៦
នាវតីសមោហោមអោសគែសនាវទើយជឹត
១ លាសនទ្រីមើមឞ៝ន់លាស? ឞ៝ន់ហោមអុចជានតីសតៃ គៃមានាវអ្វែសកោរាញឞ្រាសលើហោអ៝ក់ឞើស?*៦:១៖ រម ៥:២០ ២ មោទីអោស! ឞ៝ន់តឹមឞានមាលែៈខឹតមពែសមានាវតីស លាសនទ្រីមើមទឹងឞ៝ន់ហោមទើយគុរេសជានតីសជឹត?*៦:២៖ កោល ៣:៣ ៣ អើមខាន់អៃមៃមោគឹតបាស? ទឹងលែៈឞ៝ន់អីលែៈគែសជេសទើននាវបាប់តែមយុកមាទាក លែៈគុតឹមរាង្លាប់នទ្រែលឞ្រាសក្រីសយេឆូ ។ នាវឞ៝ន់ទើននាវបាប់តែមអីនៃ ជេងតឹមឞានមាឞ៝ន់ខឹតនទ្រែលពាង់ដ៝ង់។*៦:៣៖ ២កោ ៥:១៤; កាល ២:១៩ ៤ តានាវបាប់តែមយុកមាទាកអីនៃឞ៝ន់តឹមឞានមាខឹតនអ៝ប់មាត៝ប់នទ្រែលពាង់ គៃមាឞ៝ន់គុតានាវរេសមហែកើតឞ្រាសក្រីស ដ៝ង់។ ជេសរីអាបៃអ្យាឞ៝ន់ទើយគុរេសតានាវរេសមហែតឹមឞានមាឞ្រាសក្រីស អីកោរាញឞ្រាសឞឹលែៈអ៝ន់ទ៝ក់រេសតៃមានាវទើយនាវច្រេកលើបពាង់នើម។*៦:៤៖ រម ១:៣-៤; កោល ២:១២
៥ លាសឞ៝ន់លែៈគុនទ្រែលឞ្រាសក្រីស តានាវខឹតពាង់កើតនៃ ឞ៝ន់មរាទ៝ក់រេសតៃកើតពាង់លែៈទ៝ក់រេសដ៝ង់។ ៦ ឞ៝ន់លែៈគឹតជេស នូយ្សនហ៝ម់អើមឞ៝ន់អីអុចជានតីសនឹង តឹមឞានមាលែៈងខឹតជេសតាឆីតឹមរាកាង់នទ្រែលឞ្រាសក្រីស គៃមានាវតីសមោហោមគែសនាវទើយតានាវរេសឞ៝ន់។ ជេសរីឞ៝ន់លើយហោមអោសជានទឹកមានាវតីសជឹត។*៦:៦៖ កាល ៥:២៤ ៧ នតឹតលាសឞូម៝សអីលែៈខឹត លែៈក្លាយ្សជេសឞើសនាវទើយនាវតីសដ៝ង់ មោហោមឞ្លាវជានតីសតានែសនតូ។ ៨ លាសឞ៝ន់លែៈខឹតជេសនទ្រែលឞ្រាសក្រីស ឞ៝ន់លែៈគឹត ឞ៝ន់តៃទ៝ក់រេសនទ្រែលពាង់ដ៝ង់។*៦:៨៖ កាល ២:២០; ២តម ២:១១ ៩ ឞ៝ន់លែៈគឹតជេសនាវអីនៃ យ៝រលាសឞ្រាសក្រីស លែៈទ៝ក់រេសជេសឞើសផូងខឹត ពាង់មោហោមអោសឞ្លាវខឹតតៃ នាវខឹតមោហោមអោសគែសនាវទើយតាពាង់តៃ។*៦:៩៖ ២តម ១:១០; ១តេ ៤:១៤ ១០ នាវពាង់ខឹតអីនៃ ពាង់ខឹតទូតឹទើមមោហោមអោសខឹតតៃ គៃមាងគ្រ៝សលើយនាវតីស។ អាបៃអ្យាពាង់រេស ជេងរេសអ៝ន់មាកោរាញឞ្រាសនើម។*៦:១០៖ រម ៨:១-៣; ហេឞ ១០:១៤; ១ពេ ៣:១៨; ២កោ ៥:១៨-២១ ១១ លាសនទ្រីអ៝ន់ខាន់អៃមៃតឹមឞានកើតនៃដ៝ង់ អ៝ន់កើបខាន់អៃមៃនើមតឹមឞានមាលែៈខឹតជេសមពែសមានាវតីសលើយហោមអោសជានតីស ជេសរីអ៝ន់រេសមាកោរាញឞ្រាសនើម យ៝រលាសខាន់អៃមៃលែៈគុនទ្រែលឞ្រាសក្រីសយេឆូ ។*៦:១១៖ កាល ២:១៩-២០
