2
ឞ្រាសក្រីស ញជុរអេងឆាក់ ជេសរីឆ៝ៈទើននាវច្រេកលើប
1 លាសខាន់អៃមៃលែៈឆ៝ៈទើនជេសនាវនហាវនូយ្សនហ៝ម់តាៈឞើសនាវគុនទ្រែលឞ្រាសក្រីស លាសលែៈគែសជេសនាវរ៝ង់ឞ្រាសក្រីស ឞ៝ញលែងខាន់អៃមៃ លាសឞ្រាសហ្វេងអ្វែសលែៈគុនទ្រែលខាន់អៃមៃ លាសឞ្រាសក្រីស លែៈយោៈនអាចខាន់អៃមៃ*២:១-៥៖ រម ១២:១០, ១៣-១៦; ១កោ ១០:២៤; កាល ៥:១៣-១៦ 2 លាសនទ្រីដាៈខាន់អៃមៃគែសនាវមឹនទូនតោរនាវ គែសនាវតឹមរ៝ង់ឞាល់ គែសនូយ្សនហ៝ម់ទូនតោរនាវ នទ្រែលមាគែសនាវមឹនង្វាយទើម។ លាសខាន់អៃមៃលែៈគែសទឹងលែៈនាវអីនៃ គ៝ប់រាម់មអាកងាន់។ 3 លើយអោសជាននទើមាជេងក្វ៝ង់ទើម លើយអោសជាននទើគៃមានហីអេងឆាក់នើម។ យើនមាអ៝ន់ញជុរអេងឆាក់នើម ជេសរីកើបឞូអេងក្វ៝ង់រាលាវមាឆាក់នើម។*២:៣៖ កាល ៥:២៦ 4 លើយអោសទូហ្វេទូហ្វេឆាក់មឹនមាឆាក់ពាង់នើមទើម អ៝ន់មឹនមាឞូនុយ្សអាអេងដ៝ង់។ 5 អ៝ន់មាខាន់អៃមៃគែសនូយ្សនហ៝ម់តឹមឞានមាឞ្រាសក្រីសយេឆូ ហ៝ៈ។*២:៥-៦៖ យហ ១:១៤; ១៧:៥
6 ឞ៝លលាសឞ្រាសក្រីសយេឆូ តឹមឞានមាកោរាញឞ្រាសនើមងាន់កាដោយ
ពាង់ក៝ៈមោអោសឆ៝ៈព្រាប់មាឆាក់ពាង់នើម
នាវអីពាង់តឹមឞានមាកោរាញឞ្រាសអីនៃ។
7 យើនមាពាង់មអារ់លើយនាវអីនៃ
ជេសរីជេងតឹមឞានមាទឹកឞូ
ពាង់ទែសជេងឞូនុយ្ស។
លែៈជេងឞូនុយ្សងាន់*២:៧៖ រម ៨:៣; ២កោ ៨:៩; កាល ៤:៤
8 ពាង់ញជុរអេងឆាក់ពាង់នើម
អ្យាត់ជានតឹងនាវកោរាញឞ្រាសដាៈ នហ៝មាត៝ត់ខឹតឆាក់។
រាលាវឞើសនៃជឹតនហ៝មាពាង់ទើននាវខឹតតាឆីតឹមរាកាង់អីដីតព្រេងតឹមឞានមាឞូនុយ្សទោយ្ស។*២:៨៖ មថ ២៦:៣៩; ហេឞ ៥:៨
9 កើតនទ្រីទឹងកោរាញឞ្រាសនហាវពាង់ទុតព្រេសកាលើ
នអ៝ប់មាជានអ៝ន់ពាង់ក្វ៝ង់
រាលាវមាទឹងលែៈនទើជឹត*២:៩-១១៖ មថ ២៨:១៨; អេផ ១:២១-២២; ហេឞ ១:៣; រម ១៤:១១
10 គៃមានោកតាង់រាញាឞ្រាសយេឆូ តៃ
ទឹងលែៈនទើតាកាលើត្រោកនតុកកោរាញឞ្រាសនើម
នអ៝ប់មាតានែសនតូ នអ៝ប់មាតាន៝ម់នែសនតូដ៝ង់ អ៝ន់លែវឞាល់ច៝នកោម៝ក់មឞាសពាង់ទាទេ។
