NEG-GUSMALAD-GARDA-GEBED
1 CRÓNICAS
GEBE-SOGLENAID
Garda-nug
Neg-Gusmalad-Garda-Gebed. We-garda sogabo narmaklesad. Degi-inigwele, Neg-Gusmalad-Garda-Gebed ibmarmar-gusmaladgi ilemakar-sognaid, ibu-birgamargi gusa, ibu-ibagangi gusa. Bela ilemakar sognaid, adi, dulemar melle oelegegar.
Neg-Gusmalad-Garda-Gebedgi weyob sunmaklenaid
We-gardamargine, Samuel-gardamargi-ibmarmar-gusadgi sunmaklenaid, degine, Reymar-gardamargi-ibmarmar-soglenaidgi sunmaklenaibalid. We-gardagine, bur bule Judá-yargi neggusadgi sunmaklenaid. Degi, gannar-gannar ibmar-sognaiyob dakleged.
We-gardagine, weyob ilemakar sunmaklenaid:
1. Adán-wagan-danikid, David-megisadse (1:1–9:44).
2. David neg-ganonikid (10:1–27:34).
2a. David Israel-yargi reyga megnonikid (10:1–12:40).
2b. David Jerusalénʼse Bab-Jehová-Ulu-sesad-igar (13:1–16:43).
2c. Bab-Dummad, Natánʼba Davidʼga sunmaksad (17:1-29).
2d. David bilamar-onosadgi nakwisad (18:1–22:1).
2e. David Babse-goled-neg-soblegega e-ibmar-ebulemalad onmaksad (22:2-19).
2f. Bab-Dummadga-arbamalad-e-arbaed (23:1–26:32).
2g. Israel-dule-e-dummagan (27:1-34).
3. Bab-Jehováʼse-goled-neg-soblegoed-igar (28:1–29:30).
Be itogua.
1. ADÁN-WAGAN-DANIKID, DAVID-MEGISADSE
1
(1:1–9:44)
Adán-wagan
(Génesis 5:1-32)
Adán-e-wagan, wemalad:
Adán-e-machi, Set. Set-e-machi, Enós.
Enós-e-machi, Cainán. Cainán-e-machi, Mahalaleel.
Mahalaleel-e-machi, Jared. Jared-e-machi, Enoc.
Enoc-e-machi, Matusalén. Matusalén-e-machi, Lamec.
Lamec-e-machi, Noé.
Noé-wagan
(Génesis 10:1-32)
Noé-e-masmala, wemalad:
Sem, Cam, Jafet.
Jafet-wagan
(Génesis 10:2-5)
Jafet-e-masmala, wemalad:
Gomer, Magog, Madai, Javán,
Tubal, Mesec, degi, Tiras.
Gomer-e-masmaladi, wemarmogad:
Askenaz, Rifat, Togarma.
Javán-e-masmaladi, wemarmogad:
Elisa, Tarsis, Quitim, degi, Dodanim.
Cam-wagan
(Génesis 10:6-20)
Cam-e-masmala, wemalad:
Cus, Mizraim, Fut, degi, Canaán.
Cus-e-masmaladi, wemarmogad:
Seba, Havila, Sabta, Raama, degi, Sabteca.
Raama-e-masmaladi, wemarmogad:
Seba, Dedán.
10 Cus, machi-Nimrod-nikusad.
Nimrodʼde, gebe-we-napneggi, dule-bila-onoged-gandikid megisad.
11 Mizraimʼdi, we-dulemar-e-dad-dummadga gunonikid:
Ludim-dulemar, Anamim-dulemar,
Lehabim-dulemar, Naftuhim-dulemar,
12 Patrusim-dulemar, degi, Casluhim-dulemar.
Casluhim-dulemargi, Filistea-dulemar-danikid,
degi, Caftorʼmar agi danimarmogad.
13 Canaán, machi-Sidón-nikusad.
Sidón, Canaán-e-machi-gebesailadid,
degi, Het, Canaán-e-machimogad.
14 We-dulemar, Canaán-e-waganmarmogad:
Jebuseoʼmar, Amorreoʼmar, Gergeseoʼmar,
15 Heveoʼmar, Araceoʼmar, Sineoʼmar,
16 Arvadeoʼmar, Zemareoʼmar, degi, Hamateoʼmar.
Sem-wagan
(Génesis 10:21-31)
17 Sem-e-masmala, wemalad:
Elam, Asur, Arfaxad,
Lud, Aram, Uz,
Hul, Geter, degi, Mesec.
18 Arfaxad, Sela-e-babga gunonikid.
Geb Sela, Heber-e-babga gunonimogad.
19 Heber, masmala-warbo ega gwalulesad:
Gwensak, Pelegʼye nugad.
Ar a-ibagangi, dulemar napneggi mimiles-gussoggu,
aba, Peleg-nuggusad.
Peleg-e-urbadi, Joctánʼye nugmogad.
20 Joctán-e-masmaladi, wemarmogad:
Almodad, Selef, Hazarmavet, Jera,
21 Adoram, Uzal, Dicla,
22 Ebal, Abimael, Seba,
23 Ofir, Havila, degi, Jobab.
Bela-wemar, Joctán-e-masmalad.
