1 Khankhawngsä naw hmanlunga mäiha vai lü Pamhnam la Tomeca bawingawhnak üngka naw lawng lawkia xünnak tuilawng a na mhmuh, 2 Gen 2:9Acunüng mlüh lama nglung la tui pipeia xünnak thing awmki. Acuna xünnak thing cun khya mat üng ahun cia ngthei lü kum mat üng xaleinghngih veia ngtheiki. Acuna thinga hnah cun khyangmjü he naküta hama phetyainaka kyaki. 3 Zakh 14:11Pamhnama yüncenak süm süm acuna mlüh üng am awm be ti khai.

Pamhnam la Toca bawingawhnak däng awm se a m'ya he naw Ani cun sawhkhah khai he. 4 A müihmai hmu law khai he; ami mceyü üng a ngming yuka kya khai. 5 Hesa 60:19; Dan 7:18Khawmthan am awm be ti khai. Meiima akvai la khawnghngia akvai am hlü be ti khai. Bawipa Pamhnam cun ami kdeia kya khai. Acunüng sangpuxang hea kba anglät se bawi khai he.

6 Acunüng khankhawngsä naw ka veia, “Hina ngthu hin üpnak vaia ngthu la ngthu kcanga kyaki ni; acunakyase a sahma he üng Ngmüimkhya jah pekia Bawipa Pamhnam naw säng säng se kya law khai he cen a m'ya he jah mhmuh khaia a khankhawngsä a tüih lawa kyaki.

7 Jesuh naw, “Ngai u, ka law jä khai. Hina cauk üng malam mdanak ngthu kcangnaki ta a jo sen ve,” a ti.

8 Ahin he naküt jah hmu lü ngjaki ta kei Johan ni. Ka jah hmuh ngjak käna acun na jah mhmuhkia khankhawngsäa khaw kunga ka sawhkhah khaia ka kawpki. 9 Acunsepi ani naw ka veia, “Hikba ä tia; kei cun nang la na bena sahma he la hina cauk ngthu kcangnaki he jah khüihpüikia ka kyaki ni. Pamhnam sawhkhaha,” a ti. 10 Acunüng ani naw ka veia, “Hina cauk malam mdanak he cen ä na jah mjih vai; Akcün ng'et law pängki ni. 11 Dan 12:10 Khyang kse naw ta akse pawh laih laih se; mtüihkhehki ta mtüihkheh laih laih se; dawki naw akdaw pawh laih laih se; ngcimcaihki ta ngcimcaih lü ve laih laih se,” a ti.

12 Hesa 40:10; 62:11; Sal 28:4; Hesa 40:10; Jer 17:10Jesuh naw, “Ngai u, ka law jä khai. Khyang naküt ami bilawha kba ka jah kheng khaia, ngkhengnak ka lawpüi khai. 13 Malam 1:8,17; 2:8; Hesa 44:6; 48:12Kei akcük la anghnu säih, acuteinak la adütnaka ka kyaki.

14 Gen 2:9; 3:22 “Xünnaka thing üngka thingkthei ei thei u lü mkawt üngka naw mlüha luh thei vaia ami suisak ngcim khaia msuki he ta ami jo sen ve. 15 “Mlüh kpunga ui he, suikyam taki he, hüipawmki he, khyang hnimkie, juktuh sawkhahki he, ami bilawh la ami pyenksak üng hleihlaki he awmki he. 16 Hesa 11:1,10“Kei Jesuh naw nami veia sangcim he üng hina ngthu sang khaia ka khankhawngsä ka tüih lawa kyaki. Kei Davita mjü üngka; deikhangkia thaikea ka kyaki,” a ti.

17 Hesa 55:1Ngmüimkhya la cangla naw, “Lawa!” ani ti.

Ngjaki naküt naw pi, “Lawa!” ti kawm.

Tui xaiki naküt law se;

ngaihki naküt naw amdanga yeta xünnak tui yah se.

18 Deut 4:2; 12:32 Kei, Johan naw hina malam mdanaka cauk hin ngjaki naküt üng ning jah mcäi veng. Upi iyaw mkhah siki cun hina cauk üng yuka khuikhanak he Pamhnam naw a khana mkhah pe hnga khai. 19 Acunüng upi hina cauk malam mdanaka ngthu mkhyühki cun hina cauk üng yuka xünnak thinga ktheih la Mlüh Ngcim a yah vai cun Pamhnam naw lakin pe hnga khai.

20 Ahina mawng jah ngsing saki naw, “Ä, akcanga! akjäa ka law khai,” a ti.

Acukba kya kawm. Bawipa Jesuh, lawa!

21 Bawipa Jesuha bäkhäknak avana*avan; avang üng Pamhnama khyang he tia yu u lü, avang üng Pamhnama khyang avan tia ami yuk. khana awm se.