២
កោរាញឞ្រាសផាតទោយ្សនាវតីស
១ ទឹងលែៈខាន់អៃមៃអីផាតទោយ្សនាវតីសឞូ ខាន់អៃមៃមោគែសនាវមាញឆីសដ៝ង់ យ៝រលាសនោកខាន់អៃមៃផាតទោយ្សនាវតីសឞូ ខាន់អៃមៃទោលតេៈទោយ្សមាឆាក់ខាន់អៃមៃនើមដ៝ង់ យ៝រលាសខាន់អៃមៃអីនើមផាតទោយ្សនាវតីសឞូ ជានតីសកើតឞូដ៝ង់។*២:១៖ រម ១៤:១០; មថ ៧:១-២; យាក ៤:១១-១២ ២ ឞ៝ន់លែៈគឹតជេស កោរាញឞ្រាសតេៈទោយ្សឞូនុយ្សអីជានតីសកើតនៃជេងទីងាន់។ ៣ ល៝ង់ខាន់អៃមៃ ខាន់អៃមៃផាតនាវតីសឞូ តីសមាឆាក់ខាន់អៃមៃនើមហោមជានតីសកើតឞូដ៝ង់។ អាសខាន់អៃមៃនអោនលាសឆាក់ខាន់អៃមៃនើមក្លាយ្សឞើសនាវកោរាញឞ្រាសតេៈទោយ្សឞើស? ៤ ខាន់អៃមៃមឺចនាវកោរាញឞ្រាសជាននទើទុតអ្វែសមាខាន់អៃមៃឞើស? ខាន់អៃមៃមឺចនាវពាង់អ៝ត់នូយ្ស នាវពាង់ជ៝ៈនូយ្សមាខាន់អៃមៃឞើស? អ៝ន់ខាន់អៃមៃគឹតវ៝ត់នាវកោរាញឞ្រាសអុចជាននទើអ្វែសមាខាន់អៃមៃ អុចលែវខាន់អៃមៃរាគ៝ល់នូយ្សនហ៝ម់អ្យើស។*២:៤៖ ការ ១៧:៣០; មក ១:១៥ ៥ អាចមានូយ្សនហ៝ម់ខាន់អៃមៃហោមទាង់ក៝ មោអុចអោសរាគ៝ល់នូយ្សនហ៝ម់អ្យើស ខាន់អៃមៃព្រាប់នាវតីសលើមាអ៝ក់អីកោរាញឞ្រាសតេៈទោយ្សត៝ត់តានារកោរាញឞ្រាសផាតទោយ្សទឹងលែៈឞូនុយ្សមានាវឆ៝ង់។*២:៥-៦៖ យហ ៣:១៩; ២កោ ៥:១០ ៦ ពាង់មរាអ៝ន់នាវងខោម មោលាសនាវតេៈទោយ្សមាទឹងលែៈឞូនុយ្ស តឹងនទើខាន់ពាង់នើមលែៈជេសជាន។ ៧ ពាង់មរាអ៝ន់នាវរេសនហ៝រ៝មាឞូម៝សអីញឆ្រោយ្សជាននទើអ្វែស ជ៝យគៃមាគែសនាវច្រេកលើបអីតាៈឞើសកោរាញឞ្រាស ជ៝យគៃមាគែសនាវរានេតាៈឞើសកោរាញឞ្រាស នទ្រែលមាជ៝យគៃមាគែសនាវរេសមោឞ្លាវខឹតអីកោរាញឞ្រាសអ៝ន់។*២:៧៖ កោល ៣:៣; ១តម ១:១៦ ៨ យើនមាពាង់ជីនូយ្សតេៈទោយ្សហោងាន់មាឞូម៝សអីគឹតមាឆាក់ពាង់នើមទើម ឞូម៝សអីតឹមរាទ៝ង់មានាវងាន់ ងខើងមាអុចជាននទើអ្យើសច្រាវ។ ៩ កោរាញឞ្រាសអ៝ន់នាវរេសរាញាល់ នាវងក្ល៝ន់រាវៃមាទឹងលែៈឞូនុយ្សជានអ្យើស ពាង់អ៝ន់មាផូងអីឆ្រាអែល ល៝រឞូ ជេសរីនអ៝ប់មាផូងអីមោទីផូងអីឆ្រាអែល *២:៩-១០៖ «ផូងអីមោទីផូងអីឆ្រាអែល » មោលាស «ផូងគ្រែក »។ដ៝ង់។*២:៩-១០៖ ២កោ ៥:១០ ១០ យើនមាឞូម៝សអីជានអ្វែស កោរាញឞ្រាសអ៝ន់នាវច្រេកលើប នាវរានេ នាវដាប់មពាន់។ ពាង់អ៝ន់មាផូងអីឆ្រាអែល ល៝រឞូ ជេសរីនអ៝ប់មាផូងអីមោទីផូងអីឆ្រាអែល ដ៝ង់ ១១ យ៝រលាសកោរាញឞ្រាសកើបទឹងលែៈឞូនុយ្សតឹមឞាន។*២:១១៖ នវ ១:១៦-១៧; ការ ១០:៣៤; ១ពេ ១:១៧
១២ លាសផូងអីមោទីផូងអីឆ្រាអែល អីមោគឹតនាល់នាវវៃមោឆេ ខាន់ពាង់ជានតីស កោរាញឞ្រាសតេៈទោយ្សមាខាន់ពាង់អីនៃរ៝ ឞ៝លលាសខាន់ពាង់អីនៃមោអោសគឹតនាល់នាវវៃអីនៃ។ ផូងអីឆ្រាអែល អីលែៈគឹតនាល់នាវវៃអីនៃ ជេសរីហោមជានតីស កោរាញឞ្រាសតេៈទោយ្សមាខាន់ពាង់តឹមទីដាសនាវវៃអីនៃ*២:១២-១៦៖ រម ៣:១៩-២០ ១៣ យ៝រលាសឞូម៝សអីទើនតាង់នាវវៃអីនៃទើម កោរាញឞ្រាសអេហ៝ៈអោសកើបឆ៝ង់តានាប់មាត់ពាង់នើម ឞូនុយ្សអីជានតឹងនាវវៃអីនៃរីមើពាង់កើបលែៈឆ៝ង់។*២:១៣៖ មថ ៧:២១-២៣; យាក ១:២២ ១៤ ផូងអីមោទីផូងអីឆ្រាអែល មោគែសអោសនាវវៃអីនៃ តាៈឞើសនាវខាន់ពាង់ហោមជានតឹងនាវវៃអីនៃ ខាន់ពាង់ញហើខាន់ពាង់លែៈអើមគឹតអេងនាវវៃអីនៃ ឞ៝លលាសមោគែសអោសនាវវៃអីនៃកាដោយដ៝ង់។ ១៥ កើតនទ្រីខាន់ពាង់ញហើនាវវៃអីនៃអីលែៈគែសញចីសតានូយ្សនហ៝ម់ខាន់ពាង់ យ៝រលាសនូយ្សនហ៝ម់នាវមឹនខាន់ពាង់នើមលែៈមឞើសអេងជេសម៝សនទើតីសម៝សនទើអ្វែស។ ១៦ នោកគ៝ប់មឞើសងក៝ចនាវមហែមហានអ្វែសមាឞូ គ៝ប់លាសកើតអ្យា៖ គែសទូនារជឹតនាប់តៃកោរាញឞ្រាសអ៝ន់ឞ្រាសយេឆូក្រីស ផាតទោយ្សទឹងលែៈឞូនុយ្ស ពាង់ផាតទោយ្សទឹងលែៈនទើអីនទ៝ប់តាឞូនុយ្សដ៝ង់។*២:១៦៖ ១កោ ៤:៥; ២កោ ៥:១០; ២តម ៤:១; នម ២៦:២
ផូងអីឆ្រាអែល ជេសរីនាវវៃមោឆេ
