នាវកោរាញឞ្រាសងើយនាវតឹមរាង្លាប់មហែ នាវតឹមមពើល 20

នាវម៝ត់អ្វាញ់នទ្រែលឞ្រាសក្រីស ១០០០ នាម់

1 ជេសរីគ៝ប់ឆៃទូហ្វេតោងពារ់ជុរឞើសកាលើត្រោកនតុកកោរាញឞ្រាស នអ៝ប់មាញអោតក៝នឆ៝នតូឞ្រ៝ង់ នទ្រែលមាញអោតរាឆែរាវាក់ទុតក្វ៝ង់ដ៝ង់។* 2 តោងពារ់អីនៃញុបក៝ត់ក្រុងឞេសញុកញាក់អីនៃជ៝ៈ ១០០០ នាម់។ ឞេសញុកញាក់អីនៃជេងឞេសតាៈឞើសកាល់អែនើសងាន់ ពាង់កោរាញមពោលឞ្រាសអ្យើស រាញាឆាតាង់ ។* 3 តោងពារ់ងក្លាច់ពាង់តានតូឞ្រ៝ង់ ជេសរីនតឹលមពោងតេៈឆ៝ លឹរត្រាឞើសទីសមពោង គៃមាលើយអោសអ៝ន់ពាង់លែវមរោសអ៝ន់ទឹងលែៈឞ្រីទាកជឹត នហ៝មាត៝ត់លោច ១០០០ នាម់ រីមើបើកពាង់ទូប្ល៝ត់។

4 ជេសរីគ៝ប់ឆៃគែសអ៝ក់រានើលកាដាច់ នអ៝ប់មាគែសឞូនុយ្សគុដ៝ង់ ឞូនុយ្សអីគុតារានើលកាដាច់អីនៃគែសនាវទើយមាផាតទោយ្ស។ ទឹងលែៈហ្វេងឞូនុយ្សខឹតអីឞូក៝សត៝ងក៝យ៝រមាខាន់ពាង់មឞើសងក៝ចឞ្រាសយេឆូ ជេងកោរាញខាន់ពាង់នើម នទ្រែលមាមឞើសងក៝ចនាវងើយកោរាញឞ្រាសនើស ទឹងលែៈខាន់ពាង់អីនៃនើសមោអោសយើកមឞាសមាមពោមពា(ឆ្យុម)អីទុតជាញអីនៃ មោលាសមារូបពាង់ ខាន់ពាង់មោដ៝ង់ឆ៝ៈទើននាវមឞេនតានទាង់ក្លែង មោលាសតាតី។ ខាន់ពាង់ទ៝ក់រេសតៃ គុម៝ត់អ្វាញ់នទ្រែលឞ្រាសក្រីស ជ៝ៈ ១០០០ នាម់។ * 5 អីនៃជេងនាវទ៝ក់រេសឞោកទាក ជេសរីផូងឞូនុយ្សខឹតអាបាៈអេងមោអោសទ៝ក់រេស នហ៝មាត៝ត់លោច ១០០០ នាម់អីនៃមើ។ 6 ឞូម៝សអីលែៈទ៝ក់រេសឞោកទាកអីនៃ ពាង់អ្វែសមអាកងាន់ នទ្រែលមាក្ល៝សអ្វែសដ៝ង់។ នាវខឹតត៝ល់ឞារអីគុតាងលៅអុញនហ៝រ៝ មោហោមអោសគែសនាវទើយមាពាង់ជឹត ទឹងលែៈឞូនុយ្សអីនៃមរាជេងផូងឞូនុយ្សជានឞ្រាសមាកោរាញឞ្រាសនើម នទ្រែលមាឞ្រាសក្រីស នើម ជេសរីម៝ត់អ្វាញ់នទ្រែលឞ្រាសក្រីស នើមជ៝ៈ ១០០០ នាម់។ *