១២ លាសនទ្រីខាន់អៃមៃលើយហោមអោសជានតឹងទូនតីលនទើអ្យើសនទើតីសជឹត លើយហោមអោសជានតឹងនាវកើញអ្យើសតាឆាក់ជាន់អីហោមឞ្លាវខឹត។ ១៣ លើយហោមអោសអ៝ន់ទូនតីលនទើតាឆាក់ជាន់ខាន់អៃមៃជាននទើអ្យើសនទើតីស យើនមាជាវខាន់អៃមៃនើមមាកោរាញឞ្រាស យ៝រលាសឞើសនតើមនើសខាន់អៃមៃតឹមឞានមាលែៈខឹត យើនមាអាបៃអ្យាខាន់អៃមៃលែៈគែសនាវរេសមហែ នទ្រីទឹង ទ៝ង់ទឹងលែៈឆាក់ជាន់ខាន់អៃមៃ គៃមាជាននទើឆ៝ង់នទើអ្វែសអ៝ន់មាកោរាញឞ្រាសទោ។*៦:១៣៖ រម ១២:១; ១ពេ ២:២៤ ១៤ ខាន់អៃមៃមោហោមអោសខាច់ជានតឹងនូយ្សនហ៝ម់អុចជានតីស ខាន់អៃមៃលែៈគែសនាវទើយមានាវអីនៃ យ៝រលាសខាន់អៃមៃមោហោមគុតាន៝ម់នាវវៃមោឆេ លែៈគុជេសតាន៝ម់នាវអ្វែសកោរាញឞ្រាស។*៦:១៤៖ រម ៥:២១; ៧:១-៦; កាល ៥:១៨; ១យហ ៣:៦
នាវដាៈឆើមកើលជានការមាកោរាញឞ្រាស
១៥ លាសនទ្រីមើមឞ៝ន់លាស? លាសឞ៝ន់លែៈគុជេសតាន៝ម់នាវអ្វែសកោរាញឞ្រាស មោហោមអោសគុតាន៝ម់នាវវៃមោឆេ លាសនទ្រីទីដ៝ង់ឞ៝ន់ហោមជានតីសលាសមោ? មោទីអោស!*៦:១៥៖ រម ៦:១ ១៦ ខាន់អៃមៃលែៈគឹតជេស ម៝សនទើអីខាន់អៃមៃអុចកើយ្សគៃមាជានតឹង ខាន់អៃមៃជេងតឹមឞានមាទឹកមានទើអីនៃ។ លាសខាន់អៃមៃជេងទឹកមានាវតីស នាវតីសលែវខាន់អៃមៃត៝ត់មានាវខឹត។ លាសខាន់អៃមៃកើយ្សអ្យាត់នាវកោរាញឞ្រាស នាវអីនៃលែវខាន់អៃមៃត៝ត់មាកោរាញឞ្រាសកើបខាន់អៃមៃឆ៝ង់។*៦:១៦៖ រម ៥:២១; មថ ៦:២៤ ១៧ ឞើសនតើមនើសខាន់អៃមៃជេងទឹកមានាវតីស យើនមាលាសអ្វែសមាកោរាញឞ្រាស អាបៃអ្យាខាន់អៃមៃលែៈអ្យាត់មាលែៈឞើសនូយ្សនហ៝ម់ងាន់នាវឞូលែៈនតុមនតីខាន់អៃមៃ។*៦:១៧៖ រម ៨:៧-៩; ២កោ ៥:២១ ១៨ កោរាញឞ្រាសលែៈរាក្លាយ្សជេសខាន់អៃមៃឞើសនាវតីស ជេសរីខាន់អៃមៃលែៈជេងទឹកមានាវគុងាវឆ៝ង់។*៦:១៨៖ យហ ៨:៣២; ១ពេ ២:១៦
