២០
នាវងើយនតឹតមាផូងជានការតាមីរព្លៃយុងយារប៝ន
១ “នាវកោរាញឞ្រាសម៝ត់អ្វាញ់ឞូនុយ្ស តឹមឞានមាទូហ្វេឞូនុយ្សគែសមីរ។ អើមអោយពាង់ហាន់ គៃមាជ៝យឞូនុយ្សជានការតាមីរព្លៃយុងយារប៝នពាង់នើម។ ២ ពាង់លែៈតឹមទីជេសទូនតោរនាវអ៝ន់មាទឹងលែៈឞូនុយ្សជានការអីនៃទូមល៝ម់ព្រាក់កាក់*២០:២៖ «ទូមល៝ម់ព្រាក់កាក់» មោលាស «ទូដេនារី »។ គែសតាត្រ៝ង ៩ ១០ ១៣ ដ៝ង់។ទូនារ ជេសរីដាៈខាន់ពាង់ហាន់ជានការតាមីរពាង់រី។ ៣ ក្លាប់លាសតាម៝ងឆឹនពាង់ហាន់តៃដ៝ង់ ឆៃឞូនុយ្សអាបាៈហោមគុទើមតានតុកតាច់ទ្រាប់ មោគែសនតុកជានការ។ ៤ ពាង់លាសមាខាន់ពាង់៖ «អ៝ន់ខាន់មៃហាន់ជានការតាមីរគ៝ប់រី គ៝ប់មរាងខោមខាន់មៃអ៝ន់តឹមទី»។ ៥ ជេសរីផូងអីនៃហាន់រ៝។ ត៝ត់ងគូលនារ ត៝ត់ម៝ងពែកេងមាង់ ពាង់ហាន់ដាៈតៃឞូអាអេងកើតនៃដ៝ង់។ ៦ ត៝ត់លែៈម៝ងព្រាម់ ពាង់ហាន់តៃទូតឹជឹត ឆៃឞូនុយ្សអាបាៈអាអេងជឹតហោមគុទើមតានតុកតាច់ទ្រាប់រី។ ពាង់លាសមាផូងអីនៃ៖ «ម៝សគុទើមខាន់មៃតាអ្យាទូនាររាមាង់នៃ?» ៧ ខាន់ពាង់អើស៖ «យ៝រលាសមោគែសឞូនុយ្សអុចជ៝យហេនជានការ»។ ពាង់លាសមាផូងអីនៃ៖ «ខាន់មៃហាន់ជានការហ៝ម់អាមីរគ៝ប់រី»។ ៨ ត៝ត់កេងមាង់ ពាង់អីតើមមីរនៃលាសមាឞូនុយ្សញអោតព្រាក់៖ «ក្វាល់ហ៝ម់ផូងជានការ បើកព្រាក់អ៝ន់ខាន់ពាង់ បើកនតើមឞើសងគ្លែៈទុតឞូ ត៝ត់មាពាង់អីល៝រឞូ»។*២០:៨៖ កល ១៩:១៣; នវ ២៤:១៤-១៥ ៩ ត៝ត់ផូងជានការអីនតើមម៝ងព្រាម់ ឞូបើកអ៝ន់ខាន់ពាង់ទូហ្វេទូមល៝ម់ព្រាក់កាក់។ ១០ ជេសរីត៝ត់ផូងជានការអីល៝រឞូ ខាន់ពាង់ងក្ល៝ន់គែសព្រាក់អ៝ក់រាលាវឞូ យើនមាគែសទូមល៝ម់ព្រាក់កាក់តឹមឞានទើម។ ១១ ជេសខាន់ពាង់ឆ៝ៈព្រាក់អីនៃ ខាន់ពាង់ងើយប្រោកមាឞូនុយ្សអីតើមមីរអីនៃ៖ ១២ «ផូងអីជានការងគ្លែៈទុតឞើសកើយ ជានទូម៝ងទើម។ មៃបើកព្រាក់អ៝ន់ខាន់ពាង់តឹមឞានមាហេនជានការគុថ៝ង់តាទោសនារទូនាររាមាង់ដ៝ង់!» ១៣ ឞូនុយ្សអីតើមមីរនៃលាសមាទូហ្វេឞូនុយ្សតាខាន់ពាង់អីនៃ៖ «អើជាង់ គ៝ប់មោគែសអោសមរោសមៃ យ៝រលាសមៃលែៈតឹមទីទូនតោរនាវអុចជានការអ៝ន់គ៝ប់ទូនារទូមល៝ម់ព្រាក់កាក់។ ១៤ លាសនទ្រីឆ៝ៈព្រាក់មៃនៃហាន់ហ៝ម់ ឞូនុយ្សអីជានការឞើសកើយមៃ គ៝ប់អុចអ៝ន់តឹមឞានមាមៃដ៝ង់ ១៥ យ៝រលាសព្រាក់គ៝ប់នើមតឹងនូយ្សនហ៝ម់គ៝ប់នើមអុចទ៝ង់។ មោលាសអាចមាឆៃគ៝ប់ជានអ្វែស មៃតឹមមោនាចមាខាន់ពាង់?»*២០:១៥៖ រម ៩:១៦ ១៦ គែសឞូនុយ្សតានែសនតូអ្យាឞូគឹតខាន់ពាង់គែសនាវខ្លៃងាន់ យើនមាតាជឹតនាប់តៃមោអោសគែសនាវខ្លៃ។ តីសមាគែសឞូនុយ្សអេងជឹតតានែសនតូអ្យាឞូគឹតខាន់ពាង់មោអោសគែសនាវខ្លៃ យើនមាតាជឹតនាប់តៃបេងមាគែសនាវខ្លៃ†២០:១៦៖ «គែសឞូនុយ្សតានែសនតូអ្យា...ឞើសនាប់» មោលាស «ល៝ង់ឞូនុយ្សអីឞើសនាប់ព្លាច់ឞើសកើយ ឞូនុយ្សអីឞើសកើយបេងមាព្លាច់ឞើសនាប់»។”។*២០:១៦៖ មថ ១៩:៣០
នាវឞ្រាសយេឆូ មឞើសឆាក់ពាង់នើមខឹត
(មក ១០:៣២-៣៤; លក ១៨:៣១-៣៤)
១៧ នោកឞ្រាសយេឆូ ហាន់តាប៝នក្វ៝ង់យេរូឆាលឹម ពាង់លែវ ១២ នុយ្សមពោលកោរាញអ៝សម៝នពាង់ ហាន់អេង នោកហោមហាន់រ៝ៈត្រ៝ង ពាង់លាសមាខាន់ពាង់កើតនអា៖ ១៨ “អាបៃអ្យាឞ៝ន់ហាន់ជឹតប៝នយេរូឆាលឹម ។ គ៝ប់អ្យាអីក៝នឞូនុយ្សតាៈឞើសកោរាញឞ្រាស ឞូទែញជុនអ៝ន់មាមពោលកោរាញជានឞ្រាស នទ្រែលមាផូងនើមនតីនាវវៃផូងឞ៝ន់។ ជេសរីខាន់ពាង់អីនៃតេៈទោយ្សគ៝ប់ត៝ត់ខឹត។*២០:១៨-១៩៖ មថ ១៦:២១; ១៧:២២-២៣ ១៩ ខាន់ពាង់អីនៃញជុនគ៝ប់មាផូងអីមោទីផូងអីឆ្រាអែល អ៝ន់ឞូគើមងគ្រើស រាពាត់មាម៝ង់រាឆែ នហ៝មាងខឹតគ៝ប់តាឆីតឹមរាកាង់។ យើនមាត៝ត់ពែនារកោរាញឞ្រាសអ៝ន់គ៝ប់ទ៝ក់រេសតៃដ៝ង់”។
នាវទាន់អីអូរឆេបេដេ
(មក ១០:៣៥-៤៥; លក ២២:២៤-២៧)
