113
Bab-Dummad-nued-daed-nug odummoged
1 ¡Aleluya! ¡Bab-Jehová-nug odummolesun!
Bab-Dummad-Jehová-e-maimar, Bab-Jehováʼse be gormar,
Bab-Jehová-nug be odummomar.
2 Emi-iba-akale, Bab-Jehová-nuggi
degisadegu nued-binsalesun.
3 Dad-nakwed-akar, dad-argwanedse,
Bab-Jehová-nugdi dummarba gusun.
4 Bab-Jehová bela dulemar-yar-baid-baidgi-bukwad semaid,
Nibneggi e-gangued-yeerdakleged bur dummarba gued.
5 Anmar-Bab-Dummad-Jehová-nibneggi-maidyobi, dule sated.
6 Bab-Jehová, e-maid-akale, nibneg dakmaid,
napneg dakmaibalid.
7 Bab-Jehová, dule-wileged e-wilediidgi bendakdaed,
Bab-Dummad, dule-ibmar-abesa-gudiid e-ibmar-abediidgi bendakdaed.
8 Adi, neggwebur-e-dummagan-abargi siegar.
Dule-nuga-nikamalad-abargi siegar.
9 Ome geg mimmi-bakedi, nabir mimmi-bake imaked,
nabir neguya-nika imaked.
¡Aleluya! ¡Bab-Jehová-nug odummolesun!