១៧ អើខាន់អៃមៃអីជេងផូងអីឆ្រាអែល ខាន់អៃមៃញឆីងមានាវវៃមោឆេ អីតាៈឞើសកោរាញឞ្រាស ជេសរីនហីអេងឆាក់គុទាច់មាកោរាញឞ្រាស។*២:១៧-១៨៖ រម ៣:៩; មថ ៣:៩; ផល ៣:៤-៦ ១៨ ខាន់អៃមៃគឹតនាល់នាវកោរាញឞ្រាសអុច នទ្រែលមាលែៈគឹតម៝សនទើអ្វែសម៝សនទើអ្យើស យ៝រមាលែៈជេសឞូនតុមនតីនាវវៃអីនៃមាខាន់អៃមៃ។ ១៩ ខាន់អៃមៃលែៈកើបអេងឆាក់ខាន់អៃមៃនើមឞ្លាវនតីនាវកោរាញឞ្រាសអ៝ន់មាផូងអីមោទីផូងអីឆ្រាអែល នាវអីនៃកើបអេងឆាក់ខាន់អៃមៃនើមតឹមឞានមាឞូនុយ្សឞ្លាវតេកឞូនុយ្សចែសមាត់ កើបអេងឆាក់ខាន់អៃមៃនើមជេងតឹមឞានមានាវអាងមាឞូនុយ្សគុតានាវង៝។ ២០ ខាន់អៃមៃកើបផូងអីមោទីផូងអីឆ្រាអែល ជេងឞូនុយ្សរាលូកម៝ល់ ជេងក៝នឆែ ជេសរីគឹតអេងឆាក់ខាន់អៃមៃនើមឞ្លាវនតីមាខាន់ពាង់ យ៝រលាសខាន់អៃមៃលែៈគែសនាវវៃអីនៃ ជេសរីតានាវវៃអីនៃលែៈគែសទឹងលែៈនាវគឹតឞ្លាវ លែៈគែសទឹងលែៈនាវងាន់។ ២១ អើខាន់អៃមៃអីនតុមនតីឞូ តីសមាមោអោសនតុមនតីឆាក់ខាន់អៃមៃនើម។ ខាន់អៃមៃនតីឞូលើយនតុង តីសមាឆាក់ខាន់អៃមៃនើមនតុង។*២:២១-២៤៖ នម ៥០:១៦-២១; មថ ៧:៣-៥; ២៣:២-៤ ២២ ខាន់អៃមៃឞ្វៃឞូលើយល៝ម់អូរល៝ម់ឆាយ តីសមាឆាក់ខាន់អៃមៃនើមល៝ម់អូរល៝ម់ឆាយ។ ខាន់អៃមៃលាសឆាក់ខាន់អៃមៃនើមឞ្យាញ់មារូបឞ្រាស តីសមាខាន់អៃមៃនតុងនទើញីសជានឞ្រាសមារូបឞ្រាសអីនៃ†២:២២៖ «ញីសជានឞ្រាសមារូបឞ្រាសអីនៃ» មោលាស «ញីសជានឞ្រាសមាកោរាញឞ្រាស»។ច្រាវ! ២៣ ខាន់អៃមៃនហីអេងឆាក់ខាន់អៃមៃនើមគឹតនាល់នាវវៃអីនៃ តីសមាខាន់អៃមៃមឺចកោរាញឞ្រាសអាចមាខាន់អៃមៃជានតីសដាសនាវវៃអីនៃ*២:២៣៖ រម ៣:១៩ ២៤ កើតមានាវកោរាញឞ្រាសងើយលែៈគែសញចីស៖ «អាចមាផូងខាន់អៃមៃ ទឹងផូងអីមោទីផូងអីឆ្រាអែល ងើយមឺចរាម៝តកោរាញឞ្រាស»†២:២៤៖ អេឆា ៥២:៥។
២៥ តឹងមានាវវៃមោឆេ ខាន់អៃមៃអីផូងអីឆ្រាអែល ក៝សនតោមាផូងឞូក្លោ។ នាវអីនៃគែសនាវខ្លៃទើមលាសខាន់អៃមៃជានតឹងទឹងលែៈនាវវៃមោឆេ យើនមាលាសខាន់អៃមៃជានតីសដាសនាវវៃអីនៃ ខាន់អៃមៃជេងតឹមឞានមាផូងអីមោទីផូងអីឆ្រាអែល អីមោគែសក៝សនតោ។*២:២៥៖ មថ ៣:៨-៩ ២៦ ជេសរីលាសគែសទូហ្វេឞូនុយ្សអីមោអោសទីផូងអីឆ្រាអែល មោគែសក៝សនតោ លាសពាង់គុឆ៝ង់ជានតឹងនាវវៃអីនៃ កោរាញឞ្រាសរ៝មពាង់តឹមឞានមាឞូនុយ្សផូងអីឆ្រាអែល លែៈជេសក៝សនតោដ៝ង់! ២៧ ឞូនុយ្សអីមោគែសក៝សនតោមោអោសទីផូងអីឆ្រាអែល យើនមាលាសពាង់ជានតឹងនាវវៃអីនៃ ពាង់មរាតេៈទោយ្សមាខាន់អៃមៃអីផូងអីឆ្រាអែល ងាន់រ៝ យ៝រលាសផូងអីឆ្រាអែល អីលែៈគែសក៝សនតោជានតីសមានាវវៃអីនៃ ឞ៝លលាសខាន់ពាង់លែៈគែសនាវវៃអីនៃញចីសតានាវកោរាញឞ្រាសងើយ។ ២៨ ឞូនុយ្សផូងអីឆ្រាអែល អីជេងប៝នលានកោរាញឞ្រាសងាន់ងេន មោទីអោសពាង់ជេងប៝នលានកោរាញឞ្រាសតាៈឞើសនទុលមែទើម មោលាសតាៈឞើសគែសក៝សនតោតាឆាក់ជាន់ទើម។*២:២៨-២៩៖ រម ៤:១២; ១កោ ៧:១៩; កាល ៥:៦; ផល ៣:៣; កោល ២:១១ ២៩ ឞូនុយ្សផូងអីឆ្រាអែល អីជេងប៝នលានកោរាញឞ្រាសងាន់ងេន ជេងតាៈឞើសនទើអីគែសតានូយ្សនហ៝ម់ តឹមឞានមាគែសក៝សនតោតានូយ្សនហ៝ម់។ នទើអីនៃតាៈឞើសឞ្រាសហ្វេងអ្វែសជាន មោតាៈឞើសនទើឞូនុយ្សជានតឹងមានាវវៃអីនៃ។ ឞូនុយ្សអីនៃមោអោសជ៝យនាវរានេតាៈឞើសឞូនុយ្ស ពាង់ជ៝យនាវរានេតាៈឞើសកោរាញឞ្រាស។*២:២៩៖ នវ ១០:១៦; ៣០:៦
*២:១ ២:១៖ រម ១៤:១០; មថ ៧:១-២; យាក ៤:១១-១២
*២:៤ ២:៤៖ ការ ១៧:៣០; មក ១:១៥
*២:៥ ២:៥-៦៖ យហ ៣:១៩; ២កោ ៥:១០
*២:៧ ២:៧៖ កោល ៣:៣; ១តម ១:១៦
*២:៩ ២:៩-១០៖ «ផូងអីមោទីផូងអីឆ្រាអែល » មោលាស «ផូងគ្រែក »។
*២:៩ ២:៩-១០៖ ២កោ ៥:១០
*២:១១ ២:១១៖ នវ ១:១៦-១៧; ការ ១០:៣៤; ១ពេ ១:១៧
*២:១២ ២:១២-១៦៖ រម ៣:១៩-២០
*២:១៣ ២:១៣៖ មថ ៧:២១-២៣; យាក ១:២២
*២:១៦ ២:១៦៖ ១កោ ៤:៥; ២កោ ៥:១០; ២តម ៤:១; នម ២៦:២
*២:១៧ ២:១៧-១៨៖ រម ៣:៩; មថ ៣:៩; ផល ៣:៤-៦
*២:២១ ២:២១-២៤៖ នម ៥០:១៦-២១; មថ ៧:៣-៥; ២៣:២-៤
†២:២២ ២:២២៖ «ញីសជានឞ្រាសមារូបឞ្រាសអីនៃ» មោលាស «ញីសជានឞ្រាសមាកោរាញឞ្រាស»។
*២:២៣ ២:២៣៖ រម ៣:១៩
†២:២៤ ២:២៤៖ អេឆា ៥២:៥
*២:២៥ ២:២៥៖ មថ ៣:៨-៩
*២:២៨ ២:២៨-២៩៖ រម ៤:១២; ១កោ ៧:១៩; កាល ៥:៦; ផល ៣:៣; កោល ២:១១
*២:២៩ ២:២៩៖ នវ ១០:១៦; ៣០:៦