២០ នោកនៃអីអូរឆេបេដេ លែវឞារហៃក៝នពាង់នើមហាន់ច៝នកោម៝ក់តាជ៝ង់ឞ្រាសយេឆូ រី អុចទាន់ទូនតីលនាវ។ ២១ ឞ្រាសយេឆូ អោបពាង់៖ “ម៝សនាវអៃអុច?” ពាង់អើស៖ “នោកមៃជេងកាដាច់ងាន់តានាវមៃនើមម៝ត់អ្វាញ់តៃ អ៝ន់ឞារហៃក៝នគ៝ប់អ្យាជេងក្វ៝ង់រាលាវឞូគុតាន៝ម់មៃនើម ទូហ្វេគុឞើសមាទូហ្វេគុឞើសច្យៅមៃ”។*២០:២១៖ មថ ១៩:២៨ ២២ យើនមាឞ្រាសយេឆូ អើស៖ “ខាន់អៃមៃមោគឹតវ៝ត់អោស ម៝សនទើខាន់អៃមៃទាន់។ លាសនទ្រីខាន់មៃទើយឆ៝ៈទើយញេតដ៝ង់នទ្រាញ់ព្លៃយុងយារប៝នតាកាច៝កអីគ៝ប់ឞែញេត គែសនាវខ្លៃលាសគែសនាវជេរជ៝ត់កើតគ៝ប់ដ៝ង់?” យាកើ នទ្រែលមាយោហាន អើស៖ “អើ ហេនទើយឆ៝ៈទើន”។*២០:២២៖ មថ ២៦:៣៩ ២៣ ឞ្រាសយេឆូ លាសមាខាន់ពាង់៖ “នាវខាន់មៃឆ៝ៈទើនញេតនទ្រាញ់ព្លៃយុងយារប៝នតាកាច៝កអីគ៝ប់ញេតមរាគែសងាន់ តីសមាអីនាវគុឞើសមាឞើសច្យៅរី គ៝ប់មោអោសទើយរ៝ម យ៝រមានតុកអីនៃលែៈនទ្រាប់អ៝ន់មាឞូនុយ្សអីឞឹគ៝ប់នើមលែៈអុចអ៝ន់ទើម”។*២០:២៣៖ ការ ១២:២ ២៤ ត៝ត់មពោលអ៝សម៝នអីជឹតនុយ្សនៃតាង់លាសកើតនៃ ខាន់ពាង់ជីនូយ្សមាឞារហៃខាន់ពាង់អីនៃ។ ២៥ ជេសរីឞ្រាសយេឆូ ក្វាល់ទឹងលែៈមពោលអ៝សម៝នពាង់ ជេសរីលាស៖ “ខាន់មៃលែៈគឹតហើយ្សឞូនុយ្សអីម៝ត់អ្វាញ់មាផូងឞូនុយ្សអីមោទីផូងអីឆ្រាអែល ខាន់ពាង់អីនៃទាសអុចជានមាផូងប៝នលានខាន់ពាង់នើម គែសដ៝ង់មពោលអីតេសក្វ៝ង់តុនជ៝តមាផូងប៝នលានខាន់ពាង់នើម។ ២៦ តាមពោលខាន់មៃតៃមោអោសគែសកើតនៃ! តាមពោលខាន់មៃលាសគែសទូហ្វេអុចជានក្វ៝ង់ អ៝ន់ពាង់អីនៃជេងឞូនុយ្សឆើមកើលជានការមាខាន់មៃ។*២០:២៦-២៧៖ យហ ១៣:១៤-១៥; ១កោ ៩:១៩ ២៧ លាសគែសទូហ្វេអុចជានក្វ៝ង់រាលាវឞូ អ្យាត់មាពាង់ជានទឹកមាខាន់មៃប៝ត់។ ២៨ តឹមឞានមាគ៝ប់អីក៝នឞូនុយ្សតាៈឞើសកោរាញឞ្រាសវាច់តានែសនតូអ្យា មោអោសគ៝ប់ដាៈឞូឆើមកើលជានការអ៝ន់មាគ៝ប់។ បេងមាគ៝ប់ច្រាវឆើមកើលជានការអ៝ន់មាឞូ ជេសរីគ៝ប់ជាវឆាក់គ៝ប់នើមត៝ត់ខឹតឆាក់ គៃមាច្វាយអ៝ក់ឞូនុយ្ស”។*២០:២៨៖ អេឆា ៥៣:១០-១២; កោល ១:១៣-១៤
