133
Gwenatigwar-nanamalad
We-namaked, Jerusalénʼse-nakwe-nadapir, namakleged. David we-namaked narmaksad.
1 ¡Ibibayobi, gwenatigwale-ambikued nuedi!
Ibibayobi, gwenatigwale-bulakwa-ambikued yeer-itolege.
2 Olivo-gwallu-nuedyobi gued,
Aarón-nonogi eolesale, e-sigase aryoddaed,
geb e-mor-naga-dukuse aryoddaed.
3 Hermón-yalagi-dii-bomieyobi gued.
We-dii Sión-yalase bomied.
Bab-Jehová weyob dulemar-gwenatigwale-bukwadgi, nued binsadaed,
suitii we-napneggi-gudii imaked.