Sem-wagan-danikid Abram-gwalulesadse
(Génesis 11:10-26)
24 Sem, machi-Arfaxad-nikusad,
Arfaxadʼdi, machi-Sela-nikusmogad.
Selaʼdi, machi-Heber-nikusmogad.
25 Heberʼdi, machi-Peleg-nikusmogad,
Pelegʼdi, machi-Reu-nikusmogad.
26 Reuʼdi, machi-Serug-nikusmogad,
Serugʼdi, machi-Nacor-nikusmogad,
Nacorʼdi, machi-Taré-nikusmogad.
27 Taréʼdi, machi-Abram-nikusmogad.
We-Abram, Abrahamʼye nugbalid.
Abraham-wagan
28 Abraham-e-masmala, wemalad:
Isaac, Ismael.
Abraham-wagan-Hagarʼsikmalad
(Génesis 25:12-18)
29 Ismael-e-masmala, wemalad:
Ismael-e-machi-gebesailadi, Nebaiotʼye nugad.
Ismael-machi-sorbarmaladdi, wemalad:
Cedar, Adbeel, Mibsam,
30 Misma, Duma, Massa, Hadad, Tema,
31 Jetur, Nafis, degi, Cedema.
Wemar, Ismael-e-masmalad.
Abraham-wagan-Ceturaʼsikmalad
(Génesis 25:1-6)
32 Cetura, Abraham-ome-dikarbalidid. Abraham abogwa masmala-baksad, wemalad:
Zimram, Jocsán, Medán,
Madián, Isbac, degi, Súa.
Jocsán-e-masmaladi, wemarmogad:
Seba, Dedán.
33 Madián-e-masmaladi, wemarmogad:
Efa, Efer, Hanoc,
Abida, degi, Elda.
Bela-wemar, Cetura-e-waganad.
Sara-wagan
34 Abraham machi-Isaac-nikusad.
Isaac-e-masmaladi, wemarmogad:
Esaú, Israel.
Esaú-wagan
(Génesis 36:1-19)
35 Esaú-e-masmala, wemalad:
Elifaz, Reuel, Jeús,
Jaalam, degi, Coré.
36 Elifaz-e-masmaladi, wemarmogad:
Temán, Omar, Zefo, Gatam,
Cenaz, Timna, degi, Amalec.
37 Reuel-e-masmaladi, wemarmogad:
Nahat, Zera,
Sama, degi, Miza.
Seir-dulemar-Edomʼgi-bukwamalad
(Génesis 36:20-30)
38 Seir-e-masmala, wemalad:
Lotán, Sobal, Zibeón, Aná,
Disón, Ezer, degi, Disán.
39 Lotán-e-masmaladi, wemarmogad:
Hori, Homam.
Lotán-e-bundi Timnaʼye nugad.
40 Sobal-e-masmaladi, wemarmogad:
Alván, Manahat, Ebal,
Sefo, degi, Onam.
Zibeón-e-masmaladi, wemarmogad:
Aja, Aná.
41 Aná-e-machidi, wemogad:
Disón.
Disón-e-masmaladi, wemarmogad:
Amram, Esbán,
Itrán, degi, Querán.
42 Ezer-e-masmaladi, wemarmogad:
Bilhán, Zaaván, degi, Jaacán.
Disán-e-masmaladi, wemarmogad:
Uz, Arán.
Reymar Edom-yargi-megismalad
(Génesis 36:31-43)
43 Israel-dulemar-rey-nikued-iduar, Edom-yargi wemar reyga megismalad:
Beor-machi-Bela.
E-neggwebur Dinabaʼye nugad.
44 Rey-Bela-burgwenonigua,
Zera-machi-Jobab reyga megnonikid.
Zeraʼde, Bosra-neggweburginedid.
45 Jobab-burgwenonigua,
Husam reyga megnonikid.
Husamʼde, Temán-yargined.
46 Husam-burgwenonigua,
Bedad-machi-Hadad reyga megnonikid,
Hadadʼde, Moab-yargi Madián-ogalakus-gusadid.
E-neggwebur Avitʼye nugad.
47 Hadad-burgwenonigua,
Samla reyga megnonikid.
Samlaʼde, Masreca-neggweburginedid.
48 Samla-burgwenonigua,
Rehobotʼgined-Saúl reyga megnonikid,
Rehobot-neggweburde, Éufrates-diwar-dikarba siid.
49 Saúl-burgwenonigua,
Acbor-machi-Baal-Hanán reyga megnonikid.
50 Baal-Hanán-burgwenonigua,
Hadad reyga megnonikid.
E-neggwebur, Paiʼye nugad.
Hadad-e-ome, Mehetabelʼye nugad.
Mehetabelʼde, Matred-e-sisgwad, Mezaab-e-wagwad.
51 Hadad-burgwenonikid-sorba,
Edom-yargi wemar sailaganga megismalad:
Timna, Alva, Jetet,
52 Aholibama, Ela, Pinón,
53 Cenaz, Temán, Mibzar,
54 Magdiel, degi, Iram.
Wemar, Edom-yargi sailaganga megismalad.