរេសទោ នអ៝ប់មាជាននាវអ្វែសអ៝ន់មាឞូអេងមានាវមលែសរាមេនអីតាៈឞើសនាវមឹនគឹតឞ្លាវ រីមើឞូកើបពាង់គែសនាវមឹនគឹតឞ្លាវងាន់។ 14 យើនមាលាសគែសនូយ្សនហ៝ម់មោនាចទុតហោងាន់ នទ្រែលមាគឹតមាឆាក់ពាង់នើមទើម លាសនទ្រីលើយទឹងនហីអេងឆាក់គែសនាវមឹនគឹតឞ្លាវ យ៝រលាសជានកើតនៃជេងនាវមរោសតឹមរាទ៝ង់ងខើងដាសនាវងាន់។*៣:១៤-១៨៖ នហ ១:៧; ១កោ ១:១៨-២១; កាល ៥:១៩-២៣ 15 នាវមឹនគឹតឞ្លាវកើតនៃ មោអោសទីតាៈឞើសកោរាញឞ្រាស ជេងតាៈឞើសនាវមឹនអ្យើសផូងឞូនុយ្សអីមោញឆីង តាៈឞើសនាវអុចអ្យើសតានូយ្សនហ៝ម់ នទ្រែលមាតាៈឞើសឞ្រាសអ្យើសទើម 16 យ៝រលាសអាសនតុកគែសនាវតឹមមោនាច នទ្រែលមានាវគឹតមាឆាក់ពាង់នើមទើម តានតុកនៃគែសនាវអុសអាស នទ្រែលមាគែសនាវអ្យើសអាប់នតីលងាន់។ 17 យើនមាឞូនុយ្សអីគែសនាវមឹនគឹតឞ្លាវអីតាៈឞើសកោរាញឞ្រាស ល៝រឞូជេងនាវគុងាវពាង់អ្វែសនឹង ពាង់គុនាវដាប់មពាន់ដាសឞូអេង ពាង់គែសនូយ្សនហ៝ម់មលែសរាមេន នូយ្សនហ៝ម់ឞ្លាវអ្យាត់នាវឞូ គែសនាវយោៈនអាចហោងាន់ នទ្រែលមាជាននទើអ្វែសមាឞូ ពាង់មោអោសកើយ្សឞូនុយ្ស ជេសរីមោគែសដ៝ង់នូយ្សនហ៝ម់នទ៝ប់មពោន។ 18 ឞូម៝សអីកើលឞូអេងគុតានាវដាប់មពាន់នទ្រាង់ឞាល់ ពាង់អីនៃតឹមឞានមាឞូនុយ្សតូចនាវដាប់មពាន់ ជេសរីរែកមានាវឆ៝ង់ គុរេសតឹមទីមានាវកោរាញឞ្រាសអុច។