ឞ្រាសយេឆូ ជានឞាសត្រោមមាត់ឞារហៃឞូនុយ្សអ៝ន់ឆៃអាង
(មក ១០:៤៦-៥២; លក ១៨:៣៥-៤៣)
២៩ នោកខាន់ពាង់លោសឞើសប៝នយេរីខោ គែសអ៝ក់ឞូនុយ្សតឹងឞ្រាសយេឆូ ។ ៣០ នោកនៃគែសឞារហៃឞូនុយ្សចែសមាត់គុតាមែងត្រ៝ងរី។ ត៝ត់ខាន់ពាង់តាង់លាសឞ្រាសយេឆូ ហាន់រ៝ៈត្រ៝ងនៃ ខាន់ពាង់នតែររ៝៖ “អើកោរាញអីក៝នឆៅកាដាច់ដាវីត យោៈនអាចហេនបាៈអើ!”*២០:៣០-៣១៖ អេឆា ៩:៦; មថ ១:១; ១២:២៣; ១៥:២២; ២១:៩; ២២:៤២-៤៥; ការ ១៣:២៣; រម ១:៣-៤; នតម ៣:៧; ២២:១៦ ៣១ គែសឞូនុយ្សអ៝ក់ឞ្វៃខាន់ពាង់អ៝ន់គុអ្យាត់ឆាក់រាក្លាក់ហ៝ៈ យើនមាលើហោខាន់ពាង់នតែរ៖ “អើកោរាញអីក៝នឆៅកាដាច់ដាវីត យោៈនអាចហេនអើ!” ៣២ ឞ្រាសយេឆូ ញឆ្រុង ជេសរីក្វាល់ឞារហៃឞូនុយ្សចែសមាត់អីនៃអោប៖ “ម៝សនទើខាន់មៃអុចអ៝ន់គ៝ប់ជានមាខាន់មៃ?” ៣៣ ខាន់ពាង់អើស៖ “អើកោរាញ អ៝ន់មាត់ហេនឆៃអាង”។ ៣៤ ឞ្រាសយេឆូ យោៈនអាចខាន់ពាង់ហោងាន់ ពាសត្រោមមាត់ខាន់ពាង់ ជេសរីត្រោមមាត់ខាន់ពាង់ទោមាឆៃអាងរ៝ ជេសរីខាន់ពាង់តឹងឞ្រាសយេឆូ ។
*២០:២ ២០:២៖ «ទូមល៝ម់ព្រាក់កាក់» មោលាស «ទូដេនារី »។ គែសតាត្រ៝ង ៩ ១០ ១៣ ដ៝ង់។
*២០:៨ ២០:៨៖ កល ១៩:១៣; នវ ២៤:១៤-១៥
*២០:១៥ ២០:១៥៖ រម ៩:១៦
†២០:១៦ ២០:១៦៖ «គែសឞូនុយ្សតានែសនតូអ្យា...ឞើសនាប់» មោលាស «ល៝ង់ឞូនុយ្សអីឞើសនាប់ព្លាច់ឞើសកើយ ឞូនុយ្សអីឞើសកើយបេងមាព្លាច់ឞើសនាប់»។
*២០:១៦ ២០:១៦៖ មថ ១៩:៣០
*២០:១៨ ២០:១៨-១៩៖ មថ ១៦:២១; ១៧:២២-២៣
*២០:២១ ២០:២១៖ មថ ១៩:២៨
*២០:២២ ២០:២២៖ មថ ២៦:៣៩
*២០:២៣ ២០:២៣៖ ការ ១២:២
*២០:២៦ ២០:២៦-២៧៖ យហ ១៣:១៤-១៥; ១កោ ៩:១៩
*២០:២៨ ២០:២៨៖ អេឆា ៥៣:១០-១២; កោល ១:១៣-១៤
*២០:៣០ ២០:៣០-៣១៖ អេឆា ៩:៦; មថ ១:១; ១២:២៣; ១៥:២២; ២១:៩; ២២:៤២-៤៥; ការ ១៣:២៣; រម ១:៣-៤; នតម ៣:៧; ២២:១៦