4
Judá-wagan-baigan
1 Judá-e-wagan-baigan, wemalad:
Fares, Hezrón, Carmi,
Hur, degi, Sobal.
2 Sobal-machi-Reaía, machi-Jahat-nikusad.
Jahatʼdi, machi-Ahumai-nikusad,
degi, machi-Lahad-nikusbalid.
Jahatʼgi, Zora-dulemar danikid.
3 Etam-e-masmala Hur-e-wagan, wemalad:
Jezreel, Isma, degi, Ibdas.
Wemar-e-bundi, Haze-Lelponiʼye nugad.
4 Penuelʼdi, Gedor-e-babad.
Ezerʼdi, Husa-e-babad.
Wemar, Hur-e-waganad.
Hurʼde, Efrata-e-machi-sailaginedid.
Efrataʼde, Belén-neggwebur-dulemar-e-dadsailad.
5 Tecoa-neggwebur-dulemar-e-dadsaila-Asur, ome-walabo nikusad:
Hela, Naara.
6 Naara, we-masmala baksad:
Ahuzam, Hefer, Temeni, degi, Ahastari.
Wemar, Naara-e-masmalad.
7 Hela-e-masmaladi, wemarmogad:
Zeret, Jezoar, Etnán, degi, Cos.
8 Cosʼdi, warbo masmala nikusad:
Anub, Zobeba.
Cosʼde, Aharhel-e-wagan-e-dadsailad.
Aharhelʼde, Harum-machid.
9 Jabesʼdi, bur bule e-gwenadganba nug-nika megisad. E-nan Jabesʼye-onug-imaksad, ade soged: “Bonigan-abalagi an na mimmi-nikusye.” 10 Jabes, Israel-e-Bab-Dummadse gochad, ega sogded: “An bese wilesagwa egise, be ise-nued-angi-binsae, napa-dummad be wis anga uke. Be wis an-bendake, mer bar boni-dummadba wilegegar.” Jabes, Bab-Dummadse-ibmar-egichisadi, Bab-Dummad ega imaksad.
11 Súa-urba-Quelub, machi-Mehir-nikunonikid.
Mehirʼdi, Estón-e-babad.
12 Estón masmala-nikusadi, wemalad:
Bet-Rafa, Paseah, Tehina.
Tehinaʼde, Nahas-neggwebur-e-dadsailad.
Wemar, Reca-dulemarga gunonikid.
13 Cenaz-e-masmala, wemalad:
Otoniel, Seraías.
Otoniel-e-masmaladi, wemarmogad:
Hatat, degi, Meonotai.
14 Meonotaiʼdi, machi-Ofra-nikusad.
Seraíasʼdi, machi-Joab-nikusmogad.
Joabʼde, dulemar-Carisim-nebagi-bukwamalad-e-dadsailad.
We-dulemarde, ibmar-sobedgi-arbamaladid.
15 Jefone-machi-Caleb-e-masmala, wemalad:
Iru, Ela, Naam.
Ela-e-machidi, wedid:
Cenaz.
16 Jehalelel-e-masmala, wemalad:
Zif, Zifa, Tirías, degi, Asareel.
17 Esdras-e-masmala, wemalad:
Jeter, Mered, Efer, degi, Jalón.
Mered, e-ome-Bitiaʼye-nugadga we-mimmigan-baksad:
María, Samai, Isba.
Isbaʼde, Estemoa-e-babad.
18 Wemar, Faraón-e-sisgwa-Bitia-e-mimmiganad.
Mered-e-ome-baid-Jehudaíaʼye-nugad, Judá-duled.
A-omede, machimala-baksamogad:
Jered, Heber, Jecutiel. Jeredʼdi, Gedor-e-babad.
Heberʼdi, Soco-e-babad. Jecutielʼdi, Zanoa-e-babad.
19 Hodías, Naham-e-bun nikusad. A-ebogwa, wemar-baksad:
Keila, Estemoa.
Keilaʼde, Garmita-duled,
degi, Estemoaʼdi, Maaca-duled
20 Simón-e-masmala, wemalad:
Amnón, Rina, Ben-Hanán, degi, Tilón.
Isi-e-wagandi, wemalad:
Zohet, Benzohet.
21 Judá-machi-Sela-e-masmala, wemalad:
Er, Laada
Erʼde, Leca-neggwebur-dulemar-e-dadsailad.
Laadaʼde, Maresa-e-babad,
degi, Laadaʼde, Bet-Asbea-neg-nugadgi lino-morgi-arbamalad-e-dadsailabalid.