11 កោរាញឞ្រាសនហាវពាង់គៃមាអ៝ន់ទឹងលែៈឞ៝រ់មឞូងមឞើសលាស៖
ឞ្រាសយេឆូក្រីស ពាង់កោរាញ។
កើតនទ្រីរានេកោរាញឞ្រាសអីឞឹអ៝ន់នាវច្រេកលើបមាពាង់។
ផូងញឆីងមាឞ្រាសក្រីស ជេងនាវអាងមានែសនតូ
12 អើផូងអីគ៝ប់រ៝ង់ ខាន់អៃមៃលែៈវៃអ្យាត់បាបើនាវគ៝ប់*២:១២៖ មោលាស «នាវកោរាញឞ្រាស»។ដាៈ។ កើតនទ្រីអ៝ន់ខាន់អៃមៃអ្យាត់នាវគ៝ប់ដាៈតៃជឹតទោ មោអោសទើនមានោកគ៝ប់ហោមគុនទ្រែលទើម យើនមានោកគ៝ប់គុងាយកាដោយ។ អ៝ន់ខាន់អៃមៃហោមញឆ្រោយ្សគុរេសតឹមទីមានាវកោរាញឞ្រាសអុច នអ៝ប់មាក្លាចយើកពាង់។ នាវអីនៃជេងទីមាខាន់អៃមៃអីលែៈឆ៝ៈទើននាវរាក្លាយ្ស*២:១២៖ ២កោ ៧:១; ១ពេ ១:១៧ 13 យ៝រលាសកោរាញឞ្រាសនើមជានអ៝ន់មាខាន់អៃមៃគែសនូយ្សនហ៝ម់អុចជានតឹងនាវពាង់អុច នអ៝ប់មាអ៝ន់ខាន់អៃមៃទើយជានតឹងនាវពាង់អុចដ៝ង់។*២:១៣៖ ផល ១:៦; ២តេ ១:១១
14 ទឹងលែៈនទើខាន់អៃមៃជាន លើយអោសអ៝ក់ឞ៝រ់ញជ៝រ់ឆេក មោលាសគែសនាវរាលាច់ 15 គៃមាអ៝ន់ខាន់អៃមៃជេងលែៈអ្វែសទីកែស មោគែសនាវមានទុយ្ស លែៈជេងក្ល៝ស ជេងក៝នកោរាញឞ្រាសនើមងាន់ ឞ៝លលាសខាន់អៃមៃគុនទ្រែលឞូនុយ្សតីស ឞូនុយ្សអ្យើសតារានោកអ្យា។ ខាន់អៃមៃលែៈជេងតឹមឞានមានាវអាងតាផូងខាន់ពាង់ តឹមឞានមានទើអាងតានែសនតូអ្យា។*២:១៥៖ មថ ៥:១៤; អេផ ៥:៨-៩; រម ៨:១៤-១៥ 16 អ៝ន់ខាន់អៃមៃញអោតន៝ប់នាវនតីមានាវរេសនហ៝រ៝†២:១៦៖ មោលាស «អ៝ន់ខាន់អៃមៃមឞើសងក៝ចមានាវរេសនហ៝រ៝អ៝ន់មាឞូ»។។ លាសខាន់អៃមៃជានកើតនៃ គ៝ប់ឞ្លាវនហីអេងឆាក់តានារឞ្រាសក្រីស វាច់តៃ យ៝រមាឆៃនាវគ៝ប់ញឆ្រោយ្សជានការរាអាសរាគាញ់នតីខាន់អៃមៃនើសមោអោសជេងទើមទាម។*២:១៦៖ ១តេ ២:១៩-២០ 17 នទើអីខាន់អៃមៃជានយ៝រមាខាន់អៃមៃញឆីងមាឞ្រាសក្រីស ជេងតឹមឞានមានទើខាន់អៃមៃញហើរមាកោរាញឞ្រាស។ លាសឞូងខឹតគ៝ប់‡២:១៧៖ តានាវងើយគ្រែក លាស៖ «លាសឞូងខុតគ៝ប់តឹមឞានមាឞូងខុតនទ្រាញ់តាកាលើនទើជានឞ្រាស»។ គែសនតីលជានឞ្រាសមាកោរាញឞ្រាសអាបាៈ ឞូងខុតនទ្រាញ់តាកាលើនទើជានឞ្រាស។ នាវអីនៃតឹមឞានមានទើញហើរមាកោរាញឞ្រាសអីគែសនត៝បនទើខាន់អៃមៃញហើរមាពាង់ដ៝ង់ ជេសរីគ៝ប់រាម់មអាក។ ជេសរីគ៝ប់អុចខាន់អៃមៃគែសនូយ្សនហ៝ម់រាម់មអាកនទ្រែលគ៝ប់។*២:១៧៖ ផល ១:២១-២២; នង ២៥:២៩; នក ២៨:៧; ២តម ៤:៦-៨ 18 កើតនៃដ៝ង់ អ៝ន់ខាន់អៃមៃរាម់មអាក អើ អ៝ន់ខាន់អៃមៃរាម់មអាកនទ្រែលគ៝ប់។*២:១៨៖ ផល ៣:១; ៤:៤
តីមោថេ នទ្រែលមាអេពាព្រោដីត ហាន់ញឆ៝ង
19 លាសកោរាញយេឆូ កើល គ៝ប់អុចអ៝ន់តីមោថេ ហាន់អាខាន់អៃមៃគើញរ៝ គៃមាញអោតនាវឞើសខាន់អៃមៃអ៝ន់នហាវនូយ្សនហ៝ម់គ៝ប់។*២:១៩-២៣៖ ផល ១:១; ការ ១៦:១-៣ 20 តាអ្យាគ៝ប់មោហោមអោសគែសឞូនុយ្សអាអេងជឹតអីគែសនាវមឹនតឹមឞានមាពាង់ ពាង់ហោងាន់មឹនរាវៃខាន់អៃមៃ។ 21 យ៝រលាសទឹងលែៈឞូនុយ្សអាអេងអុចមឹនមាឆាក់ខាន់ពាង់នើមទើម ខាន់ពាង់មោអោសមឹនមានទើឞ្រាសក្រីស អុច។*២:២១៖ កាល ៥:១៦-១៧ 22 ខាន់អៃមៃលែៈគឹតឆៃនូយ្សនហ៝ម់អ្វែសតីមោថេ ពាង់ជានការនទ្រែលគ៝ប់តានាវមឞើសងក៝ចនាវមហែមហានអ្វែស តឹមឞានមាក៝នជានការអ៝ន់មាឞឹ។ 23 លាសនទ្រីគ៝ប់ហោមគុក៝ប់ឞូមឞើសម៝សនទើអីឞូជានមាគ៝ប់ ជេសគ៝ប់គឹតនហេលនានេៈនទើអីនៃ គ៝ប់អុចអ៝ន់ពាង់ហាន់គើញរ៝អាខាន់អៃមៃ។ 24 គ៝ប់ញឆីងមាកោរាញឞ្រាសឞូមរាពើកគ៝ប់គើញឞើសនទ្រូង ជេសរីគ៝ប់មរាហាន់អាខាន់អៃមៃគើញដ៝ង់។*២:២៤៖ ផល ១:២៥
25 យើនមាគ៝ប់មឹនលាស ហោមអ្វែសមាអ៝ន់នោអេពាព្រោដីត ព្លឹឆឹតអាខាន់អៃមៃអាបៃអ្យា។ ពាង់ជេងអ៝សនោគ៝ប់តានាវញឆីង ជេងឞូនុយ្សជានការនទ្រែលគ៝ប់ ជេសរីពាង់ជេងឞូនុយ្សញឆ្រោយ្សនទ្រែលឞ៝ន់ ឞ៝លលាសគែសអ៝ក់ឞូនុយ្សតឹមរាទ៝ង់§២:២៥៖ «ពាង់ជេងអ៝សនោគ៝ប់តានាវញឆីង...» មោលាស «ពាង់ជេងឞូនុយ្សតាហែននទ្រែលហេន»។។ ខាន់អៃមៃលែៈអ៝ន់ពាង់ហាន់អាគ៝ប់ គៃមាមឞើសនាវឞើសខាន់អៃមៃ នអ៝ប់មាកើលម៝សនទើអីគ៝ប់អុច។*២:២៥៖ ផល ៤:១៨ 26 ពាង់ក្ល៝ង់ខាន់អៃមៃទុតហោងាន់ ពាង់គែសនាវរាង៝តងាន់យ៝រមាពាង់លែៈគឹតខាន់អៃមៃលែៈតាង់លឺពាង់គែសនាវជីនើស។ 