១៩ គ៝ប់ងើយមានាវជានទឹកឞូ យ៝រលាសខាន់អៃមៃនើសហោមជេងឞូនុយ្សមោលាង់ជានតឹងនាវកោរាញឞ្រាសអុច។ ឞើសនតើមនើសខាន់អៃមៃជាវឆាក់ជាន់ខាន់អៃមៃនើមអ៝ន់ជានទឹកមានាវអ្យើស នទ្រែលមានាវតឹមរាទ៝ង់មាកោរាញឞ្រាសលើមាហោ។ អាបៃអ្យាអ៝ន់ខាន់អៃមៃជាវហ៝ម់ឆាក់ជាន់ខាន់អៃមៃនើមអ៝ន់ជានទឹកមានាវឆ៝ង់ គៃមាខាន់អៃមៃជេងក្ល៝សអ្វែស។ ២០ នោកខាន់អៃមៃហោមជានទឹកមានាវតីសនើស ខាន់អៃមៃមោអោសជានតឹងនាវកោរាញឞ្រាសអុច។ ២១ លាសនទ្រីនាវអីខាន់អៃមៃជានតីសអីនៃនើស ម៝សនទើគែសនាវខ្លៃមាខាន់អៃមៃអាបៃអ្យា? អាបៃអ្យាខាន់អៃមៃគែសនាវដីតទើមមានាវជានអីនៃ។ នាវអីនៃលែវខាន់អៃមៃត៝ត់តានាវខឹតគុតានទ្រូងអុញនហ៝រ៝តានារជឹតនាប់តៃ! ២២ យើនមាអាបៃអ្យាខាន់អៃមៃមោហោមអោសគុតាន៝ម់នាវទើយនាវតីស ខាន់អៃមៃលែៈជេងទឹក*៦:២២៖ «ទឹក» មោលាស «ឞូនុយ្សឆើមកើលជានការមាកោរាញឞ្រាស»។មាកោរាញឞ្រាស។ នាវខ្លៃអីលែៈជេងទឹកមាកោរាញឞ្រាស ខាន់អៃមៃជេងប៝នលានកោរាញឞ្រាសជេងក្ល៝សអ្វែស នាវអីនៃលែវត៝ត់តានាវរេសនហ៝រ៝។ ២៣ នាវជានតីសលែវត៝ត់តានាវខឹតគុតានទ្រូងអុញនហ៝រ៝។ ល៝ង់នទើកោរាញឞ្រាសអ៝ន់ទើមទាមមាឞ៝ន់ជេងនាវរេសនហ៝រ៝ តាៈឞើសនទើឞ្រាសក្រីសយេឆូ អីកោរាញឞ៝ន់លែៈជាននើស។*៦:២៣៖ រម ៥:២១; ១យហ ៥:១១-១២; នន ២:១៧; ៣:១៩
*៦:១ ៦:១៖ រម ៥:២០
*៦:២ ៦:២៖ កោល ៣:៣
*៦:៣ ៦:៣៖ ២កោ ៥:១៤; កាល ២:១៩
*៦:៤ ៦:៤៖ រម ១:៣-៤; កោល ២:១២
*៦:៦ ៦:៦៖ កាល ៥:២៤
*៦:៨ ៦:៨៖ កាល ២:២០; ២តម ២:១១
*៦:៩ ៦:៩៖ ២តម ១:១០; ១តេ ៤:១៤
*៦:១០ ៦:១០៖ រម ៨:១-៣; ហេឞ ១០:១៤; ១ពេ ៣:១៨; ២កោ ៥:១៨-២១
*៦:១១ ៦:១១៖ កាល ២:១៩-២០
*៦:១៣ ៦:១៣៖ រម ១២:១; ១ពេ ២:២៤
*៦:១៤ ៦:១៤៖ រម ៥:២១; ៧:១-៦; កាល ៥:១៨; ១យហ ៣:៦
*៦:១៥ ៦:១៥៖ រម ៦:១
*៦:១៦ ៦:១៦៖ រម ៥:២១; មថ ៦:២៤
*៦:១៧ ៦:១៧៖ រម ៨:៧-៩; ២កោ ៥:២១
*៦:១៨ ៦:១៨៖ យហ ៨:៣២; ១ពេ ២:១៦
*៦:២២ ៦:២២៖ «ទឹក» មោលាស «ឞូនុយ្សឆើមកើលជានការមាកោរាញឞ្រាស»។
*៦:២៣ ៦:២៣៖ រម ៥:២១; ១យហ ៥:១១-១២; នន ២:១៧; ៣:១៩