កោរាញមពោលឞ្រាសអ្យើសមោអោសគែសនាវទើយជឹត

7 លែៈលោចជេស ១០០០ នាម់ កោរាញឞ្រាសមរាបើកឆាតាង់ លោសឞើសត្រោមនទ្រូង‌ 8 ជេសរីឆាតាង់ មរាមរោសលែវទឹងលែៈឞូនុយ្សទឹងលែៈឞ្រីទាកលាមនែសនតូអ៝ន់ហ្យើត គៃមារាគូមខាន់ពាង់តឹមលើស ឞូមរាក្វាល់ខាន់ពាង់«ផូងក៝ក់ » នអ៝ប់មា«ផូងមាក៝ក់ »។ ខាន់ពាង់អីនៃទុតអ៝ក់ងាន់ តឹមឞានមាច៝យ្សរ៝ៈទាកវាច់ទាកវារ់។* 9 ជេសរីខាន់ពាង់ហាន់ឞ្រាលាមនែសនតូញជ្វែងនតុកគុផូងប៝នលានកោរាញឞ្រាស ជេងប៝នអីកោរាញឞ្រាសរ៝ង់។ យើនមាគែសអុញតុបឞើសកាលើត្រោកឆាខាន់ពាង់លែៈផ្យៅ។ 10 ល៝ង់កោរាញមពោលឞ្រាសអ្យើសអីមរោសលែវខាន់ពាង់អ៝ន់ហ្យើតនៃនើស ឞូងក្លាច់ពាង់តាងលៅអុញគែសញឆីវហីត ជេងនតុកឞូលែៈងក្លាច់មពោមពា(ឆ្យុម)អីទុតជាញ នទ្រែលមាឞូនុយ្សនតើយ្សងក្លាៈនាវងើយកោរាញឞ្រាសនើស។ នតុកនៃខាន់ពាង់គែសនាវរេសរាញាល់បាបើនហ៝រ៝ ទឹងមាង់ទឹងនារងាន់។*

នាវផាតទោយ្សងគ្លែៈទុត

11 ជេសរីគ៝ប់ឆៃទូមល៝ម់រានើលកាដាច់ក្វ៝ង់ងាន់ រានើលអីនៃងលាង ឆៃនអ៝ប់មានើមអីគុតារានើលអីនៃដ៝ង់។ ត្រោក នទ្រែលមានែសនតូទូលោសឞើសនើមអីនៃលែៈផ្យៅ ជេសរីមោហោមឆៃជឹតអោស។* 12 នោកនៃគ៝ប់ឆៃផូងឞូនុយ្សខឹត នអ៝ប់មាឞូជេៈ ឞូក្វ៝ង់ ទ៝ក់ឞើសនាប់រានើលកាដាច់អីនៃ គែសអ៝ក់ឆ៝ម់បុតឞូពើក ជេសរីគែសទូមល៝ម់ឆ៝ម់បុតជឹតឞូពើកដ៝ង់ អីនៃជេងឆ៝ម់បុតនាវរេស។ ទឹងលែៈផូងឞូនុយ្សលែៈខឹតនើសកោរាញឞ្រាសផាតទោយ្សទាទេ តឹងនទើខាន់ពាង់នើមលែៈជាន អីលែៈគែសញចីសជេសតាអ៝ក់ឆ៝ម់បុតអីនៃ។* 13 ល៝ង់ផូងឞូនុយ្សអីខឹតតាទាកវាច់ទាកវារ់នៃ នទ្រែលមាផូងឞូនុយ្សអីលែៈខឹតអីគុតានតុកផូងខឹត ទឹងលែៈផូងឞូនុយ្សលែៈខឹតនើស វាច់ឆ៝ៈទើននាវផាតទោយ្សតឹងនទើខាន់ពាង់នើមលែៈជានទូហ្វេទូហ្វេ។* 14 ជេសរីឞូងក្លាច់នតុកផូងខឹតគុតាងលៅអុញអីនៃ ងលៅអុញអីនៃជេងនាវខឹតត៝ល់ឞារ មោហោមអោសគែសនាវខឹតជឹត។* 15 ឞូម៝សអីមោអោសគែសញចីសរាញាតាឆ៝ម់បុតនាវរេស ពាង់អីនៃកោរាញឞ្រាសងក្លាច់លើយតាងលៅអុញដ៝ង់។*

*20:1 ២០:១៖ នតម ៩:១

*20:2 ២០:២៖ នតម ១២:៩; នន ៣:១

*20:4 ២០:៤៖ នតម ១៣:១៤-១៦; មថ ១៩:២៨; ១កោ ៦:២-៣

*20:6 ២០:៦៖ នតម ២០:១២-១៥; ២១:៨

*20:8 ២០:៨៖ អេឆេ ៣៨:១-២៣; ៣៩:១-២៩

*20:10 ២០:១០៖ នតម ១៩:២០

*20:11 ២០:១១៖ នតម ៤:២; មថ ២៥:៣១; ២ពេ ៣:១០, ១២

*20:12 ២០:១២៖ នតម ៣:៥; ដាន ៧:១០

*20:13 ២០:១៣៖ យហ ៥:២៨-២៩

*20:14 ២០:១៤៖ អេឆា ២៥:៨; ១កោ ១៥:២៦, ៥៤-៥៥

*20:15 ២០:១៥៖ នតម ១៣:៨