1 ✡16:1 रोमियो 15:25,26हिमी उना चंदा क विषय मा जो चुखलो मानसे क करता कर्‍या जाता छे, जोसी हुकुम मा गलातिया गाव की मंडळी क देदी, वोसो ही तुमू भी करू। 2 हापता क पेहल दहाडू तुमू मा छे हर एक आपसी आमदनी क लारे काही आपने साथे राख्या छुड़ी करे कि मारे आवने पर चंदा नी करने पड़्या। 3 आरू जव हाव आवीस, तो जीवने तुमूक जुवछे तीनुक मा चिठ्ठया आपीन मुकली देसे कि तुमरा दान यरूशलेम मा पुचाडी देसे। 4 यदि मारा भी जाने वारू हुयो, तो वो मारे साथे जाछे।

5 ✡16:5 प्रेरितन 19:21हाव मकिदुनिया गाव हईन तुमरे साथे आवीस, काहकि मखे मकिदुनिया गाव हईन जाने ही छे। 6 पुन सम्भव छे कि तुमरे याहा ही ठेहर जावु आरू शरद ऋतु तुमरे याहा काटू तव जिना आरू मारो जाने होय उना आरू तुमू मखे पुचाड देसे। 7 काहकि हाव हिमी मार्ग मा तुमू छे भेंट करने नी जुवता; पुन मखे आश छे कि यदि पोरबु जुवे तो काही टेहाव तक तुमरे साथे रवीस। 8 ✡16:8 प्रेरितन 19:8-10पुन हाव पिन्तेकुस्त तक इफिसुस मा रवीस, 9 काहकि मारे करता वाँ एक मोठो व्दरा कामलागु झोपलो उघाड्यो छे, आरू विरोधी घोणा छे।

10 ✡16:10 1 कुरन्थियो 4:17यदि तीमुथियुस आय जाय, तो देखने कि वो तुमरे याहा निडर रया; काहकि वो मारे समान पोरबु क काम करता छे। 11 एरकरीन काही ओको तुच्छ नी जाने पुन ओको कुशल छे इनीये आरू पुचाड देने कि मारे साथे आय जाय; काहकि हाव ओकी वाट जुवो रया छे कि वो मारा भाईस क साथे आवसे। 12 भाईस अपुल्लोस छे हाव ने घोणा रावन्या करी छे कि तुमरे साथे भाईस क साथे जाय; पुन त्यो इनीये टेहाव जाने कि काही भी मरजी नी करी, पुन जव मेखे देखछे तव आय जाछे।

13 जागता रयो, विश्वास मा स्थिर रयो, हिमत करो, ताकदवावो हुयो। 14 जो काही करता होय मोंग छे करो।

15 ✡16:15 1 कुरन्थियो 1:16हे भाईस, तुमू स्तिफनास भाईस क घराना क जानता होय कि वो अखाया क पेहल फोव छे, आरू चुखलो मानसे कि सेवा क करता तियार रयता छे। 16 एरकरीन हाव तुमू छे रावन्या करता छे कि वोसो क हको तळे रयो, वरना हर एक क जो इनीये काम मा मेहनत आरू सहकर्मी छे। 17 हाव स्तिफनास आरू फूरतुनातुस आरू अखीकुश इन भाईस क आवने छे खुशी मा छे, काहकि त्या तुमरी घटी क पूरो कर्‍या छे। 18 त्या मारी आरू तुमरी आत्मा क सुख देदो छे, एरकरीन ओसला क मानु। 19 ✡16:19 प्रेरितन 18:2आसिया प्रदेश कि मंडळी कि आरू छे तुमू क नमस्कार; अक्विला आरू प्रिस्किल्ला क आरू ओको घर कि मंडळी क भी तुमू क पोरबु मा घोणा नमस्कार करू! 20 सब भाईस क तुमू क नमस्कार। चुखलो गवे लागाड़ ने छे आपस मा नमस्कार करो।

21 मखे पौलुस क आपने हात क लिख्या होया नमस्कार। 22 यदि काही पोरबु छे मोंग नी राखे तो वो उना पर हाय होय। हे हामरा पोरबु, आवो! 23 पोरबु ईशु क फोकटन दया तुमू पर होयतो रये। 24 मारो मोंग मसीह ईशु मा तुमू सब क साथे रयो। आमेन।