22 Sela-e-wagandi, wemalad:
Joacim, degi, Cozebaʼginmalad.
Deginbali, Joás, Saraf.
Wemar-warbogwad Belén-neggweburse gannar-daged-iduale, Moab-yargi negsemai gusmalad. We-ibmar-gusad garda-sergangi narmakar maid. 23 We-dulemar napsagi-arbamaladid. Netaín-neggweburgi, degi, Guederá-neggweburgi gudii gusmalad. Agine, we-dulemar reyga arbadii gusmalad.
Simeón-wagan
24 Simeón-e-waganmar, wemalad:
Nemuel, Jamín, Jarib, Zera, degi, Saúl.
25 Saúlʼdi, Salum-e-babad.
Salumʼdi, Mibsam-e-babad. Mibsamʼdi, Misma-e-babad.
26 Misma-e-wagan weyob danikid:
Misma, Hamuel-e-babad.
Hamuelʼdi, Zacur-e-babad.
Zacurʼdi, Simei-e-babad.
27 Simei, masmala warambe-gakanergwa (16) nikusad,
degi, bunamala walanergwa (6) nikusbalid.
Simei-e-gwenadgandina, mimmigan-ichesur nikussurmalad. Agala, Simeón-e-wagan, Judá-e-wagan-mergueyob gussurmalad.
28 Simeón-e-wagan, David reyga-megnonikidse, we-neggweburmargi ambikusmalad:
Beerseba, Molada, Hazar-Sual,
29 Bilha, Ezem, Tolad,
30 Betuel, Horma, Siclag,
31 Bet-Marcabot, Hazar-Susim,
Bet-Birai, degi, Saaraim.
Simeón-e-wagan Rey-David reyga-megnonikidse, we-neggweburmar na e-neggweburga imaksamalad.
32 Simeón-e-wagan-e-neggwebur-burwigana, wemarbalid:
Etam, Aín, Rimón, Toquén, degi, Asán.
Bela we-neggwebur-burwigana gwaatar gued.
33 Deginbali, Baal-neg-nugadse bela neggwebur-burwigana neggwebur-dummagan-dikarba-bubukwadi, amargadbalid. Simeón-wagan we-neggweburmargine ambikusmalad.
34 Simeón-wagan-e-dadgan-e-dadgan-e-dummagan-e-nugmar, wemalad:
Mesobab, Jamlec, Amasías-machi-Josías.
35 Joel, Josibías-machi-Jehú.
Josibíasʼdi, Seraías-e-machi. Seraíasʼdi, Asiel-e-machi.
36 Degine, e-dummagan-baigan, wemalad:
Elioenai, Jaacoba, Jesohaía,
Asaías, Adiel, Jesimiel, Benaía.
37 Degi, Sifi-machi-Ziza.
Sifiʼdi, Alón-e-machi. Alónʼdi, Jedaías-e-machi.
Jedaíasʼdi, Simri-e-machi, degi, Simriʼdi, Semaías-e-machi.
38 Wemar-nug-bilesmaladi, e-gwenadgan-e-dummaganga gudimalad.
Degine, e-gwenadgan bela-bela mergusmalad.
39 We-dulemar sibad-wawaadmarga gagan-nuegan-amiegala, Gedor-neg-nugad-dogedse, neba-neg-dad-nakwedsik-naidse mosmalad. 40 Agi, napa-bipisur-unnitiba amismalad, egi gagan-nuegan-bukidar-nai amismalad. A-yargi nabir-bogidik-gudii guleged amismalad. A-yargine, Cam-e-wagan gudimalanad.
41 We-dulemar-nug-bilesmaladi, Ezequías-Judá-e-reyga-maidgine, nonigusmalad. Bela Cam-e-wagan-danar-bukwad oitononimalad, egi naknoni gusmalad. E-ibe bela neg-burwigana-bukwad obelosmalad. Agi moli-omaed-gagan nue-nikasoggu, Cam-dulemar-muchub ambikusmalad. We-garda-narmaklenaigu, bela nug-iduar-bilesmalad, amba agi bukwamalad.
42 Deginbali, we-Simeón-sordamar, e-dulataled-ilatar (500), Seir-yalaganba nade gusmalad. Wemar-e-dummagan-idumalad, Isi-e-masmalad.
Amarde, wemalad:
Pelatías, Nearías, Refaías, degi, Uziel.
43 Degi, Isi-e-masmala bela Amalec-sordamar-napi-wakicha-gudimalad obelosmalad. Isi-e-wagan we-garda-narmaklenaidse agi amba bukwamalad.