4
Ŋu ozilaag Buŋ ɗo wer kaak ŋa hokumiyo
1 Min ŋaar-ak, nu tala pey botol pil waakilak ka samaaner. Nu dortu pey gaaƴ toŋgo ar perne taat kaawdu awalle. Ta kolintu aman : « As cok anne, naan̰ gaarin̰ maan kaak yaa ase neginda. »
2 Koɗok di, Ruwwin ta Buŋdi miinintu. Ek di nu taltu pey ka samaaner-aka, ɗo wer-ak gin sees ka sultan. Sees-ak gay waan goyji kuwa. 3 Waanna-ak irn̰a cuu*‛irn̰a cuu ar dambay kuuk gasɗo badam’ : Iŋ kaaw ta Grek, ŋa irn̰e ka dambay kuuk ŋu koliy ‛jaspe’ ho ‛sarduwaan’. ar dambay kuuk gasɗo badam. Ho ɗo wer ka seesdi-ak, *darjin ta Buŋdi irn̰a cuu balan̰†‛irn̰a cuu balan̰ ar dambay kuuk samaan-aku’ : Iŋ kaaw ta Grek, ŋa irn̰e ka dambay kuuk ŋu koliy ‛emerood’. ar dambay kuuk samaan-aku. 4 Nu taltu pey seesin ku sultan orok seer iŋ pooɗ leeyiig sees kaak waan goyji-aka. Seesin-ak gay, aginay orok seer iŋ pooɗ goyco kuwa. Aginay-ak is kesuun portiko ho iŋ kadumuulna ku daabner. 5 Min ɗo sees-ak, irn̰e cippit-cippit, awn̰e dindirim-dindirim ho hawin cayyi oki. Ɗo uŋji ka sees kaak ɗatko, gin akinay peesira. Akinay-ak gay, ŋuur ko ruwwinnay ku Buŋdi kuuk peesira. 6 Ho ɗo uŋji ka sees-ak gay goy pey wer ar barre kaak ƴaraaŋ ar gazzaza.
Gin pey gamin kuuk siikimaw pooɗ leeyiig sees kaak waan goyji-aka. Uŋda aaro, ziŋkico okin̰co gin odina. 7 Min gamin kuuk pooɗ siikimaw-ak : ka awalle ar boori, ka seeriŋkar ar ijilin̰ce, ka subbiŋkar wijeeney ar ta gemor, ho ka pooɗiŋkar gay ar sersir‡‛sersiro’ : Werin daarin̰, ŋu kolaag a ‛sarsiro’. kaak zewaw. 8 Gamin kuuk pooɗ-ak, okin̰co gin gezgir bijigiƴ bijigiƴ. Gezgirco-ak anuwco odin di, min kara yoo atta oki. Aando, ƴiriyo, ŋu riya di. Riyinco gay aman :
« Sellen̰, sellen̰, sellen̰,
Kiŋ *Rabbin Buŋ kaak gudurre okintiti ɗo pisin̰ji.
Ki goy min awalle, ki goy diŋka ho ki asa goye. »
9 Gamin kuuk pooɗ siikimaw-ak, ŋu riyiyo ho ŋu oziliy Buŋ kaak goy ka seesji elgin iŋ elgina. Ŋu karmiyaaga ho ŋu deliiji barkine. Ho ay wiktin taat ŋu tees riye-aka, 10 aginay kuuk orok seer iŋ pooɗ-ak gay, dersiy ɗo uŋji ka waan kaak goy ka seesji. Ŋu abdiyaag ŋaar kaak goy elgin iŋ elgina. Kar ŋu ceepiig kadumuulinco ho ŋu leeyig ɗo uŋji ho ŋu ɗiy aman :
11 « Rabbinni ho Buŋni,
lociŋ di *darjine, oziliika, iŋ gudurre.
Kiŋken di kilgiyig gamin okin̰co.
Kiŋ kat kilgiyig iŋ saawin ta meen̰jiŋ. »