27 ពាង់គែសនាវជីទុតហោឞើយមាខឹតងាន់ដ៝ង់ យើនមាកោរាញឞ្រាសយោៈនអាចពាង់អ៝ន់ពាង់ឞាសជី។ កោរាញឞ្រាសមោអោសទើនយោៈនអាចទូហ្វេពាង់ទើម យោៈនអាចគ៝ប់ដ៝ង់ គៃមាលើយអ៝ន់គ៝ប់គែសនាវរាង៝តលើមាហោជឹត។ 28 កើតនទ្រីគ៝ប់អុចអ៝ន់ពាង់ព្លឹឆឹតអាខាន់អៃមៃគើញរ៝ គៃមាខាន់អៃមៃរាម់មអាកត៝ត់ឆៃពាង់។ ជេសរីគ៝ប់មោហោមដ៝ង់រាវៃនាវអីខាន់អៃមៃលែៈរាវៃពាង់នើស។ 29 លាសនទ្រីអ៝ន់ខាន់អៃមៃរ៝មពាង់មានាវរាម់មអាកអ៝ន់ទុតហោ យ៝រមាពាង់ជេងអ៝សនោឞ៝ន់តានាវញឆីងមាកោរាញយេឆូ ។ ជេសរីយើកមាឞូនុយ្សអីកើតពាង់នៃទោ 30 យ៝រមាពាង់ឞើយខឹតឆាក់នៃនើសជានការមាឞ្រាសក្រីស ។ ពាង់លែៈនទ្រាប់ជាវជេសឆាក់ពាង់នើមមាខឹតគៃមាឆើមកើលខាន់អៃមៃអីខាន់អៃមៃមោអោសទើយហាន់កើលគ៝ប់។
*2:1 ២:១-៥៖ រម ១២:១០, ១៣-១៦; ១កោ ១០:២៤; កាល ៥:១៣-១៦
*2:3 ២:៣៖ កាល ៥:២៦
*2:5 ២:៥-៦៖ យហ ១:១៤; ១៧:៥
*2:7 ២:៧៖ រម ៨:៣; ២កោ ៨:៩; កាល ៤:៤
*2:8 ២:៨៖ មថ ២៦:៣៩; ហេឞ ៥:៨
*2:9 ២:៩-១១៖ មថ ២៨:១៨; អេផ ១:២១-២២; ហេឞ ១:៣; រម ១៤:១១
*2:12 ២:១២៖ មោលាស «នាវកោរាញឞ្រាស»។
*2:12 ២:១២៖ ២កោ ៧:១; ១ពេ ១:១៧
*2:13 ២:១៣៖ ផល ១:៦; ២តេ ១:១១
*2:15 ២:១៥៖ មថ ៥:១៤; អេផ ៥:៨-៩; រម ៨:១៤-១៥
†2:16 ២:១៦៖ មោលាស «អ៝ន់ខាន់អៃមៃមឞើសងក៝ចមានាវរេសនហ៝រ៝អ៝ន់មាឞូ»។
*2:16 ២:១៦៖ ១តេ ២:១៩-២០
‡2:17 ២:១៧៖ តានាវងើយគ្រែក លាស៖ «លាសឞូងខុតគ៝ប់តឹមឞានមាឞូងខុតនទ្រាញ់តាកាលើនទើជានឞ្រាស»។ គែសនតីលជានឞ្រាសមាកោរាញឞ្រាសអាបាៈ ឞូងខុតនទ្រាញ់តាកាលើនទើជានឞ្រាស។
*2:17 ២:១៧៖ ផល ១:២១-២២; នង ២៥:២៩; នក ២៨:៧; ២តម ៤:៦-៨
*2:18 ២:១៨៖ ផល ៣:១; ៤:៤
*2:19 ២:១៩-២៣៖ ផល ១:១; ការ ១៦:១-៣
*2:21 ២:២១៖ កាល ៥:១៦-១៧
*2:24 ២:២៤៖ ផល ១:២៥
§2:25 ២:២៥៖ «ពាង់ជេងអ៝សនោគ៝ប់តានាវញឆីង...» មោលាស «ពាង់ជេងឞូនុយ្សតាហែននទ្រែលហេន»។
*2:25 ២:២៥៖ ផល ៤:១៨